Samƀŭt Pôl Njuăl Ăn Ma Phung Nsing Ta Ƀon Rôm 16:2 - Nau Brah Ndu Ngơi 2023

² Ăn khân may vơt rom păng ma nau khư jêh tâm amoh Kôranh Brah tâm ban vơt rom ma phung kloh ueh, jêh ri sâm kơl păng ăp tơ̆ păng ŭch ma khân may; yorlah păng yơh hŏ tă kơl âk bunuyh, jêh ri nđâp ma gâp tâm ban lĕ.

Bunong Bible Latin Script Cambodian dialect

² Dăn khân ay may rom păng ăn tâm di ma phung ƀon lan Kôranh Brah, yorlah păng nsing ma Kôranh Yêsu. Dăn khân ay may kơl păng moh ndơ i păng ŭch, yorlah lĕ ŏk bunuyh păng kơl, nđâp ma kơl gâp đŏng.

Bunong

² ទាន់​ខាន់​អៃ​មៃ​រ៝ម​ពាង់​អ៝ន់​តឹម​ទី​មា​ផូង​ប៝ន​លាន​កោរាញ​ឞ្រាស យ៝រ​លាស​ពាង់​ញឆីង​មា​កោរាញ​យេឆូ  ។ ទាន់​ខាន់​អៃ​មៃ​កើល​ពាង់​ម៝ស​នទើ​អី​ពាង់​អុច យ៝រ​លាស​លែៈ​អ៝ក់​ឞូនុយ្ស​ពាង់​កើល នអ៝ប់​មា​កើល​គ៝ប់​ដ៝ង់។

Samƀŭt Pôl Njuăl Ăn Ma Phung Nsing Ta Ƀon Rôm 16:2 Iomraidhean Croise

Mathay 25:40

Hađăch mra plơ̆ lah pô aơ: ‘Nanê̆, Gâp lah ma khân may, nôk khân may ƀư jêh nau aơ ma du huê jê̆ lơn tâm phung oh nâu Gâp, nâm bu ntĭt hŏ ƀư ma Gâp tâm ban lĕ.’

Kôranh Oh Mon 9:13

Y-Ananias ơh: “Ơ Kôranh Brah, gâp tăng jêh âk bunuyh lah ma nơm nây ƀư djơh hâu ngăn ma phung kloh ueh May tâm ƀon Yêrusalem.

Kôranh Oh Mon 9:15

Ƀiălah Kôranh Brah lah: “Hăn hom, yorlah Gâp săch jêh nơm aơ jêng ndơ Gâp dŏng gay djôt leo amoh Gâp tât ma phung bu năch, phung hađăch, jêh ri phung kon Israel;

Kôranh Oh Mon 9:36

Ta ƀon Jôpa, geh du huê bu ur oh mon, amoh păng H'Tabitha, nâm bu ntĭt Dôrkas; păng ƀư âk kan ueh jêh ri vay ăn ndơ ma phung o ach.

Kôranh Oh Mon 9:39

Y-Pêtrôs dâk hăn ndrel ma bar hê khân păng. Tơlah păng tât ta ntŭk nây, bu njŭn leo păng ta jrô klơ nây. Lĕ rngôch phung bu ur ndrô dâk ta meng păng jêh ri nhĭm da dê, jêh ri ăn Y-Pêtrôs uănh dŭm âk ao rjai jêh ri kho ao êng H'Dôrkas hŏ jĭm ma khân păng dôl păng hôm gŭ rêh.

Kôranh Oh Mon 9:41

Y-Pêtrôs yơr ti sâm rdâk păng dâk, păng kuăl phung kloh ueh nđâp ma phung bu ur ndrô văch, ntĭm ăn phung nây saơ păng dâk rêh.

Samƀŭt Pôl Njuăl Ăn Ma Phung Nsing Ta Ƀon Rôm 15:7

Pôri, yorlah nau chrêk rmah Brah Ndu, khân may rom dơn hom ndrăng khân may nơm, tâm ban ma Brah Krist rom dơn jêh khân may.

