Samƀŭt Pôl Njuăl Ăn Ma Phung Nsing Ta Ƀon Rôm 13:11 - Nau Brah Ndu Ngơi 2023

¹¹ Ƀư hom tâm ban lĕ, yorlah khân may gĭt khân may nơm dôl gŭ rêh tâm moh nôk. Tât jêh mông khân may kah rngăl bê̆ch, yorlah aƀaơ nau tâm rklaih dăch lơn đah nar he rlau lơn dôl he mhe chroh.

Bunong Bible Latin Script Cambodian dialect

¹¹ Ăn khân ay may jan kơt nây, yorlah khân ay may lĕ gĭt jêh mong dja moh mong, jêng di mong ma khân ay may mhe kah gĭt săk tâm ban ma dâk kah bêch, yorlah aƀaơ dja nar Brah Yêsu plơ̆ ta dja dăch rlau đah ma nar bân nchô ntơm lăp nsing nơh.

Bunong

¹¹ អ៝ន់​ខាន់​អៃ​មៃ​ជាន​កើត​នៃ យ៝រ​លាស​ខាន់​អៃ​មៃ​លែៈ​គឹត​ជេស​ម៝ង​អ្យា​ម៝ស​ម៝ង ជេង​ទី​ម៝ង​មា​ខាន់​អៃ​មៃ​មហែ​កាស​គឹត​ឆាក់​តឹម​ឞាន​មា​ទ៝ក់​កាស​ឞិច យ៝រ​លាស​អាបៃ​អ្យា​នារ​ឞ្រាស​យេឆូ​ព្លឹ​តា​អ្យា​ទាច់​រាលាវ​ដាស​មា​នារ​ឞ៝ន់​ញចោ​នតើម​លាប់​ញឆីង​នើស។

Samƀŭt Pôl Njuăl Ăn Ma Phung Nsing Ta Ƀon Rôm 13:11 Iomraidhean Croise

Nơm Nti 9:10

Lĕ kan ti may dơi ƀư, ƀư hom lĕ nau ktang may; yorlah tâm ƀon phung khĭt, jêng ntŭk dôl may hăn tât, mâu geh nau kan, nau nchră, nau gĭt rbăng mâu lah jêng nau blau mĭn.

Yônais 1:6

Kôranh kumpăn văch dăch ma păng jêh ri lah: “Dơi lĕ may gŭ bê̆ch? Hăn dâk hom! Kuăl hom ma brah may. Klăp lah brah nây mra kah gĭt tay he pôri he mra klaih khĭt.”

Mathay 16:3

Bi tâm ơm ôi, khân may lah: ‘Nar aơ mra geh mih sial, yorlah trôk chăng jêh ri geh n'hâm tŭk.’ Khân may gĭt năl tâm nkhah rah vah moh trôk jêng, ƀiălah khân may mâu tâm nkhah dơi ôh nau mbên năm khay.

Luka 21:28

Tơlah nau nây ntơm tât geh, dâk sŏng hom, n'gơr hom, yorlah nau tâm rklaih khân may dôl văch dăch.”

I Kôrintô 10:11

Lĕ rngôch nau nây tât geh ma khân păng nâm bu du nau nti, jêh ri bu nchih jêh gay lah lor ma he jêng phung gŭ êp nar dăch lôch.

I Kôrintô 15:34

Ăn rgâl nuih n'hâm jêh ri lơi ƀư tih ôh, yorlah ƀaƀă tâm phung khân may mâu gĭt năl Brah Ndu ôh. Gâp lah kơt nây gay ƀư bêk khân may.

Êphêsô 5:14

Yor nây, geh nau lah pô aơ: “Hơi nơm dôl bê̆ch, kah rngăl hom, Dâk hom may tă bơh nklang phung bunuyh khĭt, Ri mơ Brah Krist mra nchrat ang may.”

Yakơ 5:8

Khân may tâm ban lĕ, srôih hom. Gŭ nâp hom nuih n'hâm, yorlah nar Kôranh Brah plơ̆ văch hŏ dăch jêh.

I Pêtrôs 4:7

Nau nglĕ dŭt lĕ rngôch ntil ndơ dăch tât jêh; pôri ăn khân may gĭt mĭn jêh ri di keh gay ma mbơh sơm.

II Pêtrôs 3:11

Yorlah lĕ rngôch ndơ nĕ mra rai lôch kơt nĕ, pôri ăn khân may gŭ rêh nau rêh kloh ueh jêh ri blau yơk

II Pêtrôs 3:9

Kôranh Brah mâu mbrĕ mbrơi ma nau Păng ton tĭng nâm ƀaƀă mĭn, ƀiălah Păng srôih đah khân may, mâu ŭch ôh du huê khĭt roh, ƀiălah ŭch ma lĕ rngôch rmal nau tih da dê.

I Yôhan 2:18

Hơi phung kon jê̆, aơ jêng mông nglĕ dŭt! Khân may hŏ tăng jêh ma nơm tâm rdâng đah Brah Krist mra văch, jêh ri aƀaơ aơ geh âk jêh nơm tâm rdâng đah Brah Krist văch jêh. Yor nây, he gĭt aơ jêng mông lôch dŭt.

Nau Tâm Mpơl 1:3

Ueh maak yơh ma bunuyh răk ndrel ma phung tăng nau mbơh lor aơ jêh ri djôt prăp lĕ nau bu nchih jêh tâm nây, yorlah mông nar dăch tât.

Nau Tâm Mpơl 22:10

Jêh nây tông mpăr lah tay ma gâp: “Lơi ta tâp pŏng ôh lĕ nau ngơi mbơh lor tâm ndrom samƀŭt aơ, yorlah mông nar dăch jêh.

Nau Tâm Mpơl 22:12

“Aơ, Gâp văch gơnh, jêh ri djôt nau Gâp nkhôm ndrel ma Gâp, gay ăn ma ăp nơm tĭng nâm kan păng ƀư jêh.

Nau Tâm Mpơl 22:20

Nơm mbơh nkoch ma nau aơ lah: “Di ngăn, Gâp văch gơnh.” Amen. Ơ Kôranh Brah jêng Brah Yêsu, dăn văch hom!