Samƀŭt Pôl Njuăl Ăn Ma Phung Nsing Ta Ƀon Rôm 1:26 - Nau Brah Ndu Ngơi 2023

²⁶ Yor nau nây Brah Ndu jao jêh ma khân păng ma nau kơnh ŭch khư ƀơ̆ ƀơch. Nđâp ma phung bu ur tâm rgâl jêh nau vay gŭ ur sai jêng nau mâu vay.

Bunong Bible Latin Script Cambodian dialect

²⁶ Kơt ndri dâng Kôranh Brah ƀok gor khân păng tâng ma nau ƀơ̆ ƀơch khơh kler khân păng nơm. Phung bu ur ntlơi lơi nau vay gŭ ur sai i bu vay jan, nkhơng ma tâm dŏng ndrăng bu ur chrao.

Bunong

²⁶ កើត​នទ្រី​ទឹង​កោរាញ​ឞ្រាស​ប៝ក​គ៝រ​ខាន់​ពាង់​តឹង​មា​នាវ​បឹ​បើច​ខើស​ក្លែរ​ខាន់​ពាង់​នើម។ ផូង​ឞូ​អូរ​នត្លើយ​លើយ​នាវ​វៃ​គុ​អូរ​ឆាយ​អី​ឞូ​វៃ​ជាន ងខើង​មា​តឹម​ទ៝ង់​នទ្រាង់​ឞូ​អូរ​ច្រាវ។

Samƀŭt Pôl Njuăl Ăn Ma Phung Nsing Ta Ƀon Rôm 1:26 Iomraidhean Croise

Nau Ntơm 19:5

Khân păng kuăl Y-Lot jêh ri ôp: “Hŏ phung bu năch lăp tâm ngih may măng aơ? Leo hom khân păng tât ta aơ gay hên sông sa bê̆ch ndrel ma khân păng.”

Nau Mprơ Ơm 81:12

Yor nây, Gâp jao khân păng ma nau nuih n'hâm dăng khân păng, Gay ma khân păng hăn tĭng nâm khân păng nơm mĭn.

Samƀŭt Pôl Njuăl Ăn Ma Phung Nsing Ta Ƀon Rôm 1:24

Yor ri, Brah Ndu hŏ jao ma khân păng ma lĕ nau kơnh tĭng nâm nuih n'hâm khân păng ŭch, tŭp tâm nau ƀơ̆ ƀơch gay ma ƀư bêk prêng ma săk jăn khân păng nơm,

Samƀŭt Pôl Njuăl Ăn Ma Phung Nsing Ta Ƀon Rôm 1:28

Yorlah khân păng mâu ŭch gĭt năl Brah Ndu ôh, pônây Brah Ndu n'ho jao khân păng ma nau mĭn mhĭk gay ƀư âk nau mâu khư ôh.

I Kôrintô 6:9

Khân may mâu gĭt hĕ phung mâu sŏng srăng mâu mra dơn ƀon bri hađăch Brah Ndu ôh?

Êphêsô 4:19

Khân păng roh lĕ nau gĭt mĭn, mƀơk khân păng nơm tâm nau ƀai, kơnh ŭch ƀư lĕ rngôch ndơ ƀơ̆ ƀơch.

Êphêsô 5:12

yorlah nđâp tơlah knŏng ngơi ma lĕ nau khân păng ƀư tâm nau ndâp jêng đit prêng jêh.

I Têsalônik 4:5

lơi tŭp tâm nau văng tĭr blă blơ nâm bu phung bu năch, jêng phung bunuyh mâu gĭt năl Brah Ndu.

I Timôthê 1:10

ma phung văng tĭr jêh ri bu klâu ndrăng bu klâu, bu ur ndrăng bu ur, ma phung tăch rgâl bunuyh, ma phung ngơi mƀruh, ma phung ngơi nchơt jêh ri lĕ nau êng tâm rdâng đah nau di nau sŏng ngăn.

Yuđas 1:10

Ƀiălah phung aơ ngơi djơh tât ma lĕ nau khân păng mâu gĭt rbăng, bi lĕ nau khân păng gĭt ma nau nglay săk ŭch nâm bu mpô mpa bri mâu geh nau gĭt rbăng, pôri khân păng dŏng gay ƀư rai roh khân păng nơm.

Yuđas 1:7

Nâm bu ƀon Sôdôm, ƀon Gômôrơ jêh ri ƀon văr jŭm ƀư đŏng tâm ban ma khân păng, mƀơk khân păng nơm lăp tâm lĕ nau văng tĭr jêh ri nchuăt tĭng nau nglay săk ŭch mâu tâm di, khân păng dơn nau tâm rmal ma ŭnh sa n'ho ro gay nti ma he.

Phung Kôranh Phat Dôih 19:22

Nôk khân păng dôl răm maak ndrăng khân păng, geh phung bunuyh tâm ƀon toyh, jêng phung janh mhĭk, nchueng jŭm ngih nây, dong ta bôk mpông jêh ri lah ma bu klâu bu ranh, jêng kôranh vâl, pô aơ: “Leo hom bu klâu hŏ lăp tâm ngih may ăn păng văch ta aơ gay ma hên gĭt năl păng.”