Samƀŭt Pôl Njuăl Ăn Ma Phung Nsing Ta Ƀon Rôm 12:8 - Nau Brah Ndu Ngơi 2023

⁸ bunuyh geh nau dơi ăn n'hao nuih n'hâm, n'hao hom nuih n'hâm; bunuyh geh nau dơi ăn pă drăp ndơ, pă hom drăp ndơ ma nuih n'hâm lŏng; bunuyh geh nau dơi ăn chiă uănh, gơih chiă uănh hom; bunuyh geh nau dơi ăn ƀư nau ăn ndơ yô̆, ƀư hom ma nau maak.

Bunong Bible Latin Script Cambodian dialect

⁸ Lah Kôranh Brah ăn du huê blao n'hao nuih n'hâm bu, ăn păng n'hao nuih n'hâm bu dô. Lah ăn du huê blao pă drăp ndơ păng nơm ăn ma bu êng, ăn păng pă ma bu ma lĕ nuih n'hâm dô. Lah ăn du huê blao mât uănh bu, ăn păng mât uănh ăn ueh dô. Lah ăn ma du huê geh nau yô̆ ma bunuyh, ăn păng kơl bu ma nau răm maak.

Bunong

⁸ លាស​កោរាញ​ឞ្រាស​អ៝ន់​ទូ​ហ្វេ​ឞ្លាវ​នហាវ​នូយ្ស​នហ៝ម់​ឞូ អ៝ន់​ពាង់​នហាវ​នូយ្ស​នហ៝ម់​ឞូ​ទោ។ លាស​អ៝ន់​ទូ​ហ្វេ​ឞ្លាវ​ពាៈ​ទ្រាប់​នទើ​ពាង់​នើម​អ៝ន់​មា​ឞូ​អេង អ៝ន់​ពាង់​ពាៈ​មា​ឞូ​មា​លែៈ​នូយ្ស​នហ៝ម់​ទោ។ លាស​អ៝ន់​ទូ​ហ្វេ​ឞ្លាវ​ម៝ត់​អ្វាញ់​ឞូ អ៝ន់​ពាង់​ម៝ត់​អ្វាញ់​អ៝ន់​អ្វែស​ទោ។ លាស​អ៝ន់​មា​ទូ​ហ្វេ​គែស​នាវ​យោៈ​មា​ឞូនុយ្ស អ៝ន់​ពាង់​កើល​ឞូ​មា​នាវ​រាម់​មអាក។

Samƀŭt Pôl Njuăl Ăn Ma Phung Nsing Ta Ƀon Rôm 12:8 Iomraidhean Croise

Nau Ntơm 18:19

Gâp săch jêh păng gay ntĭm nti ma phung kon sau jêh ri noi deh păng nar kăndơ̆ gĭt djôt prăp trong Brah Yêhôva, ƀư nau sŏng srăng jêh ri nau di, gay ăn Brah Yêhôva ƀư n'hêl nê̆ nau Păng hŏ ton jêh đah Y-Abraham.”

Nau Mprơ Ơm 112:9

Păng nsrih prăk, ăn ma phung o ach, Nau sŏng srăng păng hôm gŭ n'ho ro, Nke nơm nây mra dơi n'gơr hao klơ tâm nau chrêk rmah.

Nau Mprơ Ơm 37:21

Nơm ƀai chan ƀiălah mâu mplơ̆ sĭt ôh, Bi ma nơm sŏng srăng blau ƀư nau yô̆ jêh ri ăn.

Nau Hôr 22:9

Bunuyh geh nau blau yô̆ mra geh nau ueh uĭn, Yorlah păng tâm pă ndơ sông sa păng nơm ăn ma phung o ach.

Nơm Nti 11:6

Ơm ôi, hăn hom srih ntil, Mhaơ tât lơi rlu ôh ti; Yorlah may mâu gĭt ôh moh rơh srih mra dơi jêng, Rơh srih kêng ôi mâu lah kêng mhaơ, Mâu lah lĕ bar hon ueh tâm ban da dê.

Nơm Nti 9:10

Lĕ kan ti may dơi ƀư, ƀư hom lĕ nau ktang may; yorlah tâm ƀon phung khĭt, jêng ntŭk dôl may hăn tât, mâu geh nau kan, nau nchră, nau gĭt rbăng mâu lah jêng nau blau mĭn.

Êsai 32:5

Bu mâu mra rnha bunuyh rluk jêng nơm khư bu yơk ôh, Mâu geh bunuyh yơk ma nơm ƀlăch ƀlêr ôh.

Êsai 32:8

Ƀiălah phung khlay mĭn knŏng joi ma lĕ nau khlay, Jêh ri dâk nâp tâm lĕ nau dŭt khlay.

