Samƀŭt Pôl Njuăl Ăn Ma Phung Nsing Ta Ƀon Rôm 16:18 - Nau Brah Ndu Ngơi 2023

¹⁸ Yorlah phung pônây mâu pah kan ma Brah Krist, Kôranh Brah he ôh, ƀiălah pah kan ma ndŭl khân păng nơm; khân păng sŏk nau ngơi ueh, ngơi rnê gay ma ndơm mƀruh lĕ nuih n'hâm phung sŏng.

Bunong Bible Latin Script Cambodian dialect

¹⁸ Mpôl kơt i nây mâu ôh jan kar ma Brah Krist i Kôranh bân. Khân păng gĭt ma ndơ i săk jăn khân păng ŭch dơm, khân păng mbơh ngơi ueh, ngơi rnê ma bu hô ngăn, jêh ri ndơm bunuyh i dơh ma iăt.

Bunong

¹⁸ មពោល​កើត​អី​នៃ​មោ​អោស​ជាន​ការ​មា​ឞ្រាស​ក្រីស  ​អី​កោរាញ​ឞ៝ន់។ ខាន់​ពាង់​គឹត​មា​នទើ​អី​ឆាក់​ជាន់​ខាន់​ពាង់​អុច​ទើម ខាន់​ពាង់​មឞើស​ងើយ​អ្វែស ងើយ​រានេ​មា​ឞូ​ហោ​ងាន់ ជេសរី​នទើម​ឞូនុយ្ស​អី​ទើស​មា​អ្យាត់។

Samƀŭt Pôl Njuăl Ăn Ma Phung Nsing Ta Ƀon Rôm 16:18 Iomraidhean Croise

II Samuel 15:6

Y-Apsalôm ƀư tâm ban lĕ ma lĕ rngôch phung Israel văch joi ma hađăch ma nau phat dôih; pônây, Y-Apsalôm ndơm sŏk nuih n'hâm phung Israel.

II Nau Rêh Jêng 18:5

Hađăch Israel tâm rƀŭn phung nơm mbơh lor, geh klăp lah puăn rhiăng nuyh, jêh ri ôp khân păng: “He dơi hăn tâm lơh đah ƀon Ramôt-Gilêat mâu lah mâu?” Khân păng lah “Hăn hao hom! Brah Ndu mra jao ƀon nây tâm ti hađăch.”

Nau Mprơ Ơm 119:130

Nau rblang bơh Nau Ngơi May djôt leo nau ang, Păng ăn nau gĭt rbăng ma phung tông bâr.

Nau Mprơ Ơm 12:2

Khân păng dŏng nau ngơi mƀruh gay nkoch bri ndrăng khân păng nơm, Sŏk bâr mbung ngơi lĕ nau nklă ƀiălah nuih n'hâm ma nau mƀruh ndơm.

Nau Mprơ Ơm 19:7

Nau vay Brah Yêhôva jêng nŭm rĭng, Ntop nau rêh tâm huêng Nau ntĭnh bơh Brah Yêhôva jêng nanê̆, Ƀư ma phung rluk mâl jêng blau mĭn.

Nau Hôr 14:15

Bunuyh hôm e rluk rnơm lĕ rngôch ntil nau, Ƀiălah bunuyh blau njrăng sek uănh nanê̆ lĕ trong păng hăn.

Nau Hôr 22:3

Bunuyh blau ngăn saơ lor nau mhĭk jêh ri du krap, Ƀiălah phung rluk hăn rduh ran tât jêh ri dơn nau mhĭk.

Nau Hôr 8:5

Phung bunuyh rluk nti hom ăn gĭt nau blau; Phung rluk nti ăn gĭt nau blau mĭn.

Yêrêmi 23:17

Khân păng lah ƀaƀơ đah phung tâm rmot ma Gâp pô aơ: ‘Brah Yêhôva lah: Khân may mra geh nau đăp mpăn.’ Jêh ri lah ma phung geh nuih n'hâm dăng: ‘Mâu geh nau mhĭk mra tât ma khân may ôh.’

Êsêkiêl 13:16

Khân păng jêng phung nơm mbơh lor Israel mbơh lor lah ma Yêrusalem jêh ri uănh nau tâm saơ đăp mpăn ma ƀon nây ƀiălah mâu geh nau nđăp mpăn ôh, Kôranh Brah Yêhôva lah pônây.”’

Êsêkiêl 13:19

Khân may ƀư bêk jêh Gâp ta nklang phung ƀon lan Gâp yor lĕ mbăt ba ôrgơ jêh ri lĕ rlat piăng let. Khân may ndơm phung ƀon lan Gâp jêng phung ŭch iăt lĕ nau mƀruh nây gay ŭch nkhĭt bunuyh mâu khư đah nau khĭt ôh jêh ri om rêh phung mâu khư ma nau rêh ôh.’

