Samƀŭt Pôl Njuăl Ăn Ma Phung Nsing Ta Ƀon Rôm 12:11 - Nau Brah Ndu Ngơi 2023

¹¹ Duh nđơr hom, lơi ƀlao ôh; ăn geh n'hâm suan mĭn gơih nđơr; pah kan hom ma Kôranh Brah.

Bunong Bible Latin Script Cambodian dialect

¹¹ Ăn geh nuih n'hâm gơyh ta ăp ntil ndơ, lơi ƀlao ôh. Jêh ri sơm kơl jan kar ma Brah Krist i Kôranh bân ma lĕ nuih n'hâm.

Bunong

¹¹ អ៝ន់​គែស​នូយ្ស​នហ៝ម់​គើយ្ស​តា​អាប់​នតីល​នទើ លើយ​ប្លាវ​អោស។ ជេសរី​ឆើម​កើល​ជាន​ការ​មា​ឞ្រាស​ក្រីស  ​អី​កោរាញ​ឞ៝ន់​មា​លែៈ​នូយ្ស​នហ៝ម់។

Samƀŭt Pôl Njuăl Ăn Ma Phung Nsing Ta Ƀon Rôm 12:11 Iomraidhean Croise

Nau Ngluh Êjipt 5:17

Hađăch lah: “Khân may jêng phung tahan ƀlao, tahan ƀlao! Yor ri dĭng khân may tâm ngơi drăng nơm: ‘Ăn he nhhơr mpa ƀư brah ma Brah Yêhôva!’

Nau Hôr 10:26

Nâm bu dak srat ƀư kĭr sêk, nhhŭk ŭnh ƀư hăng măt, Bunuyh ƀlao đah nơm prơh păng hăn jêng nâm bu kơt nây lĕ.

Nau Hôr 13:4

Nuih n'hâm bunuyh ƀlao geh nau kơnh ƀiălah mâu geh ôh ndơ, Bi ma huêng phung bunuyh gơih mra dơi geh ăp ntil ndơ.

Nau Hôr 18:9

Phung ƀlao tâm kan păng pah Jêng oh nâu ndrel ma phung ƀư rai đŏng.

Nau Hôr 22:29

May saơ lĕ mbu moh gơih tâm nau kan păng pah? Bunuyh nây mra pah kan phung hađăch, Mâu di ôh mra pah kan ma bunuyh ƀon lan.

Nau Hôr 31:15

Păng kah rngăl bê̆ch dôl trôk hôm e ngo, Ăn ndơ sông sa ma bunuyh tâm ngih vâl, Jêh ri jao nau kan ăn ma phung oh mon bu ur păng.

Nơm Nti 9:10

Lĕ kan ti may dơi ƀư, ƀư hom lĕ nau ktang may; yorlah tâm ƀon phung khĭt, jêng ntŭk dôl may hăn tât, mâu geh nau kan, nau nchră, nau gĭt rbăng mâu lah jêng nau blau mĭn.

Êsai 56:10

Lĕ rngôch phung gak Israel Chieh măt da dê, mâu geh nau gĭt rbăng ôh. Lĕ rngôch khân păng jêng so mlo, Mâu blau groh ôh; Knŏng mbơi, bê̆ch jong Jêh ri rŏng bê̆ch.

Mathay 24:12

Jêh ri yorlah nau tih mhĭk hao âk lơn, nau rŏng tâm âk bunuyh mra nđik.

Mathay 25:26

Ƀiălah kôranh plơ̆ lah pô aơ: ‘Hơi oh mon djơh mhĭk jêh ri ƀlao! Di lĕ may gĭt jêh gâp rek tâm ntŭk gâp mâu mâp tăm, jêh ri gâp dônh tâm ntŭk mâu nsrih?

Kôranh Oh Mon 18:25

Păng nti jêh nau chroh Kôranh Brah, geh nuih n'hâm duh nđơr gay ma mbơh nkoch jêh ri ntĭm nti ăn di lĕ nau Brah Yêsu, nđâp lah păng gĭt knŏng nau Y-Yôhan ƀaptem dơm.

Kôranh Oh Mon 20:19

Gâp pah kan ma Kôranh Brah ma nau dêh rhêt, nđâp ma âk dak măt, jêh ri tuy dơn âk nau rlong uănh tă bơh phung Yuđa tâm nchră ƀư mhĭk ma gâp.

I Kôrintô 7:22

Yorlah mbu moh geh Kôranh Brah kuăl dôl hôm ƀư dĭk, pôri păng plơ̆ jêng kon me tâm Kôranh Brah. Tâm ban lĕ, nơm kon me tâm nôk bu kuăl, pôri păng plơ̆ jêng dĭk ma Brah Krist.

Êphêsô 4:28

Nơm vay ntŭng, lơi hôm ntŭng ôh; ƀiălah ueh lơn srôih, sŏk ti păng nơm ƀư nau sŏng srăng, gay sâm kơl ma bunuyh pưt kƀah.

Kôlôh 4:1

Hơi phung kôranh, ƀư hom nau sŏng jêh ri nau di ma phung dĭk khân may, yorlah khân may gĭt jêh khân may geh du huê Kôranh ta klơ trôk.

I Timôthê 5:13

Ntop ma nau nây, khân păng hôm nti nau gŭ mơng sa dơm mâu pah kan, nsong bơh ngih aơ tât ngih ri; mâu knŏng kơt nĕ, khân păng hôm gŭ nkoch bri dơm dam, ngơi nkoch kan bu êng, ngơi nau mâu khư ma ngơi.

ហេឞ្រើ 12:28

Yor nây, yor he sŏk dơn du ƀon bri hađăch mâu dơi mpât n'gơ ôh, ăn he gĭt nau lah ueh jêh ri sŏk nuih n'hâm klach yơk tâm nau pah kan ma Brah Ndu gay ƀư maak nuih n'hâm ma Păng;

Yakơ 5:16

Pôri, mbơh hom nau tih ndrăng nơm jêh ri tâm mbơh sơm ndrăng nơm gay ma khân may geh nau bah. Nau bunuyh sŏng srăng mbơh sơm, geh nau brah jêh ri geh nau tam ngăn.

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.

I Pêtrôs 4:8

Lor lơn, tâm rŏng hom ndrăng khân may dŭt hâu ngăn; yorlah nau rŏng nkŭm brôi âk râk nau tih.

Nau Tâm Mpơl 2:4

Ƀiălah nau Gâp nduyh may, nây jêng nau may chalơi jêh nuih n'hâm yơk rŏng ntơm saơm.