Samƀŭt Pôl Njuăl Ăn Ma Phung Nsing Ta Ƀon Rôm 14:14 - Nau Brah Ndu Ngơi 2023

¹⁴ Tâm Brah Yêsu, gâp gĭt jêh ri chroh n'hêl mâu geh moh ndơ êng păng nơm jêng ƀơ̆ ƀơch ôh; ƀiălah păng jêng ƀơ̆ ƀơch ma mbu nơm uănh păng jêng ƀơ̆ ƀơch.

Bunong Bible Latin Script Cambodian dialect

¹⁴ Tă bơh gâp lĕ gŭ ndrel Kôranh Yêsu, ndri gâp lĕ gĭt n'hêl jêh, mâu geh ôh ndơ sông sa jêng ƀơ̆ êng mâu di ma sa, yơn ma lah geh du huê bunuyh lah ndơ dja ƀơ̆, ri mơ ndơ i nây jêng ƀơ̆ mâu di ma sa ma păng i tơm lah i nây.

Bunong

¹⁴ តាៈ​ឞើស​គ៝ប់​លែៈ​គុ​នទ្រែល​កោរាញ​យេឆូ  នទ្រី​គ៝ប់​លែៈ​គឹត​នហេល​ជេស មោ​គែស​អោស​នទើ​ឆោង​ឆា​ជេង​បឹ​អេង​មោ​ទី​មា​ឆា យើន​មា​លាស​គែស​ទូ​ហ្វេ​ឞូនុយ្ស​លាស​នទើ​អ្យា​បឹ រី​មើ​នទើ​អី​នៃ​ជេង​បឹ​មោ​ទី​មា​ឆា​មា​ពាង់​អី​តើម​លាស​អី​នៃ។

Samƀŭt Pôl Njuăl Ăn Ma Phung Nsing Ta Ƀon Rôm 14:14 Iomraidhean Croise

Markôs 7:2

khân păng saơ ƀaƀă oh mon Brah Yêsu gŭ sông sa ma ti mâu kloh, nâm bu ntĭt jêng ê hŏ rao ti.

Kôranh Oh Mon 10:28

Păng lah ma phung nây: “Khân may gĭt phung Yuđa mâu dơi vay ôh tâm rnglăp đah phung bu năch mâu lah lăp ngih păng; ƀiălah Brah Ndu hŏ tâm mpơl ma gâp jêh, lơi ăn uănh du huê bunuyh ƀơ̆ ƀơch mâu lah mâu kloh.

Samƀŭt Pôl Njuăl Ăn Ma Phung Nsing Ta Ƀon Rôm 14:2

Bunuyh aơ mĭn dơi sa lĕ rngôch ndơ; bi bunuyh rdja sa knŏng trau dơm.

Samƀŭt Pôl Njuăl Ăn Ma Phung Nsing Ta Ƀon Rôm 14:20

Lơi yor ndơ sông sa ƀư rai ôh kan Brah Ndu. Di yơh lĕ rngôch ndơ kloh da dê, ƀiălah mbu nơm yor du ntil ndơ sông sa ƀư ma bunuyh êng chêh prah jêng tih ngăn.

Samƀŭt Pôl Njuăl Ăn Ma Phung Nsing Ta Ƀon Rôm 14:23

Ƀiălah mbu nơm hôm đing, ƀiălah ăt sa, păng geh nau tâm rmal jêh, yorlah păng mâu ƀư tĭng nâm nau chroh. Lĕ rngôch nau kan mâu luh bơh nau chroh jêng nau tih.

I Kôrintô 10:25

Ăn khân may sa ndơ bu tăch ta ngih tăch drăp, mâu geh nau ôp yor nuih n'hâm sŏng ôh.

I Kôrintô 8:10

Tơlah du huê geh nuih n'hâm sŏng rdja saơ may, jêng nơm geh nau gĭt rbăng, gŭ sa ndơ tâm jây rhŏ rup brah, mâu di hĕ bunuyh nây nsônh bu sa ndơ ƀư brah ma rup brah?

I Kôrintô 8:7

Ƀiălah mâu di lĕ rngôch ôh geh nau gĭt rbăng aơ. Ƀaƀă bunuyh mơng bên ir ma rup brah, yor ri tơlah sa ndơ ƀư brah nây, ri mơ uănh nâm bu hŏ nhhơr jêh ma rup brah, jêh ri nuih n'hâm sŏng khân păng rdja geh nau ƀơ̆ ƀơch.

I Timôthê 4:4

Yorlah lĕ rngôch ndô ndơ Brah Ndu njêng jêh jêng ueh da dê, mâu geh ndơ mƀăr lơi ôh, knŏng tơlah sŏk dơn ma nuih n'hâm gĭt lah ueh;

Titus 1:15

Ma phung kloh, lĕ ntil ndơ jêng kloh da dê; ƀiălah ma phung bunuyh ƀư blă blơ jêh ri mâu chroh mâu geh ôh du ntil ndơ kloh. Ƀiălah, lĕ nau mĭn jêh ri nuih n'hâm sŏng khân păng nơm geh nau djơh mhĭk jêh.