Samƀŭt Pôl Njuăl Ăn Ma Phung Nsing Ta Ƀon Rôm 10:15 - Nau Brah Ndu Ngơi 2023

¹⁵ Tơlah mâu geh bunuyh bu njuăl nsong, mâm ƀư geh bunuyh hăn mbơh nkoch? Tĭng nâm nau nchih jêh: “Ueh lăng âk ngăn mpang jâng phung hăn mbơh nkoch Nau Mhe Mhan Ueh!”

Bunong Bible Latin Script Cambodian dialect

¹⁵ Jêh ri lah mâu geh ôh bunuyh i bu njuăl hăn mbơh nkoch, mơm dâng geh bunuyh hăn mbơh nkoch? Lĕ geh nchih đŏng: ‘Ueh ngăn lah geh bunuyh i văch ta dja mbơh nkoch nau mhe i ueh’.

Bunong

¹⁵ ជេសរី​លាស​មោ​គែស​អោស​ឞូនុយ្ស​អី​ឞូ​ញជ្វាល់​ហាន់​មឞើស​ងក៝ច មើម​ទឹង​គែស​ឞូនុយ្ស​ហាន់​មឞើស​ងក៝ច? លែៈ​គែស​ញចីស​ដ៝ង់៖ «អ្វែស​ងាន់​លាស​គែស​ឞូនុយ្ស​អី​វាច់​តា​អ្យា​មឞើស​ងក៝ច​នាវ​មហែ​អី​អ្វែស»។

Samƀŭt Pôl Njuăl Ăn Ma Phung Nsing Ta Ƀon Rôm 10:15 Iomraidhean Croise

Êsai 40:9

Mbu nơm mbơh nau mhe mhan ueh ma ƀon Siôn, Hao hom ta klơ yôk prêh! Mbu nơm mbơh nau mhe mhan ueh ma Yêrusalem Nter troh hom ma nau ktang! Nter troh hom may, lơi klach ôh! Lah hom ma lĕ rngôch ƀon bri Yuđa pô aơ: “Aơ jêng Brah Ndu khân may!”

Êsai 52:7

Phung mbơh nau đăp mpăn, Mbơh nau mhe mhan ueh, Mbơh nau tâm rklaih, Jêh ri lah ma ƀon Siôn pô aơ: “Brah Ndu may gŭ chiă uănh;” Mbang jâng phung nây ta klơ yôk Ueh ngăn!

Êsai 57:19

Gâp rhăk njêng nau tâm rnê ta bâr mbung khân păng: ‘Đăp mpăn! Đăp mpăn ma nơm gŭ ngai jêh ri ma phung gŭ dăch!’” Brah Yêhôva lah: “Gâp mra ƀư bah păng.

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Yêrêmi 23:32

Brah Yêhôva lah: “Aơ, Gâp tâm rdâng đah phung dŏng mbơi mƀruh jêh ri mbơh lor. Khân păng nkoch nau mbơi jêh nây dŏng nau ngơi mƀruh, blă blơ ƀư ăn ma ƀon lan Gâp vĭ nhhơt, ƀiălah Gâp mâu prơh hăn, ăt mâu lĕ ntrŭnh khân păng. Khân păng mâu geh nau khlay ôh ăn ma phung ƀon lan aơ,” Brah Yêhôva lah pônây.

Nahum 1:15

Aơ, ta klơ phung yôk Geh jâng phung ntuh mbơh nau mhe mhan ueh, Jêh ri mbơh nau đăp mpăn! Hơi Yuđa, prăp hom ăp nar tâm rƀŭn Jêh ri ƀư ăn nanê̆ nau ton, Yorlah phung rlăng mâu mra tŭn jot may đŏng ôh, Păng hŏ rai lĕ jêh.

Mathay 9:38

Pôri yơh, dăn hom ma Kôranh Brah yan rek njuăl phung rek lăp yan rek Păng.”

Luka 10:1

Jêh nây, Kôranh Brah săch pơh jât oh mon êng, jêh ri njuăl bar hê bar hê hăn lor ma Păng lăp lĕ rngôch ƀon jêh ri lam ntŭk Păng mra hăn tât.

