Samƀŭt Pôl Njuăl Ăn Ma Phung Nsing Ta Ƀon Rôm 1:3 - Nau Brah Ndu Ngơi 2023

³ Nây jêng Nau Mhe Mhan Ueh ma Kon Păng, jêng Nơm tâm nau nglay săk bu deh tă bơh ndŭl mpôl Y-Đavit;

Bunong Bible Latin Script Cambodian dialect

³ Nau mhe mhan ueh i nây mbơh nkoch ma Kon Bu Klô Kôranh Brah. Ta neh ntu dja, Kon Kôranh Brah Păng jêng săk jăn bunuyh deh ta rnoi deh kađăch Đavid.

Bunong

³ នាវ​មហែ​មហាន​អ្វែស​អី​នៃ​មឞើស​ងក៝ច​មា​ក៝ន​ឞូ​ក្លោ​កោរាញ​ឞ្រាស។ តា​នែស​នតូ​អ្យា ក៝ន​កោរាញ​ឞ្រាស​ពាង់​ជេង​ឆាក់​ជាន់​ឞូនុយ្ស​ទែស​តា​រាន៝យ​ទែស​កាដាច់​ដាវីត  ។

Samƀŭt Pôl Njuăl Ăn Ma Phung Nsing Ta Ƀon Rôm 1:3 Iomraidhean Croise

Nau Ntơm 3:15

Gâp mra ƀư ma may jêh ri bu ur, Noi deh may jêh ri noi deh bu ur tâm rlăng. Păng mra jot nkrâm sôt bôk may, Bi may mra kăp ndơl jâng păng.”

Nau Mprơ Ơm 2:7

Gâp mra mbơh nau ntĭnh bơh Brah Yêhôva: Păng lah ma Gâp: “Kon jêng Kon Gâp; Nar aơ Gâp hŏ deh jêh Kon.

Yêrêmi 33:26

tâm ban lĕ Gâp mra chalơi noi deh Y-Yakôb jêh ri noi deh Y-Đavit, oh moh Gâp, jêh ri mâu mra săch du huê bunuyh tâm noi deh păng bunuyh chiă uănh phung kon sau Y-Abraham, Y-Isăk, jêh ri Y-Yakôb. Yorlah Gâp mra njŭn phung bu nă plơ̆ sĭt jêh ri mra yô̆ nđach ma khân păng.’”

Amôt 9:11

“Tâm nar nây, Gâp mra ndâk tay Ngih njưh Y-Đavit lĕ rlâm jêh Jêh ri kơi nkra đŏng lĕ ntŭk rlâm rai nchah păng. Gâp mra ndâk tay lĕ ntŭk hŏ jêng rngot njăp Jêh ri ndâk tay păng nâm bu rnôk kăl e,

Mathay 1:1

Amoh phung chô yau Brah Yêsu Krist, kon sau Y-Đavit, kon sau Y-Abraham.

Mathay 1:16

Y-Yakôp jêng mbơ̆ Y-Yôsep jêng sai H'Mari; H'Mari deh ma Brah Yêsu, kuăl jêng Brah Krist.

Mathay 1:6

Y-Yêsê jêng mbơ̆ hađăch Đavit. Hađăch Đavit đah ur Y-Uri, geh Y-Salômôn.

Mathay 12:23

Lĕ rngôch phung ƀon lan hih rhâl da dê, lah pô aơ: “Di lĕ bunuyh aơ jêng kon Y-Đavit.”

Mathay 15:22

Ri, geh du huê bu ur bri Kanaan văch tă bơh n'gor nây jêh ri nter pô aơ: “Ơ Kôranh Brah, kon Y-Đavit, dăn yô̆ nđach ma gâp ƀă! Kon bu ur gâp, brah mhĭk lơh ƀư nđêh nji ngăn.”

Mathay 26:63

Ƀiălah Brah Yêsu ăt gŭ rklăk. Kôranh ƀư brah toyh lơn lah ma păng: “Gâp đă may tâm amoh Brah Ndu gŭ rêh mro mrăng ma nau sơm ton jêh ri lah ma hên gĭt, di lĕ may jêng Brah Krist, Kon Brah Ndu?”

Mathay 27:43

Păng rnơm nsing ma Brah Ndu. Tơlah Brah Ndu rŏng ma Păng, ăn Brah Ndu tâm rklaih Păng aƀaơ ro; yorlah păng lah: ‘Gâp jêng Kon Brah Ndu.’ ”

Mathay 3:17

Aơ, geh bâr ngơi tă bơh trôk lah: “Aơ jêng Kon Gâp rŏng ngăn ngên, tâm Păng Gâp geh nau maak ngăn.”

