Samƀŭt Pôl Njuăl Ăn Ma Phung Nsing Ta Ƀon Rôm 12:16 - Nau Brah Ndu Ngơi 2023

¹⁶ Gŭ rêh hom ma nau tâm rnglăp ndrel ndrăng khân may; lơi geh nau mĭn sưr rlau, ƀiălah gŭ ndrel đah bunuyh dêh rhêt. Lơi kơp êng nơm jêng bunuyh blau mĭn.

Bunong Bible Latin Script Cambodian dialect

¹⁶ Ăn geh nau mân du ntôr nau hŏ, lơi ôh geh nau mân n'hao êng săk, ăn gŭ ndrel bunuyh i bu mưch rmot, lơi ôh kơp n'hi êng săk lah jêng bunuyh gĭt blao hô ngăn.

Bunong

¹⁶ អ៝ន់​គែស​នាវ​មឹន​ទូ​នតោរ​នាវ​ហ៝ៈ លើយ​អោស​គែស​នាវ​មឹន​នហាវ​អេង​ឆាក់ អ៝ន់​គុ​នទ្រែល​ឞូនុយ្ស​អី​ឞូ​មឺច​រាម៝ត លើយ​អោស​កើប​នហី​អេង​ឆាក់​លាស​ជេង​ឞូនុយ្ស​គឹត​ឞ្លាវ​ហោ​ងាន់។

Samƀŭt Pôl Njuăl Ăn Ma Phung Nsing Ta Ƀon Rôm 12:16 Iomraidhean Croise

II Nau Rêh Jêng 30:12

Ti Brah Ndu rlay đŏng ma phung Yuđa gay ăn ma khân păng geh du ai nuih n'hâm tông tĭng nau hađăch jêh ri phung kôranh hŏ ntăm jêh tĭng nâm nau Brah Yêhôva ngơi.

Ndrom Samƀŭt bơh Yôp 36:5

Ri, Brah Ndu bêng nau brah mâu geh mưch rmot bu ôh; Păng dŭt gĭt vât ngăn.

Nau Hôr 17:5

Mbu nơm mưch bunuyh ndĭt trơi jêng suai rak ma Nơm Rhăk Njêng păng; Mbu nơm maak răm ma nau rêh ni mâu mra klaih ôh bơh nau tâm rmal.

Nau Hôr 19:17

Mbu nơm gĭt yô̆ ma phung o ach jêng ăn Brah Yêhôva manh, Păng mra mplơ̆ sĭt nau kan ueh nây ăn ma păng.

Nau Hôr 19:22

Nau bu gay ŭch ma du huê bunuyh jêng nuih n'hâm răp jăp, Ueh lơn ƀư bunuyh o ach rlau lơn jêng nơm ngơi mƀruh.

Nau Hôr 19:7

Lĕ rngôch oh nâu ndŭl deh bunuyh o ach tâm rmot da dê ma păng, Lơ hâu phung mĭt jiăng păng mra du ngai bơh păng! Păng tĭng vơl dăn ma khân păng, Ƀiălah khân păng mâu hôm ôh ta nây!

Nau Hôr 26:12

May saơ lĕ mbu moh bunuyh blau mĭn kơp êng tĭng măt păng nơm đŏng? Bunuyh rluk hôm e geh nau kâp gân rlau ma păng.

Nau Hôr 26:5

Plơ̆ sĭt lah hom ma bunuyh rluk tâm di đah nau rluk păng, Klach lah păng mĭn pô aơ păng nơm blau mĭn.

Nau Hôr 3:7

Lơi ta kơp nau blau mĭn tĭng măt may nơm ôh; Klach yơk hom ma Brah Yêhôva jêh ri du hom bơh nau mhĭk.

Êsai 5:21

Rêh ni ngăn ma phung kơp khân păng nơm jêng blau mĭn, Jêh ri kơp ma khân păng nơm jêng gĭt rbăng!

Yêrêmi 32:39

Gâp mra ăn ma khân păng du nuih n'hâm, ndrel ma du trong gay ma khân păng dơi klach yơk ma Gâp lôch nau rêh khân păng, yor nây khân păng nơm jêh ri ndŭl deh ma phung kon sau khân păng dơi geh nau ueh da dê.

Yêrêmi 45:5

Bi may, may joi ăn nau toyh ma may nơm lĕ? Lơi ta joi đŏng ôh, yor nau aơ, Gâp dăch ăn tât nau mhĭk ma lĕ rngôch bunuyh: Ƀiălah bi ma may, nđâp lah moh ntŭk tât may hăn, Gâp mra ăn nau rêh may dơi geh đăp mpăn.’” Brah Yêhôva lah pônây.

Mathay 11:5

Bunuyh chieh măt dơi saơ ang, bunuyh rvĕn dơi hăn, bunuyh phŭng sa dơi kloh, bunuyh tê̆k dơi tăng, bunuyh khĭt dơi dâk rêh tay, jêh ri bunuyh o ach dơi tăng Nau Mhe Mhan Ueh.

Mathay 26:11

Yorlah khân may geh ƀaƀơ bunuyh o ach gŭ jŭm khân may nơm, ƀiălah mâu di Gâp gŭ jŏ ôh.

Luka 14:13

Ƀiălah tơlah may ndrăp nau sông sa, jă hom phung o ach, phung lŭt jâng ti, phung rvĕn, phung chieh măt

Luka 6:20

Brah Yêsu n'gơr măt uănh ma phung oh mon jêh ri lah: “Ueh maak ngăn ma phung kon jêng phung bunuyh o ach, Yorlah ƀon bri hađăch Brah Ndu prăp ăn ma phung kon

Kôranh Oh Mon 4:32

Nôk nây, lĕ phung chroh geh du ai nuih n'hâm, du nau mĭn, mâu geh bu nuyh uănh drăp ndơ păng nơm jêng ndơ êng, ƀiălah kơp ma lĕ rngôch ndô ndơ jêng ndơ mpôl.

