Samƀŭt Pôl Njuăl Ăn Ma Phung Nsing Ta Ƀon Rôm 12:12 - Nau Brah Ndu Ngơi 2023

¹² Gŭ maak hom tâm nau kâp gân, srôih tâm nau rêh ni, nâp nuih n'hâm jêh ri mbơh sơm.

Bunong Bible Latin Script Cambodian dialect

¹² Gŭ răm maak hŏm yor ma nau rnơm i bân geh ta Brah Krist. Ăn geh nau ăt nuih nôk geh nau jêr jŏt. Ăn nsrôyh mbơh sơm ƀaƀơ.

Bunong

¹² គុ​រាម់​មអាក​ហ៝ម់​យ៝រ​មា​នាវ​រានើម​អី​ឞ៝ន់​គែស​តា​ឞ្រាស​ក្រីស  ។ អ៝ន់​គែស​នាវ​អ៝ត់​នូយ្ស​នោក​គែស​នាវ​ជេរ​ជ៝ត់។ អ៝ន់​ញឆ្រោយ្ស​មឞើស​ឆើម​បាបើ។

Samƀŭt Pôl Njuăl Ăn Ma Phung Nsing Ta Ƀon Rôm 12:12 Iomraidhean Croise

Nau Mprơ Ơm 109:4

Khân păng phong gâp nđâp lah gâp rŏng ma khân păng, Yor ri, gâp knŏng gĭt mbơh sơm.

Nau Mprơ Ơm 37:7

Gŭ rklăk hom tanăp Brah Yêhôva jêh ri gŭ kâp ma Păng. Lơi ăn rngot may nơm yor du huê bunuyh dơi jêng tâm trong păng Mâu lah bunuyh ƀư lĕ nau ŭch ƀư mhĭk.

Nau Mprơ Ơm 40:1

Gâp srôih kâp gân Brah Yêhôva, Păng rkêng tôr iăt bâr gâp kuăl dăn.

Nau Mprơ Ơm 62:8

Hơi phung ƀon lan, rnơm nsing hom ma Păng ƀaƀơ; Nkhŭt hom lĕ nuih n'hâm tanăp măt Păng; Yorlah Brah Ndu jêng ntŭk he nde krap. (Sêla)

Nau Hôr 10:28

Nau kâp gân phung sŏng srăng njŭn tât ma nau hâk răm, Bi nau kâp gân phung mhĭk mra hăn tâm nau rai yot.

Nau Hôr 14:32

Bunuyh mhĭk roh rai yor nau djơh mhĭk păng, Ƀiălah bunuyh sŏng srăng tâm nôk khĭt ăt hôm e geh ntŭk nde.

Mathay 5:12

Maak răm hom, yorlah nau nkhôm ma khân may ta klơ trôk jêng toyh ngăn; yorlah nơm mbơh lor kăl e khân may bu hŏ ƀư mhĭk kơt nây.”

Luka 10:20

Ƀiălah, lơi răm maak ôh yor phung brah mhĭk tông bâr ma khân may, maak răm hom yor amoh săk phung kon hŏ nchih jêh ta klơ trôk.”

Luka 21:19

Ma nau srôih yơh khân may mra tâm rklaih huêng khân may.

Luka 8:15

Ƀiălah lĕ grăp tŭp tâm neh ueh jêng phung bunuyh tăng djôt prăp nau Brah Ndu Ngơi nuih n'hâm nanê̆ jêh ri mĭn ueh, bơh nau nsrôih dơi geh play.

Kôranh Oh Mon 1:14

Lĕ rngôch phung nây du ai du nau mĭn ndrel ma phung bu ur jêh ri ma H'Mari jêng mê̆ Brah Yêsu jêh ri ndrel ma phung oh bu klâu Păng jêh ri mbơh sơm.

Kôranh Oh Mon 12:5

Pôri, Y-Pêtrôs gŭ tâm ndrung, ƀiălah Phung Ngih Brah Ndu mbơh sơm ma Brah Ndu dŭt n'hâm ngăn ăn ma păng.

Kôranh Oh Mon 2:42

Phung chroh nsrôih djôt prăp nau phung kôranh oh mon nti, nau tâm rnglăp ndrăng oh nâu, rƀŭn nkê̆ch piăng let, jêh ri nau mbơh sơm.