Mathay 9:27

Dôl Brah Yêsu du tă bơh ntŭk nây, geh bar hê bunuyh chieh măt tĭng groi Păng, jêh ri nter pô aơ: “Hơi kon Đavit, yô̆ nđach hên!”

Luka 1:35

Tông mpăr plơ̆ lah: “Brah Huêng Ueh mra gŭ ta klơ ay, jêh ri nau brah tă bơh Nơm Dŭt Prêh mra nkŭm nkâm ay; yor nây nau jŭr deh kon kloh ueh bu mra kuăl jêng Kon Brah Ndu.

Luka 1:69

Păng hŏ n'hao ma phung he, tâm ngih Y-Đavit, oh mon Păng, Du huê Nơm Tâm Rklaih bêng nau brah!

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Yôhan 1:34

Gâp lĕ saơ jêh ri mbơh nkoch pô aơ, aơ yơh jêng Kon Brah Ndu.”

Yôhan 1:49

Y-Nathanel ơh: “Hơi Nơm Nti, May jêng Kon Brah Ndu! May jêng hađăch ma phung Israel!”

Yôhan 10:30

Gâp đah Mbơ̆ jêng nguay.”

Yôhan 10:36

pôri Gâp yơh aơ, jêng Nơm Mbơ̆ prăp êng tâm nau kloh ueh jêh ri njuăl tât ta neh ntu, mâm ƀư khân may lah tay Gâp ngơi sưr rlau, nôk Gâp lah: ‘Gâp jêng Kon Brah Ndu’?

Yôhan 20:28

Y-Thômas ơh pô aơ: “Ơ Kôranh Brah gâp jêh ri Brah Ndu gâp ơi!”

Yôhan 20:31

Ƀiălah lĕ nau dơi nchih jêh gay ma khân may chroh ma Brah Yêsu jêng Brah Krist, Kon Brah Ndu, jêh ri gay ma nôk khân may chroh tâm amoh Păng, khân may geh nau rêh.

Yôhan 5:25

“Nanê̆ ngăn, Gâp lah ma khân may, mông dăch tât, jêh ri hŏ tât jêh, nôk phung khĭt mra tăng bâr Kon Brah Ndu, jêh ri phung bunuyh tăng bâr Păng mra rêh.

Yôhan 7:42

Mâu di hĕ Nau Brah Ndu Ngơi mbơh pô aơ Brah Krist Păng luh bơh noi deh Y-Đavit jêh ri văch tă bơh ƀon Ƀêtlêhem, jêng ƀon Y-Đavit ƀơh?”

Kôranh Oh Mon 2:30

Ƀiălah păng jêng nơm mbơh lor, gĭt jêh ma Brah Ndu lĕ ton jêh pô aơ Păng mra ăn du huê bunuyh jêng noi deh păng gŭ ta sưng hađăch păng nơm.

Kôranh Oh Mon 3:13

Brah Ndu Y-Abraham, Brah Ndu Y-Isăk, jêh ri Brah Ndu Y-Yakôp, Brah Ndu phung chô yau he hŏ tâm rnê oh mon Păng jêng Brah Yêsu, Nơm khân may hŏ nhŭp jao jêh ri dun tanăp Pilat, tâm nôk păng ŭch yô̆ an ma Păng.

Kôranh Oh Mon 8:36

Dôl bar hê khân păng hăn, tâm mâp ntŭk geh dak, kôranh char lah: “Aơ, dak aơ, geh lĕ nau buay gâp dơn nau ƀaptem ƀơh?”

Kôranh Oh Mon 9:20

Y-Sôl gŭ bar pe nar ndrel ma phung oh mon tâm ƀon Đamas. Păng ntơm mbơh nkoch ro tâm lĕ ngih rƀŭn pô aơ Brah Yêsu jêng Kon Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 1:9

Brah Ndu, Nơm gâp pah kan ma lĕ nuih n'hâm tâm nau mbơh nkoch Nau Mhe Mhan Ueh Kon Păng, jêng mbơh nkoch ma gâp kah gĭt ma khân may ƀaƀơ ăp tơ̆ gâp mbơh sơm

Samƀŭt Pôl Njuăl Ăn Ma Phung Nsing Ta Ƀon Rôm 4:1

Pôri, mâm he mra lah ma Y-Abraham, chô yau tĭng nâm nglay săk he, moh ndơ păng hŏ dơn jêh?

Samƀŭt Pôl Njuăl Ăn Ma Phung Nsing Ta Ƀon Rôm 9:3

Yorlah gâp ŭch dơi suai rak gâp nơm jêh ri chalơi bơh Brah Krist ntrok an ma phung oh nâu jêng phung ndŭl mpôl gâp;

Samƀŭt Pôl Njuăl Ăn Ma Phung Nsing Ta Ƀon Rôm 9:5

jêng phung ƀon lan luh tă bơh phung chô yau jêh ri ntơm bơh noi deh nây, tĭng nâm nglay săk, hŏ deh jêh Brah Krist, Nơm klơ lơn ma lĕ rngôch, jêng Brah Ndu khư dơn nau tâm rnê n'ho ro. Amen.

