Samƀŭt Pôl Njuăl Ăn Ma Phung Nsing Ta Ƀon Rôm 1:8 - Nau Brah Ndu Ngơi 2023

⁸ Lor lơn, tâm Brah Yêsu Krist, gâp lah ueh ma Brah Ndu gâp yor ma lĕ rngôch khân ay may, ma nau chroh khân ay may lư n'găr lam neh ntu.

Bunong Bible Latin Script Cambodian dialect

⁸ Ê lor - gâp dăn lah ueh ma Kôranh Brah i Brah gâp yơk mbah, yor ma ndơ Brah Yêsu Krist lĕ jan, gâp dăn lah ueh Păng yor ma dâng lĕ phung khân ay may, yorlah nau nsing khân ay may nơh lĕ lư lam neh ntu.

Bunong

⁸ អេ​ល៝រ - គ៝ប់​ទាន់​លាស​អ្វែស​មា​កោរាញ​ឞ្រាស​អី​ឞ្រាស​គ៝ប់​យើក​មឞាស យ៝រ​មា​នទើ​ឞ្រាស​យេឆូ​ក្រីស  ​លែៈ​ជាន គ៝ប់​ទាន់​លាស​អ្វែស​ពាង់​យ៝រ​មា​ទឹង​លែៈ​ផូង​ខាន់​អៃ​មៃ យ៝រ​លាស​នាវ​ញឆីង​ខាន់​អៃ​មៃ​នើស​លែៈ​លឺ​លាម​នែស​នតូ។

Samƀŭt Pôl Njuăl Ăn Ma Phung Nsing Ta Ƀon Rôm 1:8 Iomraidhean Croise

Mathay 24:14

Nau Mhe Mhan Ueh ma ƀon bri hađăch Brah Ndu bu mra mbơh nkoch lam neh ntu gay mbơh ma lĕ rngôch ntil mpôl bunuyh; nôk nây, nar nglĕ dŭt mra tât.

Luka 2:1

Nôk nây, Sêsar Ôgustus ăn samƀŭt nau ntrŭnh gay kơp rnoh bunuyh tâm lam neh ntu.

Kôranh Oh Mon 11:28

Du huê tâm phung khân păng, amoh păng Y-Agabus dâk, yor Brah Huêng Ueh mbơh lor mra geh nau sa sât ji ngot toyh lam neh ntu; nau sa sât ji ngot nây tât ngăn tâm rnôk hađăch Klôt chiă uănh.

Kôranh Oh Mon 28:22

Ƀiălah, hên ŭch gĭt mâm nau may mĭn, yorlah hên gĭt bu tâm rdâng đah mpôl nây lam ăp ntŭk.”

Samƀŭt Pôl Njuăl Ăn Ma Phung Nsing Ta Ƀon Rôm 10:18

Ƀiălah gâp ôp: Bu mâu hŏ mâp tăng hĕ? Ngăn khân păng lĕ tăng jêh, yorlah: “Bâr phung mbơh hŏ huy lam neh ntu, Jêh ri nau khân păng hŏ mbơh jêh tât ta dŭt bri dŭt neh.”

Samƀŭt Pôl Njuăl Ăn Ma Phung Nsing Ta Ƀon Rôm 16:19

Lĕ rngôch bunuyh gĭt jêh ma nuih n'hâm khân may tông bâr; yor ri, gâp răm maak ma khân may, ŭch ma khân may geh nau blau mĭn ma nau ueh jêh ri ăn kloh ma nau mhĭk.

Samƀŭt Pôl Njuăl Ăn Ma Phung Nsing Ta Ƀon Rôm 6:17

Ƀiălah lah ueh ma Brah Ndu, yorlah khân may hŏ tă ƀư dĭk ma nau tih, ƀiălah nar aơ tông bâr lĕ nuih n'hâm ma nau di ntĭm nti hŏ jao ăn jêh ma khân may,

I Kôrintô 1:4

Gâp tâm rnê lah ueh ma Brah Ndu mro yor khân may, yorlah Păng ăn nau yô̆ ma khân may tâm Brah Yêsu Krist;

II Kôrintô 2:14

Ƀiălah lah ueh ma Brah Ndu, jêng Nơm leo bôk ƀaƀơ ma hên tâm nau hăn tâm groi ndrel ma nau dơi tâm Brah Krist; jêh ri tă bơh hên, Păng ƀư n'hôl ƀâu kah ma nau gĭt rbăng Păng ƀâu lam ntŭk.