Kôranh Oh Mon 6:4

Bi hên, hên mra hôm djôt mro kan mbơh sơm jêh ri pah kan ma nau Brah Ndu ngơi.”

Samƀŭt Pôl Njuăl Ăn Ma Phung Nsing Ta Ƀon Rôm 15:13

Mbơh sơm dăn ma Brah Ndu jêng tu kâp gân ƀư ma khân may bêng ler nau răm maak jêh ri nau đăp mpăn tâm nau chroh, gay ma nau brah Brah Huêng Ueh, khân may geh nau rmeh ler tâm nau kâp gân.

Samƀŭt Pôl Njuăl Ăn Ma Phung Nsing Ta Ƀon Rôm 15:4

Lĕ nau bu nchih jêh bơh kăl e jêng gay ma ntĭm nti he, gay ma tă bơh nau nâp jêh ri n'hao nuih n'hâm Nau Brah Ndu Ngơi he geh nau kâp gân.

Samƀŭt Pôl Njuăl Ăn Ma Phung Nsing Ta Ƀon Rôm 2:7

Mbu nơm nâp nuih n'hâm ƀư nau ueh, tĭng joi nau chrêk rmah, nau yơk jêh ri nau mâu blau khĭt, Păng mra ăn nau rêh n'ho ro.

Samƀŭt Pôl Njuăl Ăn Ma Phung Nsing Ta Ƀon Rôm 8:25

Ƀiălah tơlah he n'gân nau kâp gân tâm nau he mâu dơi saơ, he ăt srôih gŭ kâp ma nau nây.

I Kôrintô 13:13

Aƀaơ aơ hôm geh pe ntil nau aơ: Nau chroh, nau kâp gân, nau rŏng; ƀiălah nau toyh lơn lĕ jêng nau rŏng.

II Kôrintô 12:8

Pe tơ̆ gâp mbơh sơm ma Kôranh Brah ƀư ăn păng du ngai đah gâp.

Philip 3:1

Nau nglĕ dŭt, hơi phung oh nâu gâp, maak hom tâm Kôranh Brah! Gâp mâu klach rkê̆ch tay lĕ nau nây ma khân may, yor nây jêng nau đăp mpăn ma khân may.

Philip 4:4

Răm maak mro hom tâm Kôranh Brah, gâp lah tay đŏng: Răm maak hom!

Kôlôh 1:11

Bơh nau brah chrêk rmah Păng, khân may geh bêng nau ktang gay srôih sŏk dơn lĕ rngôch nau tâm nau răm maak,

Kôlôh 1:27

Yor Brah Ndu ŭch khân may mpơl nau rmeh ler jêh ri nau chrêk rmah nau khlay ndâp nây ta nklang phung bu năch, nây jêng Brah Krist gŭ tâm khân may, jêng nau kâp gân ma nau chrêk rmah.

Kôlôh 4:12

Y-Êpapras, bunuyh ƀon ndrel khân may, du huê oh mon ma Yêsu Krist jô̆ khâl ma khân may; păng tâm lơh tâm nau mbơh sơm yor khân may; gay khân may plơ̆ jêng nŭm rĭng jêh ri ƀư lôch lĕ nau mĭn ŭch Brah Ndu.

Kôlôh 4:2

Nsrôih mbơh sơm hom ma lĕ nuih n'hâm, njrăng hom tâm nôk mbơh sơm jêh ri lah ueh.

I Têsalônik 1:3

Tanăp măt Brah Ndu, jêng Mbơ̆, hên kah gĭt ƀaƀơ ma kan nau chroh khân may, ma kan nau rŏng khân may, nau srôih tâm nau khân may kâp gân tâm Kôranh Brah he jêng Brah Yêsu Krist.

I Têsalônik 5:8

Ƀiălah he jêng kon nôk nar, pôri ăn di keh hom, nsoh ao loih ma nau chroh jêh ri nau rŏng, sŏk nau kâp gân ma nau tâm rklaih ƀư môk tâm lơh.

II Têsalônik 1:4

Hên tâm rnê êng yor khân may tâm lĕ Phung Ngih Brah Ndu, ma nau srôih jêh ri nau chroh khân may tâm lĕ nau ƀư mhĭk jêh ri nau rêh ni khân may dơn jêh.

II Têsalônik 3:5

Dăn Kôranh Brah leo ntĭm nuih n'hâm khân may văch ma nau Brah Ndu rŏng jêh ri ma nau srôih tâm Brah Krist!