I Kôrintô 1:9

Brah Ndu jêng Nơm răp jăp; Nơm hŏ kuăl jêh khân may ma nau tâm rnglăp ndrel đah Kon Păng jêng Brah Yêsu Krist, Kôranh Brah he.

I Kôrintô 10:18

Uănh hom ma phung Israel tĭng nâm nglay săk: Mâu di hĕ phung sa puăch mpa ƀư brah geh du kô̆ đah nơng ƀư brah?

Galati 4:4

Ƀiălah tơlah tât nar tâm nal, Brah Ndu njuăl Kon Păng tât, tă bơh ma du huê bu ur deh, deh luh tâm dâng nau vay,

I Têsalônik 1:10

jêh ri gŭ kâp Kon Păng bơh trôk, jêng Brah Yêsu, Păng hŏ ƀư ăn dâk rêh tay tă bơh nau khĭt, jêng Nơm tâm rklaih he bơh ma nau ji nuih dăch tât.

I Timôthê 2:5

Yorlah geh knŏng du huê Brah Ndu, jêh ri geh knŏng du huê Nơm Tâm Nklang vah vang Brah Ndu jêh ri kon bunuyh, jêng Brah Yêsu Krist, jêng bunuyh đŏng.

I Timôthê 3:16

Di ngăn dơn pô aơ nau khlay ndâp tâm nuih n'hâm klach yơk dŭt toyh hâu ngăn: Nơm tâm mpơl jêh tâm săk jăn, Brah Huêng Ueh kơp Păng sŏng srăng, Phung tông mpăr ntreng uănh, Bu mbơh nkoch ta nklang lĕ rngôch phung ƀon lan, Lĕ rngôch bunuyh chroh dơn jêh, Brah Ndu chông Păng leo klơ tâm nau chrêk rmah.

II Timôthê 2:8

Ăn may kah gĭt ma Brah Yêsu Krist jêng noi deh Y-Đavit, Păng dâk rêh tay jêh tă bơh nau khĭt tĭng nâm Nau Mhe Mhan Ueh gâp hŏ mbơh nkoch.

I Yôhan 1:3

Hên sŏk nau hên saơ jêh, tăng jêh mbơh ma khân may, gay ma khân may dơi geh nau tâm rnglăp ndrel ma hên; jêh ri hên ăt geh nau tâm rnglăp đah Brah Ndu Mbơ̆, jêh ri đah Kon Păng jêng Brah Yêsu Krist.

I Yôhan 3:23

Jêh ri aơ nau vay Păng ntăm: Ăn he chroh ma amoh Kon Păng jêng Brah Yêsu Krist jêh ri ăn he rŏng ndrăng he, nâm bu nau Păng hŏ ntăm nti jêh ma he.

I Yôhan 3:8

Mbu nơm ƀư tih jêng bunuyh brah mhĭk; yorlah brah mhĭk ƀư tih jêh ntơm bơh saơm. Yor nĕ Kon Brah Ndu tâm mpơl jêh gay ƀư rai kan brah mhĭk.

I Yôhan 4:15

Mbu nơm mbơh Brah Yêsu jêng Kon Brah Ndu, Brah Ndu gŭ tâm bunuyh nây, jêh ri bunuyh nây gŭ tâm Brah Ndu.

I Yôhan 5:1

Mbu nơm chroh ma Brah Yêsu jêng Brah Krist geh nau deh jêh tă bơh Brah Ndu; mbu nơm rŏng ma Nơm deh jêh ma păng, ăt rŏng ma bunuyh deh jêh bơh Nơm nây tâm ban lĕ.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.

I Yôhan 5:5

Mbu nơm dơi jêh đah neh ntu, mâu di hĕ jêng nơm chroh ma Brah Yêsu jêng Kon Brah Ndu?

II Yôhan 1:7

Yor âk phung ndơm mƀruh văch jêh tâm neh ntu, jêng phung mâu dơn nanê̆ Brah Yêsu Krist văch jêh tâm nglay săk. Nây jêng nơm ndơm mƀruh jêh ri nơm tâm rdâng đah Brah Krist.

Nau Tâm Mpơl 2:18

“Nchih hom ma phung tông mpăr ma Phung Ngih Brah Ndu ta ƀon Thiatir pô aơ: Aơ jêng nau Kon Brah Ndu lah, Nơm geh măt tâm ban ma mpiăt ŭnh jêh ri jâng păng jêng nâm bu kông tho chrêk: