Samƀŭt Pôl Njuăl Ăn Ma Phung Nsing Ta Ƀon Rôm 10:16 - Nau Brah Ndu Ngơi 2023

¹⁶ Ƀiălah mâu di lĕ rngôch bunuyh tông tĭng Nau Mhe Mhan Ueh ôh; Y-Êsai hŏ lah: “Ơ Kôranh Brah, mbu nơm chroh nau hên mbơh nkoch?”

Bunong Bible Latin Script Cambodian dialect

¹⁶ Yơn ma mâu geh ôh dâng lĕ bunuyh iăt nau mhe mhan ueh. Nau mâu iăt i nây tâm ban ma nau bunuyh ntơyh nau ngơi Kôranh Brah rnha Êsai lĕ nchih jêh: ‘Ơ Kôranh Brah, tâm ban ma mâu geh ôh bunuyh iăt nau hên mbơh nkoch!’

Bunong

¹⁶ យើន​មា​មោ​គែស​អោស​ទឹង​លែៈ​ឞូនុយ្ស​អ្យាត់​នាវ​មហែ​មហាន​អ្វែស។ នាវ​មោ​អ្យាត់​អី​នៃ​តឹម​ឞាន​មា​នាវ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​រាញា​អេឆាយ  ​លែៈ​ញចីស​ជេស៖ «អើ​កោរាញ​ឞ្រាស តឹម​ឞាន​មា​មោ​គែស​អោស​ឞូនុយ្ស​អ្យាត់​នាវ​ហេន​មឞើស​ងក៝ច!»

Samƀŭt Pôl Njuăl Ăn Ma Phung Nsing Ta Ƀon Rôm 10:16 Iomraidhean Croise

Êsai 50:10

Mbu nơm tâm phung khân may klach yơk mbah ma Brah Yêhôva, Jêh ri tông bâr ma oh mon Păng, Mbu nơm hăn tâm nau ngo Jêh ri mâu geh nau ang ôh Rnơm nsing hom ma amoh Brah Yêhôva, Jêh ri nsing ma Brah Ndu păng.

Êsai 53:1

Mbu nơm chroh jêh nau hŏ mbơh nkoch ma he? Jêh ri ti Brah Yêhôva mpơl ma mbu nơm?

Mathay 13:14

N'hêl nanê̆ jêh ma khân păng ƀư ma nau Y-Êsai mbơh lor: ‘Khân may tăng ƀiălah mâu gĭt rbăng; Rle măt uănh ƀiălah mâu saơ.

Yôhan 10:26

Ƀiălah khân may mâu chroh, yorlah khân may mâu di biăp Gâp ôh.

Kôranh Oh Mon 28:24

Phung ƀaƀă geh nau nsŭk nsôr tă bơh nau Y-Pôl nti, bi ƀaƀă mâu ŭch chroh ôh.

Samƀŭt Pôl Njuăl Ăn Ma Phung Nsing Ta Ƀon Rôm 1:5

Yor ma Păng, hên hŏ dơn jêh nau yô̆ jêh ri nau pah kan kôranh oh mon, gay ma yor amoh Păng njŭn leo lĕ rngôch phung mpôl băl tông ma nau chroh.

Samƀŭt Pôl Njuăl Ăn Ma Phung Nsing Ta Ƀon Rôm 11:17

Ƀiălah tơlah geh n'gĭng ƀaƀă bu koh lơi, jêh ri may ơm jêng du tơm ôlive bri tâm ndop lĭr ta ntŭk lĕ n'gĭng nây gay ma dơi tâm pă dak rêh bơh reh tơm ôlive

Samƀŭt Pôl Njuăl Ăn Ma Phung Nsing Ta Ƀon Rôm 16:26

ƀiălah aƀaơ, tĭng nau Brah Ndu ntăm gŭ rêh mro mrăng jêh ri bơh tâm lĕ ndrom samƀŭt nau mbơh lor, nau khlay ndâp dơi mpơl ma lĕ rngôch mpôl băl bunuyh gĭt, gay djôt leo khân păng tât ta nau chroh tâm nau tông bâr,

Samƀŭt Pôl Njuăl Ăn Ma Phung Nsing Ta Ƀon Rôm 2:8

Bi ma mbu nơm mbeh, mâu tông bâr nau ngăn, ƀiălah tông bâr nau kue, mra sŏk dơn nau ji nuih hâu ngăn jêh ri nau ji nuih.

Samƀŭt Pôl Njuăl Ăn Ma Phung Nsing Ta Ƀon Rôm 3:3

Ƀiălah moh nau kan tât geh tơlah bar pe nuyh tâm phung khân păng mâu chroh? Di lĕ nau khân păng mâu chroh dơi ƀư rai nau răp jăp Brah Ndu lĕ bơh?

Samƀŭt Pôl Njuăl Ăn Ma Phung Nsing Ta Ƀon Rôm 6:17

Ƀiălah lah ueh ma Brah Ndu, yorlah khân may hŏ tă ƀư dĭk ma nau tih, ƀiălah nar aơ tông bâr lĕ nuih n'hâm ma nau di ntĭm nti hŏ jao ăn jêh ma khân may,

Galati 3:1

Hơi phung Galati rluk mâl! Mbu moh nkơnh khân may jêng phung bunuyh, rup Brah Yêsu Krist bu pâng kđĭn ta klơ si tâm rkăng dơi tâm mpơl tanăp măt?

Galati 5:7

Khân may dôl blau nchuăt tâm ban pônây mbu nơm nkân khân may tông bâr nau ngăn?

II Têsalônik 1:8

Păng mra tâm rmal phung mâu gĭt năl Brah Ndu jêh ri mâu tông bâr ma Nau Mhe Mhan Ueh bơh Kôranh Brah he jêng Brah Yêsu.

ហេឞ្រើ 11:8

Yor ma nau chroh, Y-Abraham tông bâr Brah Ndu kuăl, hăn tât ta n'gor êng păng nơm mra dơn jêng drăp ndơn; păng hăn ƀiălah mâu gĭt ôh mbah ntŭk păng mra hăn.

ហេឞ្រើ 4:2

Yorlah Nau Mhe Mhan Ueh mbơh nkoch ma he jêh, tâm ban ma khân păng lĕ; ƀiălah nau ngơi khân păng tăng jêh mâu geh nau khlay ma khân păng ôh, yorlah tâm nôk gŭ iăt nau nây, khân păng mâu dơn nau nây nđâp ma nau chroh.

ហេឞ្រើ 5:9

jêh ri nôk hŏ lôch jêh, Păng jêng tơm tâm rklaih n'ho ro ma lĕ rngôch bunuyh tông bâr ma Păng,

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.

I Pêtrôs 2:8

jêh ri jêng “Lŭ ƀư chêh jâng, Lŭ toyh ƀư chêh prah bu;” Khân păng chêh prah yorlah mâu tông prăp ma nau chroh, tâm ban ma tâm nal jêh ma khân păng.

I Pêtrôs 3:1

Tâm ban lĕ, phung bunuyh ƀư ur, tông hom ma sai khân ay nơm, gay ma tơlah geh ƀaƀă sai nđâp lah mâu tông prăp ma nau chroh, ƀiălah tă bơh nau gŭ ngao bơh ur, khân păng mra plơ̆ sĭt, mâu ŭch dŏng ma nau ngơi,