Samƀŭt Pôl Njuăl Ăn Ma Phung Nsing Ta Ƀon Rôm 11:22 - Nau Brah Ndu Ngơi 2023

²² Ăn may uănh hom nau ueh jêh ri nau dăng ngăn Brah Ndu: Nau dăng ngăn ma mbu nơm tŭp jêh, ƀiălah nau ueh ma may, knŏng tơlah may gŭ nâp mro tâm nau ueh Păng; tơlah mâu, Păng ăt mra koh chalơi may đŏng.

Bunong Bible Latin Script Cambodian dialect

²² Lah ndri uănh hŏm nau ueh Kôranh Brah, ndrel ma nau janh Păng. Păng janh ngăn ma bunuyh mâu iăt, jêh ri Păng nhhơ nau ueh Păng nơm ma khân ay may, lah khân ay may hôm gŭ nâp ta nau ueh Păng. Lah mâu ôh kơt nây, Păng sreh mƀăr lơi khân ay may đŏng.

Bunong

²² លាស​នទ្រី​អ្វាញ់​ហ៝ម់​នាវ​អ្វែស​កោរាញ​ឞ្រាស នទ្រែល​មា​នាវ​ជាញ​ពាង់។ ពាង់​ជាញ​ងាន់​មា​ឞូនុយ្ស​មោ​អ្យាត់ ជេសរី​ពាង់​ញហើ​នាវ​អ្វែស​ពាង់​នើម​មា​ខាន់​អៃ​មៃ លាស​ខាន់​អៃ​មៃ​ហោម​គុ​ន៝ប់​តា​នាវ​អ្វែស​ពាង់។ លាស​មោ​អោស​កើត​នៃ ពាង់​ឆ្រែស​មអារ់​លើយ​ខាន់​អៃ​មៃ​ដ៝ង់។

Samƀŭt Pôl Njuăl Ăn Ma Phung Nsing Ta Ƀon Rôm 11:22 Iomraidhean Croise

Nau Mprơ Ơm 31:19

Nau ueh May toyh ngăn! May prăp nau ueh ma bunuyh klach yơk ma May, Ăn ma phung gŭ krap tâm May, Tanăp lĕ rngôch bunuyh.

Êsai 66:14

“Khân may mra saơ nau nây, jêh ri nuih n'hâm khân may mra răm maak; Nting khân may mra bĭk rơ̆ tâm ban gơ̆ nse. Bu mra gĭt ti Brah Yêhôva gŭ ndrel ma phung oh mon Păng, Jêh ri Păng mra ji nuih ma phung rlăng đah Păng.

Êsêkiêl 18:24

Ƀiălah tơlah bunuyh sŏng srăng chalơi nau sŏng srăng păng jêh ri ƀư tih, ƀư nau ƀơ̆ ƀơch nâm bu phung ƀai hŏ ƀư, bunuyh nây dơi geh nau rêh lĕ? Mâu, mâu geh du ntil nau sŏng srăng păng hŏ ƀư dơi kah gĭt tay. Yor nau mâu răp jăp jêh ri nau tih păng hŏ ƀư yor nây păng mra khĭt.’

Êsêkiêl 3:20

Tâm ban lĕ, tơlah du huê bunuyh sŏng srăng chalơi nau sŏng srăng ƀư nkhơng nau tih jêh ri Gâp mra dơm nau king panăp măt păng, păng mra khĭt. Yorlah may mâu mbơh ôh ma păng yor nây păng mra khĭt yor nau tih păng, jêh ri lĕ kan sŏng srăng păng hŏ ƀư jêh gâp mâu hôm dơi kah gĭt ôh, ƀiălah Gâp mra kêh mham păng ta ti may.

Luka 8:15

Ƀiălah lĕ grăp tŭp tâm neh ueh jêng phung bunuyh tăng djôt prăp nau Brah Ndu Ngơi nuih n'hâm nanê̆ jêh ri mĭn ueh, bơh nau nsrôih dơi geh play.

