Samƀŭt Pôl Njuăl Ăn Ma Phung Nsing Ta Ƀon Rôm 16:17 - Nau Brah Ndu Ngơi 2023

¹⁷ Hơi oh nâu, gâp nkah ma khân may, uănh njrăng hom ma mbu nơm ƀư nau tâm nkhah mpôl jêh ri ƀư chêh prah, tâm rdâng đah ma nau ntĭm nti khân may nti jêh. Der hom khân may ngai đah khân păng.

Bunong Bible Latin Script Cambodian dialect

¹⁷ Ơ oh nô ta nau nsing, gâp dăn khân ay may hô ngăn, ăn khân ay may njrăng ma mpôl bunuyh i jan tâm nkhah phung, ndrel ma i jan ăn bu hiơt ta nau nsing. Ăn njrăng ma mpôl bunuyh i ntŭm nti nklă jêng ndơ tih đah nau khân ay may lĕ jêh bu ntŭm nti nơh. Lah ndri ăn khân ay may der hŏm bơh mpôl kơt nây.

Bunong

¹⁷ អើ​អ៝ស​នោ​តា​នាវ​ញឆីង គ៝ប់​ទាន់​ខាន់​អៃ​មៃ​ហោ​ងាន់ អ៝ន់​ខាន់​អៃ​មៃ​ញជ្រាង់​មា​មពោល​ឞូនុយ្ស​អី​ជាន​តឹម​ងខាស​ផូង នទ្រែល​មា​អី​ជាន​អ៝ន់​ឞូ​ហ្យើត​តា​នាវ​ញឆីង។ អ៝ន់​ញជ្រាង់​មា​មពោល​ឞូនុយ្ស​អី​នតុម​នតី​ងក្លាៈ​ជេង​នទើ​តីស​ដាស​នាវ​ខាន់​អៃ​មៃ​លែៈ​ជេស​ឞូ​នតុម​នតី​នើស។ លាស​នទ្រី​អ៝ន់​ខាន់​អៃ​មៃ​ទែរ​ហ៝ម់​ឞើស​មពោល​កើត​នៃ។

Samƀŭt Pôl Njuăl Ăn Ma Phung Nsing Ta Ƀon Rôm 16:17 Iomraidhean Croise

Mathay 18:17

Tơlah păng dun, mâu ŭch dơn nau khân păng, mbơh nau nây ma Phung Ngih Brah Ndu; jêh ri tơlah păng dun mâu ŭch dơn, nau Phung Ngih Brah Ndu, may mra kơp păng nâm bu bunuyh padih mâu lah nơm riu pi.

Mathay 18:7

“Rêh ni ngăn ma neh ntu yor lĕ nau ƀư ma bu chêh prah! Yorlah lĕ nau ƀư bu chêh prah jêng geh ngăn, ƀiălah rêh ni ngăn ma mbu jêng nơm ƀư nau chêh prah!

Mathay 7:15

“Njrăng hom ma phung nơm mbơh lor nklă, khân păng mra văch ma khân may njêng nâm bu biăp, ƀiălah tâm trôm khân păng jêng so bri vay kăp hêk.

Luka 17:1

Brah Yêsu lah ma phung oh mon: “Geh âk ntil ƀư chêh prah, ƀiălah rêh ni yơh ma nơm ƀư nau chêh prah nây!

Kôranh Oh Mon 15:24

Yor hên tăng jêh geh bar pe nuyh tâm hên, nđâp lah mâu dơn nau ntĭnh tă bơh phung hên, hŏ lah lĕ nau ƀư vĭ jêh ri ƀư rsuak nau mĭn khân may.

I Kôrintô 11:18

Lor lơn, gâp tăng pô aơ, tơlah khân may tâm rƀŭn tâm Phung Ngih Brah Ndu, geh nau tâm pă tâm phung khân may; gâp chroh nau aơ geh du kô̆ di ngăn.

I Kôrintô 3:3

yorlah khân may ăt hôm jêng phung nglay săk. Yorlah tâm phung khân may hôm geh nau mâu nach, nau tâm jin; tâm ban pônây, mâu di hĕ khân may jêng phung nglay săk jêh ri gŭ ngao tâm ban ma bunuyh ta neh ntu hĕ?

Galati 2:4

Hên hŏ ƀư tâm ban lĕ yorlah geh ƀaƀă phung nklă jêng oh nâu, khân păng mŭt ntŭng tâm nklang hên, kâp uănh nau kon me hên geh jêh tâm Brah Yêsu Krist gay nhŭp hên ƀư dĭk.

Philip 3:17

Hơi phung oh nâu, kơt hom ndrel gâp, jêh ri mĭn rvê tât phung bunuyh gŭ rêh tĭng nâm nau kơt khân may saơ tâm hên.

Kôlôh 2:8

Njrăng hom, lơi ăn mbu ƀư dăk sân khân may ma nau ntĭm nti dŭt blau jêh ri ma nau ngơi nklă dơm dam tĭng nâm nau vay ơm bơh kon bunuyh, tĭng nâm huêng brah tâm neh ntu, ƀiălah mâu di tĭng nâm Brah Krist.

II Têsalônik 3:6

Hơi phung oh nâu, tâm amoh Kôranh Brah he jêng Brah Yêsu Krist, khân may nkah phung oh nâu der ngai hom đah phung oh nâu gŭ rêh ƀlao pah kan, mâu tĭng lĕ nau ntĭm nti ƀiălah khân may hŏ sŏk dơn jêh bơh hên.

I Timôthê 1:3

Tâm ban gâp nkah jêh ma may dôl gâp hăn ta n'gor Masêđôn, ăn may gŭ ta ƀon Êphêsô gay ntĭm nti ma du phung bunuyh mâu dơi nti du nau chroh êng,

II Timôthê 3:5

tâm mpơl nau klach yơk padih, ƀiălah dun lơi nau brah ma nau klach yơk nây. Ăn may der ngai bơh phung kơt nây.

Titus 3:10

Lôch jêh nduyh ma nơm ƀư nau tâm nkhah mpôl du tơ̆ mâu lah bar tơ̆ pôri der ngai hom đah khân păng;

I Yôhan 2:19

Khân păng du luh jêh tă bơh nklang phung he, ƀiălah khân păng mâu jêng phung he ôh. Yorlah tơlah khân păng jêng phung he, khân păng mra gŭ ndrel ma he; nau aơ tât jêh gay tâm mpơl rah vah ma lĕ rngôch khân păng mâu jêng phung he ôh.

Yuđas 1:19

Khân păng yơh jêng phung tâm nkhah mpôl, phung bunuyh gŭ rêh tĭng nglay săk, mâu geh Brah Huêng Ueh ôh.