Samƀŭt Pôl Njuăl Ăn Ma Phung Nsing Ta Ƀon Rôm 1:21 - Nau Brah Ndu Ngơi 2023

²¹ Yorlah nđâp tơlah hŏ gĭt năl jêh Brah Ndu, khân păng mâu ŭch tâm n'hao prêh ma Păng jêng Brah Ndu ôh jêh ri mâu lah ueh Păng, ƀiălah khân păng ăt mĭn mâu geh kô̆; nuih n'hâm rluk mâl khân păng plơ̆ jêng nau ngo klĕng.

Bunong Bible Latin Script Cambodian dialect

²¹ Bol lah bunuyh i nây lĕ gĭt Kôranh Brah, khân păng mâu ôh yơk mbah ma Kôranh Brah, khân păng mâu đŏng lah ueh ma Păng. Nau mân khân păng nơh lĕ rgâl lêng lang mâu hôm ôh geh khlay, jêh ri nuih n'hâm rluk mâl khân păng nơh jêng tâm ban ma ngo.

Bunong

²¹ ឞ៝ល​លាស​ឞូនុយ្ស​អី​នៃ​លែៈ​គឹត​កោរាញ​ឞ្រាស ខាន់​ពាង់​មោ​អោស​យើក​មឞាស​មា​កោរាញ​ឞ្រាស ខាន់​ពាង់​មោ​ដ៝ង់​លាស​អ្វែស​មា​ពាង់។ នាវ​មឹន​ខាន់​ពាង់​នើស​លែៈ​រាគ៝ល់​លេង​លាង​មោ​ហោម​អោស​គែស​ខ្លៃ ជេសរី​នូយ្ស​នហ៝ម់​រាលូក​ម៝ល់​ខាន់​ពាង់​នើស​ជេង​តឹម​ឞាន​មា​ង៝។

Samƀŭt Pôl Njuăl Ăn Ma Phung Nsing Ta Ƀon Rôm 1:21 Iomraidhean Croise

Nau Ntơm 6:5

Brah Yêhôva saơ nau djơh mhĭk kon bunuyh lam klơ neh jêh ri khân păng knŏng rvê mĭn ma nau djơh mhĭk dơm,

Nau Ntơm 8:21

Brah Yêhôva maak dơn nau n'hôl ƀâu kah jêh ri mĭn êng: “Gâp mâu mra rtăp rak neh ntu đŏng ôh yor ma phung bunuyh, nđâp lah nau mĭn phung bunuyh djơh mhĭk ntơm bơh păng hôm mom. Gâp mâu mra ƀư rai đŏng ôh lĕ rngôch mpa rêh tâm ban ma Gâp hŏ ƀư jêh.

I Phung Hađăch 20:23

Phung oh mon hađăch Aram lah ma păng pô aơ: “Phung brah khân păng jêng brah yôk, yor nây khân păng ktang lơn ma he. Ƀiălah ta lah nau tâm lơh đah khân păng tâm ntŭk neh lâng, nanê̆ he mra jêng dơi tâm lơh ma khân păng.

II Phung Hađăch 17:15

Khân păng mưch rmot ma lĕ nau vay dăp bơh Păng tâm ban đŏng nau tâm rnglăp Păng hŏ ƀư jêh ma chô yau khân păng, jêh ri khân păng mưch rmot đŏng lĕ nau tâm rmal Păng hŏ ntăm jêh ma khân păng. Khân păng hăn tĭng ndô̆ phung brah dơm dam jêh ri khân păng nơm ăt rlơ̆ jêng dơm dam. Khân păng kơt phung ntil mpôl bunuyh gŭ văr jŭm, jêng phung ntil mpôl bunuyh Brah Yêhôva ntrŭnh jêh ma khân păng mâu tĭng kơt phung nây.

Nau Mprơ Ơm 50:23

Mbu nơm nhhơr nau tâm rnê lah ueh, ndơ ƀư brah jêng mât ton ma Gâp, Bi ma mbu nơm hăn tĭng trong nau sŏng, Gâp mra ăn saơ nau Brah Ndu tâm rklaih.”

Nau Mprơ Ơm 81:12

Yor nây, Gâp jao khân păng ma nau nuih n'hâm dăng khân păng, Gay ma khân păng hăn tĭng nâm khân păng nơm mĭn.

Nau Mprơ Ơm 86:9

Lĕ rngôch phung mpôl băl May hŏ rhăk njêng jêh Mra văch yơk mbah tanăp măt May Jêh ri tâm rnê amoh May.

Nơm Nti 7:29

Ƀiălah aơ jêng nau knŏng nguay gâp dơi joi: ‘Brah Ndu hŏ rhăk njêng kon bunuyh sŏng, Ƀiălah khân păng nơm hŏ joi âk ndơm.’”

Êsai 60:2

Aơ, nau ngo nkŭm neh ntu, Nau ngo mbâl nkŭm phung ƀon lan; Ƀiălah Brah Yêhôva sol ang ta klơ may, Nau chrêk rmah Păng mpơl ta klơ may.

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Yêrêmi 17:9

Nuih n'hâm bu jêng mƀruh nchơt lơn ma lĕ ntil mpô mpa, Jêh ri jêng nau djơh mhĭk ngăn. Mbu nơm dơi gĭt?