I Timôthê 6:11

Ƀiălah hơi Y-Timôthê may jêng bunuyh Brah Ndu, der ngai hom lĕ nau nây jêh ri tĭng joi nau sŏng srăng, nau klach yơk, nau chroh, nau rŏng, nau srôih, nau rdơ̆ rbăn.

II Timôthê 3:10

Bi ma may, may tĭng jêh nau ntĭm nti, nau gŭ ngao, nau ŭch gŭ rêh, nau chroh, nau srôih, nau rŏng, nuih n'hâm gâp nâp;

Titus 2:13

dôl gŭ kâp nau kâp gân ueh maak jêh ri nau tâm mpơl ma nau chrêk rmah Brah Ndu dŭt toyh, jêng Nơm Tâm Rklaih he đŏng jêng Brah Yêsu Krist,

Titus 3:7

gay ma he bơh nau Păng yô̆ dơi kơp sŏng srăng, jêng bunuyh dơn nau kâp gân ma nau rêh n'ho ro.

ហេឞ្រើ 10:32

Ƀiălah kah gĭt tay hom ma lĕ nar lor, tơlah jêh geh nau sol ang, khân may sŏk dơn jêh nau tâm lơh toyh đah âk nau hŏt rgănh:

ហេឞ្រើ 10:36

Ăn khân may srôih gay ƀư tĭng nau Brah Ndu ŭch, khân may mra dơn nau Păng ton jêh ma khân may.

ហេឞ្រើ 12:1

Pôri, yorlah he geh âk phung mbơh gŭ jŭm nâm bu ndâr tŭk toyh ngăn, ăn he mƀăr lơi lĕ ndơ ƀư jâk jêh ri nau tih kât nơih pơih, ƀiălah srôih nchuăt tâm nau tâm rlong bu pơk jêh ma he.

ហេឞ្រើ 3:6

Ƀiălah Brah Krist gŭ răp jăp tâm ban ma kon bu klâu mât uănh ma ngih Brah Ndu. He jêng ngih ma Păng, knŏng tơlah he djôt nâp nau rnơm nsing jêh ri tâm rnê êng tâm nau he kâp gân kŏ tât nglĕ dŭt.

ហេឞ្រើ 5:7

Dôl hôm gŭ rêh tâm nglay săk, Brah Yêsu nter ktang tâm nau mbơh sơm jêh ri vơh vơl bêng dak măt, ma Nơm geh nau dơi tâm rklaih Păng nơm bơh nau khĭt; jêh ri yor nau Păng blau klach yơk, Păng geh nau bu dơn.

ហេឞ្រើ 6:12

kŏ tât khân may mâu ƀlao ôh, ƀiălah tĭng kơt phung yor nau chroh jêh ri ma nuih n'hâm srôih dơn nau ton.

ហេឞ្រើ 6:15

Y-Abraham srôih gŭ kâp tâm ban pônây, pôri păng sŏk dơn nau Brah Ndu ton jêh.

Yakơ 5:7

Yor ri, hơi oh nâu, srôih hom ma tât nar Kôranh Brah plơ̆ văch. Uănh hom bunuyh kan mir gŭ kâp play kao khlay tă bơh neh, srôih kŏ tât nôk geh dak mih bôk rah jêh ri dak mih dŭt yan.

I Pêtrôs 4:13

Ƀiălah ndah âk khân may geh kô̆ tâm nau rêh ni ndrel ma Brah Krist, răm maak dŭm nây; gay ma tơlah nau chrêk rmah Păng tâm mpơl, khân may geh đŏng nau răm maak, nau hâk răm ngăn.

I Pêtrôs 4:7

Nau nglĕ dŭt lĕ rngôch ntil ndơ dăch tât jêh; pôri ăn khân may gĭt mĭn jêh ri di keh gay ma mbơh sơm.

II Pêtrôs 1:6

ntop nau di keh ma nau gĭt rbăng, ntop nau srôih ma di keh, ntop nuih n'hâm blau yơk ma nau srôih,

Nau Tâm Mpơl 13:10

Tơlah mbu nơm bu njŭn leo jêng bu nă, Păng mra jêng bu nă. Tơlah mbu nơm bu nkhĭt ma đao gưm, Bu mra nkhĭt păng ma đao gưm. Aơ jêng nau srôih jêh ri nau chroh phung kloh ueh.