Êphêsô 1:15

Yor ri, nôk gâp tăng ma nau khân may chroh tâm Kôranh Brah jêng Brah Yêsu Krist, jêh ri ma nau khân may rŏng đah lĕ rngôch phung kloh ueh,

Êphêsô 1:16

gâp yor ma khân may, mâu rlu nhhơr nau lah ueh, ăp tơ̆ mbơh sơm gâp kah gĭt ƀaƀơ ma khân may.

Êphêsô 3:21

Ăn Păng geh nau tâm rnê tâm Phung Ngih Brah Ndu jêh ri tâm Brah Yêsu Krist găn lĕ rngôch rô̆, ma tât ƀaƀơ n'ho ro! Amen.

Êphêsô 5:20

Tâm lĕ nau kan, tâm amoh hom Kôranh Brah he Yêsu Krist ƀaƀơ gay nhhơr nau lah ueh ma Brah Ndu, jêng Mbơ̆.

Philip 1:11

geh bêng ma play nau sŏng srăng bơh Yêsu Krist gay mât ton jêh ri nau tâm rnê ma Brah Ndu.

Philip 1:3

Ăp tơ̆ gâp kah gĭt ma khân may, gâp lah ueh ma Brah Ndu gâp.

Kôlôh 1:3

Nôk hên mbơh sơm ma khân may, hên tâm rnê ƀa ƀơ ma Brah Ndu, Mbơ̆ Kôranh Brah he jêng Yêsu Krist.

I Têsalônik 1:2

Hên lah ueh ma Brah Ndu ƀaƀơ ma lĕ rngôch khân may, vay nkah tât khân may dôl hên mbơh sơm.

I Têsalônik 2:13

Yor ri, hên lah ueh ma Brah Ndu mâu blau dŭt, yor nôk khân may tăng jêh ri sŏk dơn jêh nau ngơi Brah Ndu tă bơh hên, khân may mâu sŏk dơn nau ngơi nây tâm ban nau kon bunuyh ngơi, ƀiălah di ngăn jêng nau ngơi Brah Ndu, nau ngơi pah kan tâm khân may jêng phung chroh.

II Têsalônik 1:3

Hơi phung oh nâu, ăn hên lah ueh ma Brah Ndu ƀaƀơ yor ma khân may; jêh ri nau aơ jêng di ngăn, yorlah nau chroh khân may văch ma toyh âk ngăn, jêh ri nau rŏng ăp nơm tâm khân may đah ndrăng khân may nơm lơ hô văch ma toyh lơn.

II Timôthê 1:3

Gâp lah ueh ma Brah Ndu, jêng Nơm gâp pah kan ma nuih n'hâm kloh tâm ban phung chô yau gâp hŏ ƀư jêh, lĕ măng nâm nar, gâp kah gĭt ma may ƀaƀơ dôl gâp mbơh sơm.

ផីលេមោន 1:4

Gâp lah ueh ma Brah Ndu gâp ƀaƀơ, ăp tơ̆ kah gĭt ma may dôl gâp mbơh sơm,

ហេឞ្រើ 13:15

Pôri, yor ma Brah Yêsu, he nhhơr mpa ƀư brah ƀaƀơ ma nau tâm rnê ma Brah Ndu, nâm bu ntĭt kao play bơh trôm mbung he mbơh amoh Păng.

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.

I Pêtrôs 4:11

Tơlah geh nơm mbơh nkoch, mbơh nkoch hom tâm ban mbơh nau ngơi bơh Brah Ndu; tơlah geh nơm pah kan, pah kan hom ma nau ktang Brah Ndu ăn, gay tâm lĕ rngôch ndơ geh nau tâm rnê bơh Brah Yêsu Krist. Dăn nau chrêk rmah jêh ri nau brah jêng ndơ Păng n'ho ro tâm lĕ rngôch rnôk. Amen.