Daniel 11:34

Tâm dôl khân păng chôt prah, khân păng dơn nau kơl geh djê̆ ngăn, ƀiălah geh âk bunuyh nau mƀruh ndơm tĭng khân păng.

Mika 3:5

Aơ jêng nau Brah Yêhôva lah ma phung nơm mbơh lor Jêng phung ƀư vĭ nhhơt trong ma phung ƀon lan Gâp; Tơlah geh mbu ăn khân păng sa Pôri khân păng mbơh pô aơ: “Đăp mpăn!” Bi tơlah mbu mâu ăn moh ndơ lăp tâm mbung khân păng Pôri khân păng ndrăp nkra nau tâm lơh đah nơm mâu ăn ndơ sa.

Malachi 1:10

Brah Yêhôva ma phung tahan lah: “Ŭch ma du huê bunuyh tâm khân may nchăng lơi lĕ rngôch mpông ngih brah gay khân may mâu mpoh ôh ŭnh dơm dam ta nơng ƀư brah Gâp.” Brah Yêhôva ma phung tahan lah: “Nuih n'hâm Gâp mâu maak ôh ma khân may, jêh ri kŏ mâu dơn đŏng bơh ti khân may du ntil ndơ ƀư brah.

Mathay 24:11

Âk nơm mbơh lor nklă mra mpơl jêr ri ndơm âk bunuyh.

Mathay 24:24

Yorlah lĕ bunuyh nklă amoh Brah Krist jêh ri phung nơm mbơh lor nklă mra mpơl jêh ri ƀư lĕ nau mbên khlay, nau khlay ngăn toyh gay ndơm, jêh ri tơlah geh dơi ƀư, khân păng ndơm nđâp ma phung hŏ săch jêh.

Mathay 6:24

“Mâu geh mbu nơm dơi pah kan ma bar hê kôranh; yorlah mra tâm rmot ma kôranh aơ jêh ri rŏng ma kôranh ri, mâu lah yơk ma kôranh aơ jêh ri mưch ma kôranh êng. Khân may mâu dơi ôh pah kan ƀă ma Brah Ndu jêh ri pah kan ƀă ma prăk ndô ndơ ôh.

Mathay 7:15

“Njrăng hom ma phung nơm mbơh lor nklă, khân păng mra văch ma khân may njêng nâm bu biăp, ƀiălah tâm trôm khân păng jêng so bri vay kăp hêk.

Yôhan 12:26

Tơlah mbu nơm pah kan ma Gâp păng tĭng Gâp; jêh ri ta ntŭk Gâp gŭ, bunuyh pah kan ma Gâp ăt mra gŭ ta nây lĕ. Tơlah mbu nơm pah kan ma Gâp, Mbơ̆ Gâp mra yơk ma păng.

Samƀŭt Pôl Njuăl Ăn Ma Phung Nsing Ta Ƀon Rôm 14:18

Mbu nơm pah kan ma Brah Krist tâm ban pônây ƀư maak nuih n'hâm Brah Ndu jêh ri bu yơk ma bunuyh nây.

Samƀŭt Pôl Njuăl Ăn Ma Phung Nsing Ta Ƀon Rôm 16:19

Lĕ rngôch bunuyh gĭt jêh ma nuih n'hâm khân may tông bâr; yor ri, gâp răm maak ma khân may, ŭch ma khân may geh nau blau mĭn ma nau ueh jêh ri ăn kloh ma nau mhĭk.

II Kôrintô 11:3

Ƀiălah gâp klach, nâm bu bêh dŏng tâm nchră ndơm mƀruh H'Êva, nau mĭn khân may geh đŏng nau mhĭk, roh nau nanê̆ ngăn jêh ri nau kloh rsang đah Brah Krist nâm pônây.

II Kôrintô 2:17

Yorlah, hên mâu tăch rgâl ma nau ngơi Brah Ndu nâm bu âk bunuyh êng. Ƀiălah jêng bunuyh Brah Ndu njuăl hăn, hên mbơh nkoch ma nuih n'hâm răp jăp tâm Brah Krist, tanăp Brah Ndu.

II Kôrintô 4:2

Hên dun jêh lĕ nau kan ndâp pôn jêh ri khư geh nau bêk prêng; hên mâu sŏk nau ndơm mâu lah nau nchơt nklă nau Brah Ndu ngơi ôh. Ƀiălah, hên rblang rah vah ma nau ngăn, hên ăn ma nuih n'hâm sŏng lĕ rngôch bunuyh tâm nal ma hên tanăp Brah Ndu.

Galati 1:10

Bi aƀaơ aơ, gâp ŭch sŏk nuih n'hâm kon bunuyh mâu lah Brah Ndu? Di lĕ gâp ŭch ƀư maak nuih n'hâm ma bunuyh? Tơlah gâp ăt srôih ƀư maak nuih n'hâm ma kon bunuyh, gâp mâu di jêng oh mon ma Brah Krist ôh.

Philip 2:21

Lĕ rngôch knŏng mĭn rvê ma nau khlay êng khân păng nơm, mâu di mĭn rvê ma nau khlay Brah Yêsu Krist ôh.

Philip 3:19

Nau nglĕ dŭt khân păng jêng nau rai roh. Khân păng sŏk ndŭl khân păng nơm jêng kôranh brah khân păng nơm, sŏk nau đit prêng jêng nau chrêk rmah, jêh ri knŏng mĭn ma lĕ nau kan tâm neh ntu.

Kôlôh 2:4

Gâp lah pô aơ gay lơi ăn geh bunuyh ƀư vĭ khân may ma nau ngơi ndơm.

Kôlôh 3:24

yor lah khân may gĭt mra dơn drăp ndơn bơh Kôranh Brah jêng nau nkhôm. Khân may dôl pah kan ma Brah Krist jêng Kôranh Brah.

II Têsalônik 2:10

păng dŏng lĕ rngôch nau plĕch rlăm djơh mhĭk gay ndơm phung rai yot, yorlah khân păng mâu sŏk dơn ôh nau rŏng tâm nau ngăn gay dơn nau tâm rklaih.

I Timôthê 6:5

nau tâm djrel mro mrăng ta nklang phung bunuyh geh nau mĭn mhĭk, lơh roh nau ngăn, uănh nau klach yơk tâm ban nau gay ma sŏk drăp nkhôm.

Yakơ 1:1

Y-Yakơ, oh mon Brah Ndu jêh ri Kôranh Brah jêng Brah Yêsu Krist, nchih njuăl ma jât ma bar ndŭl mpôl dôl gŭ rêh nchah rai lam ntŭk. Ăn nau maak ma khân may!

II Pêtrôs 2:3

Yorlah nuih n'hâm kơnh ir, khân păng dŏng lĕ nau ngơi mƀruh nchơt gay sŏk drăp nkhôm bơh khân may; nau phat dôih prăp ma khân păng ntơm bơh jŏ nar jêh ăt hôm khlay, jêh ri nau rai lôch prăp ma khân păng mâu gŭ rlu.

Yuđas 1:1

Y-Yut, oh mon Brah Yêsu Krist jêh ri oh Y-Yakơ, njuăl samƀŭt ma phung geh nau kuăl jêh, geh Brah Ndu jêng Mbơ̆, rŏng, jêh ri geh Brah Yêsu Krist mât mray.

Yuđas 1:12

Phung bunuyh nây jêng ndơ ƀơ̆ tâm nau nhêt sa rŏng khân may; khân păng ăt janh nhêt sa blă blơ nhŭl ndrănh ndrăng khân păng, jêh ri knŏng gĭt rvê ma khân may nơm. Khân păng jêng ndâr tŭk mâu geh dak, sial khôm rdu; khân păng jêng lĕ tơm si mâu geh play lôch yan, bar tơ̆ khĭt, đôk tŏk lŏk reh.

Yuđas 1:16

Khân păng jêng phung vay ngơi ƀŭk dŭk suyh, nduyh lah bu, ƀư tĭng lĕ nau kơnh ŭch khân păng nơm, trôm mbung ngơi âk nau sưr êng păng nơm, tâm rnê rlau keh ma bu gay sŏk drăp nkhôm.

Nau Tâm Mpơl 1:1

Nau Yêsu Krist tâm mpơl tĭng nâm Brah Ndu ăn ma Păng gay tâm mpơl ma phung oh mon Păng lĕ nau kan bơi tât. Păng njuăl tông mpăr hăn tât gay tâm mpơl ma Y-Yôhan, oh mon Păng,

I Samuel 2:29

Mâm ƀư khân may mưch rmot lĕ mpa ƀư brah jêh ri lĕ ndơ nhhơr Gâp hŏ ntăm jêh nhhơr ma Gâp mro mrăng? May yơk ma phung kon bu klâu may rlau lơn ma Gâp, jêh ri khân may mât rong khân may ăn lay ma lĕ ndơ nhhơr dŭt ueh tă bơh phung Israel, jêng phung ƀon lan Gâp!’