Samƀŭt Pôl Njuăl Ăn Ma Phung Nsing Ta Ƀon Rôm 11:20

Di ngăn. Bu koh lơi jêh lĕ n'gĭng nây, yorlah nuih n'hâm khân păng mâu chroh, bi may knŏng dâk nâp yor nau chroh. Lơi sưr rlau, ƀiălah klach hom.

Samƀŭt Pôl Njuăl Ăn Ma Phung Nsing Ta Ƀon Rôm 11:25

Hơi oh nâu, gâp ŭch ma khân may gĭt rbăng ma nau khlay ndâp aơ, gay ma khân may mâu kơp êng săk khân may nơm jêng blau mĭn, nây jêng: Du kô̆ tâm phung Israel dăng nuih n'hâm gay tât ta rnoh phung bu năch dơi lăp rĭng jêh.

Samƀŭt Pôl Njuăl Ăn Ma Phung Nsing Ta Ƀon Rôm 12:3

Yorlah bơh nau hŏ yô̆ jêh ma gâp, gâp lah ma ăp nơm tâm khân may, lơi mĭn rlau ir ma khân may nơm, ƀiălah mĭn rvê hom di rnâng, tĭng nâm ma nau chroh Brah Ndu ăn jêh ma ăp bunuyh.

Samƀŭt Pôl Njuăl Ăn Ma Phung Nsing Ta Ƀon Rôm 15:5

Mbơh sơm dăn Brah Ndu ma nau nâp jêh ri n'hao nuih kơl khân may gŭ rêh nau tâm rnglăp ăn đăp mpăn ndrăng khân may tĭng leo trong Brah Yêsu Krist,

Samƀŭt Pôl Njuăl Ăn Ma Phung Nsing Ta Ƀon Rôm 6:2

Mâu di kơt nây ôh! He khĭt jêh yor nau tih, mâm he dơi gŭ rêh tâm nau tih đŏng?

I Kôrintô 1:10

Hơi phung oh nâu, tâm amoh Kôranh Brah he jêng Brah Yêsu Krist, gâp nkah ma lĕ rngôch khân may ăn geh du nau ngơi, gay ma tâm khân may mâu geh nau tâm nkhah, ƀiălah ăn geh nau tâm rnglăp ndrel ndrăng khân may tâm nau mĭn jêh ri du nau ntrâng.

I Kôrintô 3:18

Lơi dĭng ndơm êng păng nơm. Tơlah mbu nơm tâm phung khân may mĭn păng nơm jêng nơm blau mĭn tâm rnôk aơ, ăn plơ̆ hom jêng rluk mâl gay ma geh nau blau mĭn.

I Kôrintô 4:10

Hên jêng phung rluk yor ma Brah Krist, bi khân may geh nau blau mĭn tâm Brah Krist. Hên jêng rdja, bi khân may jêng ktang. Bu yơk ma khân may, bi hên bu mưch rmot.

I Kôrintô 6:5

Gâp lah pônây gay ma khân may bêk prêng! Mâm ƀư tâm phung khân may mâu geh du huê tŏng nau blau mĭn gay ma phat dôih ndrăng oh nâu khân may nơm?

I Kôrintô 8:2

Tơlah mbu nơm mĭn păng nơm ntôn lah gĭt lĕ nau, pôri nanê̆ bunuyh nây ê hŏ ngăn rah vah ôh.

II Kôrintô 13:11

Nau lôch dŭt, hơi phung oh, răm maak hom, srôih hom gay dơi geh tât nau nŭm rĭng, n'hao hom nuih n'hâm, du ai hom nau mĭn, gŭ rêh đăp mpăn hom, ri mơ Brah Ndu nau rŏng jêh ri nau đăp mpăn mra gŭ ndrel ma khân may.

Philip 1:27

Nau khlay jêng ăn khân may gŭ rêh tâm di đah Nau Mhe Mhan Ueh Brah Krist, gay ma tơlah gâp hăn khâl khân may mâu lah gâp ndŭt măt, gâp tăng lĕ ma khân may hôm dâk nâp, du ai nau mĭn, du nuih n'hâm tâm lơh ndrel yor nau chroh Nau Mhe Mhan Ueh,

Philip 3:16

Nđâp lah kơt nĕ, ta moh keh he dơi tât, nhuat hăn hom kơt nây.

Philip 4:2

Gâp nti nkah H'Êvôdi jêh ri nti nkah H'Sintich ăn gŭ du nau mĭn tâm Kôranh Brah.

ហេឞ្រើ 13:5

Lơi kơnh ir ma prăk ôh, maak hom nuih n'hâm ma drăp ndơ khân may geh jêh, yorlah Brah Ndu nơm lah jêh: “Gâp mâu mra lơi may ôh, mâu lah dun may ôh.”

I Pêtrôs 3:8

Nglĕ dŭt, ăn lĕ rngôch khân may geh nuih n'hâm jêng nguay, blau yô̆, rŏng oh nâu tâm Kôranh Brah, geh nuih n'hâm ueh jêh ri nuih n'hâm dêh rhêt.

I Pêtrôs 5:3

mâu dŏng nau dơi chiă uănh bu jao jêh ma khân may nơm, ƀiălah ƀư leo trong ueh ma phung biăp.

III Yôhan 1:9

Gâp nchih jêh bar pe rplay samƀŭt njuăl ma Phung Ngih Brah Ndu; ƀiălah Y-Điôtrep, nơm ŭch jêng mrô nguay, mâu dơn hên ôh.