Samƀŭt Pôl Njuăl Ăn Ma Phung Nsing Ta Ƀon Rôm 16:15

Mbah khâl đah Y-Philôlôgus jêh ri H'Juli, bar hê oh ruh Y-Nêrê jêh ri oh bu ur păng, Y-Ôlimpas, jêh ri lĕ rngôch phung kloh ueh gŭ ndrel ma khân păng.

Samƀŭt Pôl Njuăl Ăn Ma Phung Nsing Ta Ƀon Rôm 16:23

Y-Gaius, nơm vơt rom gâp jêh ri lĕ rngôch Phung Ngih Brah Ndu mbah jô̆ khâl đah khân may.

Samƀŭt Pôl Njuăl Ăn Ma Phung Nsing Ta Ƀon Rôm 16:6

Mbah khâl đah H'Mari, nơm hŏ kan pah hŏt r'ah yor ma khân may.

Samƀŭt Pôl Njuăl Ăn Ma Phung Nsing Ta Ƀon Rôm 16:9

Mbah khâl đah Y-Urbanos, nơm mĭt jiăng pah kan ndrel ma gâp tâm Brah Krist, jêh ri Y-Stakis, nơm mĭt jiăng gâp rŏng.

Êphêsô 5:3

Bi nau văng tĭr jêh ri lĕ nau mâu kloh ueh, mâu lah nau kơnh rlau keh, lơi dĭng ngơi ta nklang khân may; pôri mơ tâm di jêng phung kloh ueh.

Philip 1:27

Nau khlay jêng ăn khân may gŭ rêh tâm di đah Nau Mhe Mhan Ueh Brah Krist, gay ma tơlah gâp hăn khâl khân may mâu lah gâp ndŭt măt, gâp tăng lĕ ma khân may hôm dâk nâp, du ai nau mĭn, du nuih n'hâm tâm lơh ndrel yor nau chroh Nau Mhe Mhan Ueh,

Philip 2:29

Pôri, khân may răm maak hom tâm Kôranh Brah gay rom păng; jêh ri yơk hom ma bunuyh nâm nđĕ;

Kôlôh 4:10

Y-Aristarkus, băl tâm ndrung ndrel ma gâp, njuăl nau mbah jô̆ khâl ma khân may; Y-Markôs, oh nâu ndrel ma Y-Ƀarnaƀas tâm ban lĕ. Bơh Y-Markôs, khân may hŏ dơi dơn nau ntĭm jêh, tơlah Y-Markôs hăn tât ntŭk khân may, vơt rom hom păng.

I Timôthê 2:10

ƀiălah ƀư lĕ nau kan ueh, jêng nau tâm di ma phung bu ur nau yơk.

II Timôthê 1:18

Mbơh sơm dăn Kôranh Brah ăn ma păng geh nau yô̆ nđach tă bơh Kôranh Brah tâm Nar nây! May gĭt ngăn jêh nôk gâp gŭ ta ƀon Êphêsô, păng pah kan ma gâp lĕ nuih n'hâm.

Titus 2:3

Bu ur ranh kơt nây đŏng, ăn gŭ ngao ma nau kloh ueh, mâu ngơi mhĭk, mâu vay nhêt ndrănh. Ăn khân păng gĭt ntĭm nti ntil nau ueh jêh ri nau di

ផីលេមោន 1:12

Gâp mplơ̆ bunuyh aơ ma may tâm ban njuăl nuih n'hâm gâp nơm.

ផីលេមោន 1:17

Pôri, tơlah may kơp gâp jêng mĭt jiăng pah kan ndrel, rom dơn hom bunuyh aơ nâm bu gâp nơm đŏng.

II Yôhan 1:10

Tơlah mbu nơm hăn ta khân may, ƀiălah mâu djôt leo nau nti aơ, lơi vơt rom bunuyh nây lăp tâm ngih khân may ôh jêh ri lơi tâm mbah ôp đah păng.