Êsai 64:5

May vơt dơn nơm pah kan sŏng srăng ma nau răm, Phung hăn tâm trong May jêh ri kah gĭt ma May. Aơ, May ji nuih jêh yorlah hên hŏ ƀư tih; Gŭ jŏ tâm nau tih kơt nĕ hên hôm geh nau tâm rklaih lĕ?

Mathay 25:40

Hađăch mra plơ̆ lah pô aơ: ‘Nanê̆, Gâp lah ma khân may, nôk khân may ƀư jêh nau aơ ma du huê jê̆ lơn tâm phung oh nâu Gâp, nâm bu ntĭt hŏ ƀư ma Gâp tâm ban lĕ.’

Kôranh Oh Mon 11:23

Tơlah păng tât jêh ta nây jêh ri saơ nau yô̆ Brah Ndu ăn. Păng răm maak jêh ri nsŭk nsôr lĕ rngôch bunuyh nâp nuih n'hâm tĭng Kôranh Brah;

Kôranh Oh Mon 13:12

Kôranh n'gor saơ nau tât nây chroh ro, yor păng hih rhâl ngăn ma nau nti tă bơh Kôranh Brah.

Kôranh Oh Mon 13:15

Jêh ri bu rŏ ndrom samƀŭt nau vay jêh ri nau mbơh lor, phung kôranh mât uănh ngih rƀŭn njuăl bu lah ma khân păng: “Hơi phung oh nâu, tơlah khân may geh nau n'hao nuih n'hâm ma ƀon lan, ngơi hom.”

Kôranh Oh Mon 15:32

Y-Yuđas jêh ri Y-Silas jêng phung nơm mbơh lor lĕ, sŏk âk nau nti lah gay ma n'hao nuih n'hâm jêh ri ƀư ma khân păng ntop nâp.

Kôranh Oh Mon 20:2

Păng hăn nsong lam n'gor nây, tâm n'hao nuih phung chroh jêh ri hăn ta n'gor Grek

Kôranh Oh Mon 20:28

Khân may njrăng hom ma khân may nơm jêh ri ma lĕ rngôch phung biăp Brah Huêng Ueh hŏ njêng jêh khân may jêng nơm mât uănh, gay chiăp leo Phung Ngih Brah Ndu Kôranh Brah, rvăt jêh ma mham Kon Păng nơm.

Kôranh Oh Mon 4:36

Y-Yôsep, nơm phung kôranh oh mon tâm amoh Y-Ƀarnaƀas, nâm bu ntĭt, kon bu klâu nau bonh leng, jêng noi deh Y-Lêvi, ƀon tơm ta n'gor Syprơ,

Samƀŭt Pôl Njuăl Ăn Ma Phung Nsing Ta Ƀon Rôm 12:13

Ăn hom nau ueh ma phung kloh ueh, ndơ khân păng pưt, ăn blau vơt rom bu năch.

Samƀŭt Pôl Njuăl Ăn Ma Phung Nsing Ta Ƀon Rôm 13:6

Yor nau nây khân may chê̆ pi, yorlah kôranh chiă uănh jêng phung oh mon Brah Ndu gay ma djôt kan nây.

I Kôrintô 12:28

Brah Ndu dơm hŏ dăp lor tâm Phung Ngih Brah Ndu: tal nguay jêng kôranh oh mon, rơh bar jêng nơm mbơh lor, rơh pe jêng kôranh nti, rĭ mơ tât bunuyh ƀư nau mbên khlay, jêh nây bunuyh dơi ƀư bah nau ji, phung dơi kơl bu, bunuyh mât uănh, bunuyh ngơi lĕ nau ngơi êng.

I Kôrintô 14:3

Ƀiălah bunuyh ngơi nau mbơh lor, păng ngơi đah kon bunuyh gay ndâk njêng, tâm n'hao nuih jêh ri bonh leng.

II Kôrintô 1:12

Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

II Kôrintô 11:3

Ƀiălah gâp klach, nâm bu bêh dŏng tâm nchră ndơm mƀruh H'Êva, nau mĭn khân may geh đŏng nau mhĭk, roh nau nanê̆ ngăn jêh ri nau kloh rsang đah Brah Krist nâm pônây.

II Kôrintô 8:12

Tơlah du huê nuyh geh nuih n'hâm ŭch nhhơr pôri ndơ păng nhhơr bu mra dơn, tĭng nâm ndơ khân păng geh, mâu di tĭng nâm ndơ khân păng mâu geh ôh.

II Kôrintô 9:11

Khân may mra dơi ndrŏng tâm ăp ntil ndơ gay ƀư lĕ ndơ tâm kơl; gay bơh he, bu mra lah ueh ma Brah Ndu.

II Kôrintô 9:13

Nau kơl aơ jêng nau mbơh gay khân may tâm rnê Brah Ndu, yor nau tông bâr ma Nau Mhe Mhan Ueh Brah Krist khân may mpơl jêh, jêh ri yorlah nau lŏng khân may huy ngăn ma khân păng jêh ri ma lĕ rngôch bunuyh.

