Samƀŭt Pôl Njuăl Ăn Ma Phung Nsing Ta Ƀon Rôm 10:18 - Nau Brah Ndu Ngơi 2023

¹⁸ Ƀiălah gâp ôp: Bu mâu hŏ mâp tăng hĕ? Ngăn khân păng lĕ tăng jêh, yorlah: “Bâr phung mbơh hŏ huy lam neh ntu, Jêh ri nau khân păng hŏ mbơh jêh tât ta dŭt bri dŭt neh.”

Bunong Bible Latin Script Cambodian dialect

¹⁸ Yơn ma gâp dăn ôp, ah phung Israel ơm mâu ƀah, tăng nau i nây? Khân păng lĕ tăng ngăn jêh! Lĕ geh nchih đŏng: ‘Bŏr mbung khân păng bu tăng lư lam neh ntu, Nau khân păng, bu tăng tât dŭt bri dŭt neh’.

Bunong

¹⁸ យើន​មា​គ៝ប់​ទាន់​អោប អាស​ផូង​អីឆ្រាអែល  ​អើម​មោ​បាស តាង់​នាវ​អី​នៃ? ខាន់​ពាង់​លែៈ​តាង់​ងាន់​ជេស! លែៈ​គែស​ញចីស​ដ៝ង់៖ «ឞ៝រ់​មឞូង​ខាន់​ពាង់​ឞូ​តាង់​លឺ​លាម​នែស​នតូ‌ នាវ​ខាន់​ពាង់ ឞូ​តាង់​ត៝ត់​ទុត​ឞ្រី​ទុត​នែស»។

Samƀŭt Pôl Njuăl Ăn Ma Phung Nsing Ta Ƀon Rôm 10:18 Iomraidhean Croise

I Phung Hađăch 18:10

Gâp ton tâm amoh Yêhôva Brah Ndu may gŭ rêh mro mrăng, kôranh gâp đă lĕ rngôch ƀon lan, lĕ bri dak hăn gay joi may. Jêh ri tơlah bu plơ̆ lah pô aơ: ‘Y-Êli mâu geh ta nây ôh,’ pôri hađăch ăn ƀon bri hađăch nây jêh ri ƀon lan nây ton săk khân păng mâu prot geh tâm mâp ôh đah may.

Nau Mprơ Ơm 19:4

Ƀiălah bâr khân păng huy lam neh ntu Jêh ri nau khân păng hŏ mbơh jêh tât ta dŭt bri dŭt neh. Ta klơ trôk, Păng hŏ ndâk jêh ngih bok ma nar.

Nau Mprơ Ơm 22:27

Lĕ rngôch lam rplay neh mra kah gĭt Jêh ri mra plơ̆ sĭt ma Brah Yêhôva, Lĕ rngôch mpôl băl bunuyh Mra chon mon mbah tanăp May.

Nau Mprơ Ơm 98:3

Păng kah gĭt tay nau ueh jêh ri ma nau răp jăp Păng Đah ngih phung Israel; Lĕ rngôch dŭt bri neh saơ jêh Nau yô̆ Brah Ndu tâm rklaih he.

Êsai 24:16

Bơh lĕ ntŭk dŭt neh ntu, hên hŏ tăng bâr bu mprơ: “Nau chrêk rmah prăp ma Nơm Sŏng Srăng.” Ƀiălah gâp lah: “Gâp hŏt rgănh jêh, gâp hŏt rgănh jêh! Rêh ni ngăn ma gâp, phung mâu gŭ răp jăp! Phung mâu gŭ răp jăp ăt thoi đŏng mâu gŭ răp jăp!”

Êsai 49:6

Păng lah ma gâp pô aơ: “Nau may ƀư oh mon Gâp gay rdâk đŏng phung ndŭl mpôl Yakôb, Jêh ri njŭn phung Israel hôm e plơ̆ sĭt Knŏng jêng nau kan jê̆; Gâp mra ƀư ma may jêng nau ang ma lĕ bri dak, Gay djôt nau gâp tâm rklaih tât ta nglĕ dŭt rplay neh.”

Êsai 52:10

Brah Yêhôva tâm mpơl jêh nting tur kloh ueh Păng Tanăp măt lĕ rngôch bri dak; Lĕ rngôch dŭt bri dŭt neh Saơ da dê nau Brah Ndu he tâm rklaih!

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Mathay 24:14

Nau Mhe Mhan Ueh ma ƀon bri hađăch Brah Ndu bu mra mbơh nkoch lam neh ntu gay mbơh ma lĕ rngôch ntil mpôl bunuyh; nôk nây, nar nglĕ dŭt mra tât.