Luka 2:10

Ƀiălah tông mpăr lah ma khân păng: “Lơi klach ôh! Aơ, gâp mbơh ma khân may du Nau Mhe Mhan Ueh, aơ mra jêng nau răm maak toyh ma lĕ rngôch bunuyh.

Luka 2:14

“Tâm rnê ma Brah Ndu klơ trôk, Nau đăp mpăn ta neh ntu, nau yô̆ ăn ma bunuyh!”

Luka 8:1

Pakơi nây, Brah Yêsu hăn ntơm bơh ƀon aơ tât ta ƀon ri, ƀon jê̆ aơ tât ta ƀon jê̆ jê̆ êng, jêh ri mbơh nkoch Nau Mhe Mhan Ueh ma ƀon bri hađăch Brah Ndu. Jât ma bar kôranh oh mon hăn ndrel ma Păng.

Yôhan 20:21

Brah Yêsu lah đŏng ma khân păng: “Ăn nau đăp mpăn ma khân may! Nâm bu Mbơ̆ hŏ njuăl Gâp, Gâp njuăl đŏng khân may kơt nây lĕ.”

Kôranh Oh Mon 10:36

Brah Ndu hŏ njuăl nau ngơi tât ma phung kon Israel, mbơh nkoch ma Nau Mhe Mhan Ueh đăp mpăn tă bơh Brah Yêsu Krist, jêng Kôranh Brah ma lĕ rngôch bunuyh.

Kôranh Oh Mon 13:26

Hơi phung oh nâu jêng phung kon sau Y-Abraham, jêh ri phung bunuyh klach yơk ma Brah Ndu, nau mbơh ma nau tâm rklaih aơ njuăl ma he yơh.

Kôranh Oh Mon 22:21

Kôranh Brah lah ma gâp: ‘Hăn hom, yorlah Gâp mra njuăl may hăn tât ma phung bu năch ta ntŭk ngai.’ ”

Kôranh Oh Mon 9:15

Ƀiălah Kôranh Brah lah: “Hăn hom, yorlah Gâp săch jêh nơm aơ jêng ndơ Gâp dŏng gay djôt leo amoh Gâp tât ma phung bu năch, phung hađăch, jêh ri phung kon Israel;

Samƀŭt Pôl Njuăl Ăn Ma Phung Nsing Ta Ƀon Rôm 1:15

Yor ri, ma lĕ nuih n'hâm gâp ŭch mbơh nkoch Nau Mhe Mhan Ueh ma khân may, phung gŭ ta ƀon Rôm đŏng.

Samƀŭt Pôl Njuăl Ăn Ma Phung Nsing Ta Ƀon Rôm 15:20

Ƀiălah nau gâp ŭch jêng mbơh nkoch Nau Mhe Mhan Ueh ma lĕ ntŭk bu ê hŏ mbơh nkoch ôh amoh Brah Krist, gay ma mâu ndâk ôh ta mbon bunuyh êng,

Êphêsô 2:17

Lah ndrĭ, Păng văch jêh mbơh nkoch nau đăp mpăn ma khân may jêng phung gŭ ngai, jêh ri nau đăp mpăn ma phung gŭ dăch.

Êphêsô 3:8

Nđâp tơlah gâp jêng bunuyh jê̆ lê̆ lơn tâm lĕ rngôch phung kloh ueh, nau yô̆ nây đŏng ăn ma gâp, gay mbơh nkoch ma phung bu năch nau rmeh ler mâu dơi kơp tă bơh Brah Krist,

Êphêsô 6:15

nsoh ntâu jot ma nau ndrăp bơh Nau Mhe Mhan Ueh đăp mpăn,

I Pêtrôs 1:12

Geh nau tâm mpơl ma phung mbơh lor gĭt năl pô aơ khân păng mâu di pah kan ma khân păng nơm ôh, ƀiălah pah kan ma khân may yơh ma lĕ nau aƀaơ aơ mbơh jêh ma khân may tă bơh phung bunuyh, rnơm jêh Brah Huêng Ueh jêng Nơm dơi njuăl jŭr tă bơh trôk, mbơh nkoch Nau Mhe Mhan Ueh ma khân may. Phung tông mpăr yơh ŭch uănh saơ lĕ nau nây lĕ.