Yôhan 15:2

Moh n'gĭng tâm Gâp mâu geh play, Păng koh mƀăr lơi, jêh ri lĕ n'gĭng geh play, Păng ƀư ueh, gay ma păng play âk lơn đŏng.

Yôhan 8:31

Pôri, Brah Yêsu lah ma phung Yuđa chroh jêh ma Păng pô aơ: “Lah khân may gŭ nâp tâm nau Gâp ngơi, khân may jêng oh mon Gâp ngăn.

Kôranh Oh Mon 11:23

Tơlah păng tât jêh ta nây jêh ri saơ nau yô̆ Brah Ndu ăn. Păng răm maak jêh ri nsŭk nsôr lĕ rngôch bunuyh nâp nuih n'hâm tĭng Kôranh Brah;

Kôranh Oh Mon 14:22

Bar hê khân păng ƀư nâp nuih n'hâm phung oh mon, n'hao nuih khân păng djôt nâp nau chroh, jêh ri đă pô aơ: “He găn âk nau rêh ni, ri mơ dơi lăp tâm ƀon bri hađăch Brah Ndu.”

Samƀŭt Pôl Njuăl Ăn Ma Phung Nsing Ta Ƀon Rôm 11:21

Yorlah tơlah Brah Ndu mâu nhhuach ma đơ n'gĭng păng nơm, Păng mâu đŏng nhhuach ma may ôh.

Samƀŭt Pôl Njuăl Ăn Ma Phung Nsing Ta Ƀon Rôm 2:7

Mbu nơm nâp nuih n'hâm ƀư nau ueh, tĭng joi nau chrêk rmah, nau yơk jêh ri nau mâu blau khĭt, Păng mra ăn nau rêh n'ho ro.

I Kôrintô 15:2

Yor ma Nau Mhe Mhan Ueh nây, khân may geh nau klaih, tơlah khân may djôt prăp nau gâp mbơh nkoch; tơlah mâu di pônây, nau khân may chroh jêng dơm dam.

Galati 6:9

Lơi rgănh dôl ƀư kan ueh, yorlah tơlah he mâu rdja nuih n'hâm ôh, he mra rek tât ta yan rek.

I Têsalônik 3:5

Yor ri, mâu dơi ôh kâp jŏ ir, gâp njuăl Y-Timôthê hăn gay ma gĭt nau khân may chroh, klach lah nơm ndơm hŏ ndơm jêh khân may, jêh ri nau kan hŏt hên jêng dơm dam.

I Têsalônik 3:8

Yorlah aƀaơ aơ hên gŭ rêh yor khân may gŭ nâp tâm Kôranh Brah.

ហេឞ្រើ 10:23

He djôt nâp hom nau mbơh nkoch ma nau he kâp gân mâu mpât n'gơ, yorlah Nơm ton jêh ma he, Păng jêng nau răp jăp.

ហេឞ្រើ 3:14

Yorlah tơlah nuih n'hâm he djôt nâp nau he chroh tâm ntơm saơm kŏ tât nglĕ dŭt, he geh du kô̆ ndrel ma Brah Krist,

ហេឞ្រើ 3:6

Ƀiălah Brah Krist gŭ răp jăp tâm ban ma kon bu klâu mât uănh ma ngih Brah Ndu. He jêng ngih ma Păng, knŏng tơlah he djôt nâp nau rnơm nsing jêh ri tâm rnê êng tâm nau he kâp gân kŏ tât nglĕ dŭt.

I Yôhan 2:19

Khân păng du luh jêh tă bơh nklang phung he, ƀiălah khân păng mâu jêng phung he ôh. Yorlah tơlah khân păng jêng phung he, khân păng mra gŭ ndrel ma he; nau aơ tât jêh gay tâm mpơl rah vah ma lĕ rngôch khân păng mâu jêng phung he ôh.

Nau Tâm Mpơl 2:5

Pôri, kah gĭt tay hom bơh ntŭk may rdja! Rmal hom nau tih jêh ri ƀư tay lĕ kan ntơm saơm. Tơlah mâu rmal nau tih, Gâp mra văch ta may jêh ri sŏk lơi jâng kađen may bơh ntŭk păng.