Samƀŭt Pôl Njuăl Ăn Ma Phung Nsing Ta Ƀon Rôm 15:31 - Nau Brah Ndu Ngơi 2023

³¹ gay ma gâp dơi klaih bơh phung mâu chroh tâm n'gor Yuđa, jêh ri nau gâp pah kan dôl gâp hăn tât ta ƀon Yêrusalem mra dơi phung kloh ueh dơn.

Bunong Bible Latin Script Cambodian dialect

³¹ Ăn khân ay may dăn Kôranh Brah njrăng gâp bơh phung Israel i mâu nsing ma Brah Krist ta bri Yuđa, dăn Păng đŏng ăn phung Israel i nsing ma Brah Krist ta ƀon Yêrusalem sŏ dơn prăk dja i gâp ndjôt ăn ma khân păng.

Bunong

³¹ អ៝ន់​ខាន់​អៃ​មៃ​ទាន់​កោរាញ​ឞ្រាស​ញជ្រាង់​គ៝ប់​ឞើស​ផូង​អីឆ្រាអែល  ​អី​មោ​ញឆីង​មា​ឞ្រាស​ក្រីស  ​តា​ឞ្រី​យូដា  ទាន់​ពាង់​ដ៝ង់​អ៝ន់​ផូង​អីឆ្រាអែល  ​អី​ញឆីង​មា​ឞ្រាស​ក្រីស  ​តា​ប៝ន​យេរូឆាលឹម  ​ឆ៝ៈ​ទើន​ព្រាក់​អ្យា​អី​គ៝ប់​ញអោត​អ៝ន់​មា​ខាន់​ពាង់។

Samƀŭt Pôl Njuăl Ăn Ma Phung Nsing Ta Ƀon Rôm 15:31 Iomraidhean Croise

Kôranh Oh Mon 22:24

Kôranh chiă uănh ntrŭnh bu njŭn leo Y-Pôl lăp tâm pôih, dong ma mâng rpăt jêh ri ôp sek gay gĭt mâm ƀư phung ƀon lan nter tâm rdâng ma păng pônây.

Kôranh Oh Mon 25:2

Ta nây, phung kôranh ƀư brah toyh jêh ri kôranh chiă uănh tâm phung Yuđa phong Y-Pôl tanăp păng,

Kôranh Oh Mon 25:24

Phêtus lah: “Hơi hađăch Agripa jêh ri lĕ rngôch phung gŭ tâm aơ: Khân may saơ bunuyh aơ yor păng yơh lĕ rngôch phung Yuđa ta ƀon Yêrusalem, nđâp ta ƀon aơ vơl dăn gâp jêh ri nter mâu dơi ăn păng gŭ rêh ôh.

Kôranh Oh Mon 9:13

Y-Ananias ơh: “Ơ Kôranh Brah, gâp tăng jêh âk bunuyh lah ma nơm nây ƀư djơh hâu ngăn ma phung kloh ueh May tâm ƀon Yêrusalem.

Kôranh Oh Mon 9:15

Ƀiălah Kôranh Brah lah: “Hăn hom, yorlah Gâp săch jêh nơm aơ jêng ndơ Gâp dŏng gay djôt leo amoh Gâp tât ma phung bu năch, phung hađăch, jêh ri phung kon Israel;

Samƀŭt Pôl Njuăl Ăn Ma Phung Nsing Ta Ƀon Rôm 15:25

Ƀiălah aƀaơ, gâp hăn ta ƀon Yêrusalem gay ma pah kan phung kloh ueh;

I Kôrintô 16:15

Hơi phung oh nâu, gâp hôm du tong ntĭnh đŏng, khân may gĭt rnăk vâl Y-Stêphanas jêng play bôk yan ta n'gor Akai; khân păng pah kan lĕ nuih n'hâm ma phung kloh ueh.

II Kôrintô 1:10

Păng yơh tâm rklaih jêh he bơh nau khĭt dŭt krit kir kơt nĕ; Păng dôl tâm rklaih hên, jêh ri hên kâp gân ma Păng mra tâm rklaih tay hên.

II Kôrintô 8:4

jêh ri khân păng dăn ma hên ăn khân păng dơi geh du kô̆ tâm nau kơl phung kloh ueh.

II Kôrintô 9:1

Ma nau kơl ma phung kloh ueh, gâp mâu hôm ŭch nchih tay ma khân may đŏng.

II Kôrintô 9:13

Nau kơl aơ jêng nau mbơh gay khân may tâm rnê Brah Ndu, yor nau tông bâr ma Nau Mhe Mhan Ueh Brah Krist khân may mpơl jêh, jêh ri yorlah nau lŏng khân may huy ngăn ma khân păng jêh ri ma lĕ rngôch bunuyh.

I Têsalônik 2:15

phung bunuyh hŏ nkhĭt jêh Kôranh Brah jêng Brah Yêsu, nkhĭt phung nơm mbơh lor, jêh ri ƀư mhĭk ma hên. Khân păng ƀư rngot nuih n'hâm Brah Ndu jêh ri rlăng đah lĕ rngôch bunuyh,

II Têsalônik 3:2

jêh ri gay ma hên geh nau rklaih bơh phung bunuyh ƀai jêh ri djơh mhĭk; yorlah mâu di lĕ rngôch geh nau chroh da dê.

II Timôthê 3:11

tâm ban đŏng tâm lĕ nau bu ƀư mhĭk, nau rêh ni hŏ tât ma gâp ta ƀon Antiôs, Ikôni, jêh ri ta ƀon Listrơ. Gâp dơn jêh lĕ nau bu ƀư mhĭk nây, ƀiălah Kôranh Brah tâm rklaih jêh gâp ƀaƀơ bơh lĕ nau nây.

II Timôthê 4:17

Ƀiălah Kôranh Brah dâk êp meng gâp jêh ri ăn nau dơi ma gâp, gay gâp dơi mbơh nkoch Nau Mhe Mhan Ueh tâm nau ƀư rĭng ma lĕ rngôch phung bu năch tăng, jêh ri gâp geh nau rklaih bơh trôm mbung yau mŭr.