Mathay 26:13

N'hêl nanê̆, Gâp lah ma khân may, lam neh ntu, ăp ntŭk bu mbơh nkoch ma Nau Mhe Mhan Ueh aơ, nau kan bu ur nây hŏ ƀư bu mra nkah tât gay kah gĭt păng.”

Mathay 28:19

Pôri, hăn hom ƀư ăn lĕ rngôch ntil mpôl bunuyh dơi jêng phung oh mon Gâp, amoh Kôranh Brah Ndu Mbơ̆, Kôranh Brah Ndu Kon, jêh ri Kôranh Brah Huêng Ueh ƀư ƀaptem ma khân păng

Mathay 4:8

Brah mhĭk djôt leo Păng ta klơ n'glơn yôk prêh, nchŏng ma Păng saơ lĕ rngôch ƀon bri hađăch ta neh ntu ndrel ma nau chrêk rmah khân păng,

Markôs 16:15

Păng lah ma khân păng: “Hăn hom lam neh ntu, mbơh nkoch Nau Mhe Mhan Ueh ma lĕ rngôch bunuyh.

Markôs 16:20

Phung oh mon luh hăn mbơh nkoch lam ntŭk; Kôranh Brah pah kan ndrel ma khân păng jêh ri ăn lĕ nau mbên khlay tĭng groi gay ƀư ăn nâp nau chroh.]

Kôranh Oh Mon 1:8

Ƀiălah tơlah Brah Huêng Ueh jŭr ta khân may, khân may mra sŏk dơn nau brah jêh ri mra jêng phung mbơh nkoch an Gâp ta ƀon Yêrusalem, lĕ n'gor Yuđa, n'gor Samari kŏ tât dŭt rplay neh.”

Kôranh Oh Mon 26:20

ƀiălah lor lơn, gâp mbơh nkoch ma phung bunuyh ta ƀon Đamas, jêh ta nây ta ƀon Yêrusalem jêh ri lĕ n'gor Yuđa, jêh nây tât ma phung bu năch, ăn khân păng rmal nau tih jêh ri plơ̆ sĭt ma Brah Ndu, pah kan tâm di đah nau tâm rmal ma nau tih.

Kôranh Oh Mon 28:23

Jêh tâm nal nar tâm mâp đah păng, khân păng hăn khâl păng ta ngih păng gŭ njưh âk ngăn bunuyh. Ntơm bơh ôi tât mhaơ, Y-Pôl ăt mbơh nkoch jêh ri rblang ƀon bri hađăch Brah Ndu ma khân păng, dŏng nau vay Y-Môis jêh ri lĕ nau mbơh lor srôih nsŭk nsôr khân păng tâm Brah Yêsu.

Samƀŭt Pôl Njuăl Ăn Ma Phung Nsing Ta Ƀon Rôm 1:8

Lor lơn, tâm Brah Yêsu Krist, gâp lah ueh ma Brah Ndu gâp yor ma lĕ rngôch khân ay may, ma nau chroh khân ay may lư n'găr lam neh ntu.

Samƀŭt Pôl Njuăl Ăn Ma Phung Nsing Ta Ƀon Rôm 15:19

ma nau brah khlay ngăn jêh ri nau mbên khlay, ma nau dơi Brah Huêng Ueh Brah Ndu, gâp hŏ mbơh âk bunuyh gĭt Nau Mhe Mhan Ueh Brah Yêsu Krist lam ntŭk, tă bơh ƀon Yêrusalem jêh ri n'gor văr jŭm ma tât ta n'gor Iliri.

Kôlôh 1:23

knŏng ma khân may nau gŭ nâp tay tâm nau chroh, mâu rdja nuih ôh, mâu trơn chalơi bơh nau kâp gân Nau Mhe Mhan Ueh khân may tăng jêh, jêng Nau Mhe Mhan Ueh hŏ mbơh nkoch jêh ma lĕ rngôch bunuyh tâm dâng trôk; jêh ri gâp, Y-Pôl, hŏ jêng bunuyh pah kan ma Nau Mhe Mhan Ueh nây.

Kôlôh 1:6

Nau Mhe Mhan Ueh nây dôl play kao jêh ri văch ma toyh tâm lam neh ntu nâm bu ta nklang khân may, bơh nar khân may tăng jêh ri gĭt rbăng ngăn nau yô̆ Brah Ndu.

I Têsalônik 1:8

Yorlah nau chroh Kôranh Brah tă bơh khân may hŏ lư ngăn, mâu di knŏng n'gor Masêđôn jêh ri Akai dơm ôh, ƀiălah nau khân may chroh tâm Brah Ndu hŏ tăng lư lam ntŭk, kŏ tât hên mâu hôm ŭch gay ngơi ntop đŏng ôh.