Samƀŭt Pôl Njuăl Ăn Ma Phung Nsing Ta Ƀon Rôm 12:10 - Nau Brah Ndu Ngơi 2023

¹⁰ Rŏng hom ndrăng khân may nơm dơh dăch tâm ban ma oh nâu; ăn lĕ nuih n'hâm yơk hom ndrăng khân may.

Bunong Bible Latin Script Cambodian dialect

¹⁰ Ăn khân ay may tâm rŏng ndrăng nơm i phung nsing tâm ban ma oh nô du ndŭl deh, jêh ri tâm yơk ndrăng nơm kơp bu êng khlay rlau ma săk khân ay may nơm.

Bunong

¹⁰ អ៝ន់​ខាន់​អៃ​មៃ​តឹម​រ៝ង់​នទ្រាង់​នើម​អី​ផូង​ញឆីង​តឹម​ឞាន​មា​អ៝ស​នោ​ទូ​នទុល​ទែស ជេសរី​តឹម​យើក​នទ្រាង់​នើម​កើប​ឞូ​អេង​ខ្លៃ​រាលាវ​មា​ឆាក់​ខាន់​អៃ​មៃ​នើម។

Samƀŭt Pôl Njuăl Ăn Ma Phung Nsing Ta Ƀon Rôm 12:10 Iomraidhean Croise

Nau Ntơm 13:9

Mâu di hĕ lĕ rngôch n'gor dôl gŭ tanăp măt may? Ăn may tâm nkhah hom bơh gâp. Tơlah may săch mpeh chiau, gâp mra gŭ mpeh pa ma; tơlah may săch mpeh pa ma, gâp mra gŭ mpeh pa chiau.”

Ndrom Samƀŭt bơh Yôp 1:4

Lĕ rngôch phung kon bu klâu păng vay tâm tơh nau nkra nhêt sa, lĕ ngih aơ tât ma ngih êng jêh ri păng jă pe oh ruh gŭ nhêt sa ndrel ma khân păng.

Nau Mprơ Ơm 133:1

Ri, oh nâu gŭ ngau tâm rnglăp ndrăng khân may Ueh maak ngăn yơh!

Yêrêmi 38:12

Y-Êbet-Mêlek, bunuyh Êthiôpi, lah ma Y-Yêrêmi: “Ăn may săp ƀaƀă bok sat jêh ri kho ao ơm ta nklang păl vak jêh ri rse brăt.” Y-Yêrêmi ƀư di tâm ban pônây.

Mathay 20:26

Ƀiălah ta nklang khân may mâu di pônây ôh; ƀiălah, mbu nơm ŭch jêng toyh tâm phung khân may, ăn păng jêng oh mon;

Luka 14:10

Ƀiălah tơlah bu jă may, gŭ hom ta ntŭk nglĕ dŭt, nôk kôranh nau sông sa tât lah ma may: ‘Hơi mĭt jiăng, jă may gŭ ta ntŭk prêh lơn’ ri mơ bu mra yơk ma may tanăp lĕ rngôch phung gŭ sông sa ndrel ma may.

Yôhan 15:17

Gâp ntăm nti nau nây ma khân may, ăn khân may tâm rŏng ndrăng khân may nơm.”

Yôhan 17:21

gay ma lĕ rngôch jêng nguay; nâm bu Mbơ̆ gŭ tâm Kon jêh ri Kon gŭ tâm Mbơ̆, gay ma khân păng gŭ tâm He đŏng, tă bơh nĕ neh ntu chroh ma Mbơ̆ hŏ njuăl jêh Kon văch.

Kôranh Oh Mon 4:32

Nôk nây, lĕ phung chroh geh du ai nuih n'hâm, du nau mĭn, mâu geh bu nuyh uănh drăp ndơ păng nơm jêng ndơ êng, ƀiălah kơp ma lĕ rngôch ndô ndơ jêng ndơ mpôl.

Samƀŭt Pôl Njuăl Ăn Ma Phung Nsing Ta Ƀon Rôm 13:7

Mplơ̆ hom ma lĕ rngôch bunuyh nau khân may nơm iang rnon: chê̆ hom pi ma nơm, ăn khân may nơm chê̆ hom; chê̆ kao play hom ma nơm, ăn khân may nơm chê̆; klach ma nơm khư klach; yơk ma nơm khư yơk.

Galati 5:13

Hơi phung oh nâu, bu kuăl jêh khân may gay dơn nau kon me; ƀiălah lơi dŏng nau kon me nây tâm ban du mông găl gay gŭ rêh ma nglay săk, ƀiălah sŏk hom nuih n'hâm rŏng gay pah kan ndrăng khân may nơm.

Galati 5:22

Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

Galati 5:6

Yorlah tâm Brah Yêsu Krist, nau geh nau khlay mâu di ƀư koh ntâu mâu lah mâu koh ntâu, ƀiălah jêng nau chroh tâm mpơl tâm nau rŏng.

Philip 2:3

Lơi ƀư ôh du ntil ndơ yor ma nuih n'hâm mbeh, mâu lah yor ma nau lư n'găr gơnh roh, ƀiălah dêh rhêt hom, uănh phung êng jêng khlay rlau lơn ma khân may nơm.

Kôlôh 1:4

Yorlah hên tăng jêh nau khân may chroh tâm Yêsu Krist jêh ri nau khân may rŏng đah lĕ rngôch phung kloh ueh,

I Têsalônik 4:9

Ma nau rŏng ndrăng oh nâu khân may, pô ri mâu ăn ôh bu nchih ma khân may, yorlah khân may nơm lĕ nti jêh bơh Brah Ndu ăn tâm rŏng ndrăng khân may;

II Têsalônik 1:3

Hơi phung oh nâu, ăn hên lah ueh ma Brah Ndu ƀaƀơ yor ma khân may; jêh ri nau aơ jêng di ngăn, yorlah nau chroh khân may văch ma toyh âk ngăn, jêh ri nau rŏng ăp nơm tâm khân may đah ndrăng khân may nơm lơ hô văch ma toyh lơn.

ហេឞ្រើ 13:1

Ăn djôt prăp mro nau rŏng ndrăng oh nâu.

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.

I Pêtrôs 2:17

Yơk hom ma lĕ rngôch bunuyh, rŏng ma phung oh nâu tâm nau rnơm, klach yơk ma Brah Ndu, yơk ma hađăch.

I Pêtrôs 5:5

Tâm ban lĕ, phung druh ndăm tông hom ma phung kôranh bu ranh. Lĕ rngôch bunuyh nsoh hom nau dêh rhêt gay ƀư ueh ndrăng khân may; yorlah Brah Ndu tâm rdâng đah phung sưr, ƀiălah ăn nau yô̆ ma phung dêh rhêt.

II Pêtrôs 1:7

ntop nau rŏng ndrăng oh nâu ma nuih n'hâm blau yơk, ntop nau rŏng ma nau rŏng ndrăng oh nâu.

I Yôhan 4:11

Hơi phung gâp rŏng, tơlah Brah Ndu rŏng jêh ma he kơt nĕ, ăn he tâm rŏng lĕ ndrăng he.

I Yôhan 4:20

Tơlah du huê lah: “Gâp rŏng ma Brah Ndu” ƀiălah tâm rmot ma oh nâu păng nơm, păng jêng nơm ngơi mƀruh. Yorlah mbu nơm mâu rŏng ma oh nâu păng nơm dơi saơ, păng mâu dơi rŏng ma Brah Ndu, Nơm păng mâu dơi saơ ôh.