Yêrêmi 2:5

Brah Yêhôva lah pô aơ: “Phung chô yau khân may saơ moh nau mâu di tâm Gâp Dĭng du ngai bơh Gâp, Hăn tĭng nau dơm dam, Jêh ri jêng phung mâu geh rnoh khlay?

Yêrêmi 9:14

Ƀiălah khân păng rêh tĭng rôih ko nuih n'hâm dăng khân păng nơm, hăn tĭng lĕ brah Baal chô yau khân păng hŏ nti.”

Êsêkiêl 14:5

Tâm ban pônây, Gâp dơi sŏk ăn nuih n'hâm ƀon lan Israel phung nkhah du jêh tă bơh Gâp yor ma khân păng mbah rup brah.

Êsêkiêl 20:25

Tâm ban lĕ Gâp hŏ ăn jêh ma khân păng lĕ rngôch nau vay dăp mâu ueh ôh jêh ri lĕ rngôch nau vay ƀư mâu yor tă bơh nây dơi rêh.

Ndrom Samƀŭt bơh Ôsê 2:8

Nanê̆ ngăn păng mâu gĭt ôh Gâp yơh, Nơm hŏ ăn jêh ba ƀlê, ndrănh mhe jêh ri dak ngi ma păng, Gâp yơh hŏ ăn ma păng âk prăk, mah Ƀiălah khân păng djôt dŏng ăn ma brah Baal.

Yôhan 3:19

Nau tâm rmal nây jêng kơt aơ: Nau ang hŏ tât jêh ta neh ntu, ƀiălah kon bunuyh ŭch nau ngo rlau lơn ma nau ang, yorlah kan khân păng jêng nau djơh mhĭk.

Kôranh Oh Mon 26:18

gay ma pơk an măt khân păng, ăn khân păng du bơh nau ngo hăn tâm nau ang, tă bơh nau dơi ktang Satan plơ̆ sĭt ma Brah Ndu; gay ma nau chroh ma Gâp, khân păng dơn nau yô̆ an nau tih jêh ri dơn kô̆ drăp ndơ ndrel ma phung kloh ueh.’

Samƀŭt Pôl Njuăl Ăn Ma Phung Nsing Ta Ƀon Rôm 1:19

Yorlah moh nau bu dơi gĭt năl Brah Ndu jêng rah vah, yorlah Brah Ndu hŏ mpơl jêh ma khân păng.

Samƀŭt Pôl Njuăl Ăn Ma Phung Nsing Ta Ƀon Rôm 1:28

Yorlah khân păng mâu ŭch gĭt năl Brah Ndu ôh, pônây Brah Ndu n'ho jao khân păng ma nau mĭn mhĭk gay ƀư âk nau mâu khư ôh.

Samƀŭt Pôl Njuăl Ăn Ma Phung Nsing Ta Ƀon Rôm 11:10

Ŭch ngăn măt khân păng chieh gay mâu dơi saơ ôh, Jêh ri ndŭr kơi khân păng kuăt krô mro.”

Samƀŭt Pôl Njuăl Ăn Ma Phung Nsing Ta Ƀon Rôm 15:9

jêh ri ƀư ăn phung bu năch tâm rnê Brah Ndu yor nau Păng yô̆ nđach. Tâm ban geh nau nchih: “Yor nây, Gâp mra tâm rnê ma Kôranh Brah ta nklang lĕ rngôch ntil mpôl bunuyh Jêh ri mprơ mât ton ma amoh Păng”

Nau Vay Nkah Tay 28:29

Dôl nklang bôk nar khân may but bi tâm ban ma bunuyh chieh măt nôk măng ngo kleng. Khân may mâu mra chăt hao ôh tâm nau kan khân may; bu mra tŭn jot khân may jêh ri ntŭng ndô ndơ khân may ƀaƀơ ƀiălah mâu geh ôh du huê nuyh kơl rklaih an khân may.

II Timôthê 3:2

Yorlah bunuyh mra jêng mbeh nkrêp, rŏng ma prăk, blau khư êng, sưr rlau, ngơi djơh, mâu tông bâr mê̆ mbơ̆, mâu kah gĭt tôr, mâu kloh ueh,

I Pêtrôs 1:18

Yorlah khân may gĭt jêh mâu di ma lĕ ndơ blau rai yot nâm bu prăk mâu lah mah ôh khân may geh nau chuai bơh nau rêh dơm dam ntơm bơh phung chô yau khân may nơm nkoch tay,

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

Nau Tâm Mpơl 14:7

Tông mpăr ngơi huy pô aơ: “Klach yơk hom ma Brah Ndu jêh ri tâm rnê Păng, yor mông Păng phat dôih tât jêh. Yơk mbah hom ma Nơm rhăk njêng trôk, neh ntu, dak mƀŭt jêh ri lĕ tu dak.”

Nau Tâm Mpơl 15:4

Ơ Kôranh Brah, mbu nơm mâu mra klach yơk Kôranh Brah, Jêh ri mâu tâm rnê amoh may? Yorlah knŏng êng Kôranh Brah jêng kloh ueh. Lĕ rngôch mpôl băl mra văch Yơk mbah tanăp Kôranh Brah, Yorlah lĕ nau sŏng srăng May tâm mpơl jêh.”