II Kôrintô 9:7

Pôri ăn ăp nơm nhhơr tĭng nâm nau păng hŏ mĭn jêh tâm nuih n'hâm, mâu geh lah ăn ma nau rngot, mâu lah ma nau nchâp ôh, yorlah Brah Ndu rŏng ma mbu nơm nhhơr ma nau maak.

Êphêsô 6:5

Hơi phung bunuyh dĭk bu, klach râm sâr hom, sŏk nuih n'hâm nau ngăn tông bâr ma kôranh ta neh ntu, tâm ban tông bâr ma Brah Krist,

Nau Vay Nkah Tay 15:14

Khân may ăn ma khân păng biăp, ndrôk tă bơh mpôl mpô mpa rong, lĕ play ba tă bơh ntŭk mprah ba, ndrănh tă bơh ntu păt ndrănh, jêng lĕ ntil ndơ Yêhôva Brah Ndu hŏ ăn jêh nau ueh uĭn ma khân may.

Nau Vay Nkah Tay 16:11

Ăn khân may nđâp ma phung kon bu klâu, kon bu ur, nơm kơl kan bu klâu jêh ri bu ur khân may, phung Lêvi gŭ tâm ƀon khân may, bu năch, kon đơi, jêh ri bu ur ndrô gŭ ta nklang khân may, răm maak hom văch rƀŭn ta ntŭk Yêhôva Brah Ndu mra săch gay ăn amoh Păng gŭ ta nây.

Kôlôh 3:22

Hơi phung ƀư dĭk bu, tông bâr hom ma kôranh khân may ta neh ntu aơ tâm lĕ rngôch ndơ, mâu knŏng tông bâr tra năp măt khân păng, nâm bu nơm srôih ƀư maak nuih n'hâm bu, ƀiălah yor klach yơk ma Kôranh Brah, tông bâr ndrel ma nuih n'hâm nanê̆.

I Têsalônik 2:3

Yorlah nau hên mbơh nkoch mâu geh ôh luh bơh nau vĭ, mâu đŏng geh nau mĭn djơh mhĭk gay ndơm mƀruh bu.

I Têsalônik 2:8

Hên rŏng ngăn ma khân may kŏ tât ŭch pă ma khân may, mâu knŏng Nau Mhe Mhan Ueh Brah Ndu ôh ƀiălah nđâp nau rêh hên đŏng, yorlah khân may jêng phung bunuyh hên rŏng ngăn ngên.

I Timôthê 4:13

Ăn may gơih rŏ Nau Brah Ndu Ngơi tâm dôl tâm rƀŭn, nau ntĭnh jêh ri ntĭm nti kŏ tât nôk gâp văch.

I Timôthê 5:17

Phung kôranh bu ranh blau chiă uănh Phung Ngih Brah Ndu, lơ hô geh nau yơk âk lơn, lor lơn jêng phung srôih jâk jêr tâm nau mbơh nau chroh jêh ri nau ntĭm nti.

I Timôthê 6:18

Ăn khân păng ƀư kan ueh, ƀư âk kan ueh maak, geh nuih n'hâm lŏng, rơm ndrăp jêh tâm pă ma bu;

ហេឞ្រើ 10:25

Lơi ta chalơi ôh nau tâm rƀŭn nâm bu phung ƀaƀă vay ƀư, ƀiălah ăn he nsŭk nsôr ndrăng nơm; tơlah khân may saơ nar Kôranh Brah dăch văch, lơ hô ƀư kơt nây âk lơn đŏng.

ហេឞ្រើ 13:17

Tông hom ma phung kôranh chiă uănh khân may jêh ri blau tông ma khân păng, yorlah khân păng mât mray huêng khân may nâm bu ăn phung mra mbơh nkoch rah vah. Kơl hom ma khân păng geh nau maak gay ƀư lôch nau kan jêh ri mâu geh nau njang bâr, yorlah nau nây mâu ăn ueh ôh ma khân may.

ហេឞ្រើ 13:22

Hơi phung oh nâu, ăn nuih n'hâm khân may maak sŏk dơn lĕ nau ntĭnh nkah aơ, yor gâp nchih ma khân may knŏng trăch dơm.

ហេឞ្រើ 13:24

Mbah ma lĕ rngôch phung chiă uănh khân may jêh ri lĕ rngôch phung kloh ueh. Phung kloh ueh ta n'gor Italy njuăl nau mbah jô̆ khâl ma khân may.

ហេឞ្រើ 13:7

Kah gĭt hom ma phung gai khân may, jêng phung mbơh nkoch jêh nau ngơi Brah Ndu ma khân may. Sek uănh hom nau tât ma nau rêh khân păng jêh ri kơt nau chroh khân păng.