Samƀŭt Pôl Njuăl Ăn Ma Phung Nsing Ta Ƀon Rôm 1:13 - Nau Brah Ndu Ngơi 2023

¹³ Hơi phung oh nâu, gâp ŭch ma khân may gĭt âk tơ̆ jêh gâp tâm nal hăn khâl khân may gay ma rek peh play kao âk ƀhôi tâm phung khân may, tâm ban đŏng ma phung mpôl băl bunuyh êng; ƀiălah gâp geh nau buay tât nar aơ.

Bunong Bible Latin Script Cambodian dialect

¹³ Ơ oh nô ta nau nsing, gâp ŭch ăn khân ay may gĭt, ƀaƀơ ngăn gâp rơ hăn a khân ay may, gay ma leo bu sât nsing ta ƀon khân ay may, kơt gâp lĕ geh jan ta phung i mâu di phung Israel ta bri ƀon êng êng, yơn ma tât nar dja gâp mâu hoch hăn, hôm geh ndơ nking.

Bunong

¹³ អើ​អ៝ស​នោ​តា​នាវ​ញឆីង គ៝ប់​អុច​អ៝ន់​ខាន់​អៃ​មៃ​គឹត បាបើ​ងាន់​គ៝ប់​រើ​ហាន់​អា​ខាន់​អៃ​មៃ គៃ​មា​លែវ​ឞូ​ឆឹត​ញឆីង​តា​ប៝ន​ខាន់​អៃ​មៃ កើត​គ៝ប់​លែៈ​គែស​ជាន​តា​ផូង​អី​មោ​ទី​ផូង​អីឆ្រាអែល  ​តា​ឞ្រី​ប៝ន​អេងៗ យើន​មា​ត៝ត់​នារ​អ្យា​គ៝ប់​មោ​ហ៝ច​ហាន់ ហោម​គែស​នទើ​ងកីង។

Samƀŭt Pôl Njuăl Ăn Ma Phung Nsing Ta Ƀon Rôm 1:13 Iomraidhean Croise

Êsai 27:6

Tât mông Yakôb mra hon reh, Israel geh rmlom jêh ri dang kao, Jêh ri khân păng mra play bêng klơ neh.

Yôhan 12:24

Nanê̆, Gâp lah ngăn ma khân may: Lah du ntil găr ba ƀlê srih ta neh mâu khĭt, păng hôm e du găr nây lĕ; ƀiălah lah păng khĭt, păng geh play âk ngăn.

Yôhan 15:16

Mâu di khân may ôh săch Gâp, ƀiălah Gâp săch jêh khân may jêh ri njuăl khân may, gay khân may hăn, geh play âk, jêh ri play khân may ăt hôm ƀaƀơ; pôri moh nau khân may mra dăn ma Mbơ̆ tâm amoh Gâp, Păng mra ăn nau nây ma khân may.

Yôhan 4:36

Bunuyh rek dơn prăk nkhôm jêh ri prăp nkrem kao play ma nau rêh n'ho ro, pôri bunuyh tuch n'hanh ma bunuyh rek răm maak ndrel.’

Kôranh Oh Mon 1:15

Tâm lĕ nar nây, Y-Pêtrôs dâk ta nklang phung oh nâu (rnoh bunuyh gŭ rƀŭn ta nây geh klăp lah tâm du rhiăng bar jât nuyh) jêh ri păng lah pô aơ:

Kôranh Oh Mon 14:27

Nôk tât ta nây, Y-Pôl jêh ri Y-Ƀarnaƀas kuăl rgum Phung Ngih Brah Ndu, nkoch bri lĕ kan Brah Ndu đă khân păng ƀư, jêh ri nau Păng pơk jêh mpông nau chroh ma phung bu năch.

Kôranh Oh Mon 15:12

Lĕ rngôch phung rƀŭn gŭ rklăk, iăt nau Y-Ƀarnaƀas jêh ri Y-Pôl nkoch bri lĕ rngôch nau mbên khlay jêh ri nau khlay, Brah Ndu đă khân păng ƀư jêh ta nklang phung bu năch.

Kôranh Oh Mon 19:21

Jêh lôch nau nây, Y-Pôl mĭn ŭch hăn ta ƀon Yêrusalem, rgăn n'gor Masêđôn jêh ri n'gor Akai. Păng lah: “Tơlah gâp tât ta nây, gâp mra khâl lĕ ƀon Rôm.”

Kôranh Oh Mon 21:19

Jêh tâm mbah jô̆ khâl, Y-Pôl nkoch bri ăp ntil lĕ nau Brah Ndu ƀư jêh ma phung bu năch tâm nau păng pah kan.

Kôranh Oh Mon 28:14

Hên tâm mâp đah phung oh nâu ta nây; khân păng jă hên gŭ ndrel khân păng pơh nar. Pôri hên tât ta ƀon Rôm.

Samƀŭt Pôl Njuăl Ăn Ma Phung Nsing Ta Ƀon Rôm 1:12

nâm bu ntĭt gay ma he mra tâm n'hao nuih n'hâm ndrăng nơm ma nau he chroh, jêng nau chroh khân may jêh ri nau chroh gâp.

Samƀŭt Pôl Njuăl Ăn Ma Phung Nsing Ta Ƀon Rôm 11:25

Hơi oh nâu, gâp ŭch ma khân may gĭt rbăng ma nau khlay ndâp aơ, gay ma khân may mâu kơp êng săk khân may nơm jêng blau mĭn, nây jêng: Du kô̆ tâm phung Israel dăng nuih n'hâm gay tât ta rnoh phung bu năch dơi lăp rĭng jêh.

Samƀŭt Pôl Njuăl Ăn Ma Phung Nsing Ta Ƀon Rôm 7:1

Hơi phung oh nâu — gâp ngơi đah phung gĭt nau vay — khân may mâu gĭt hĕ nau vay knŏng chiă uănh bunuyh dôl păng hôm gŭ rêh dơm lĕ ƀơh?

I Kôrintô 1:10

Hơi phung oh nâu, tâm amoh Kôranh Brah he jêng Brah Yêsu Krist, gâp nkah ma lĕ rngôch khân may ăn geh du nau ngơi, gay ma tâm khân may mâu geh nau tâm nkhah, ƀiălah ăn geh nau tâm rnglăp ndrel ndrăng khân may tâm nau mĭn jêh ri du nau ntrâng.

I Kôrintô 10:1

Hơi oh nâu, gâp ŭch khân may gĭt ma lĕ rngôch phung chô yau he gŭ jêh tâm ndâr tŭk da dê; lĕ rngôch khân păng rgăn jêh dak mƀŭt;

I Kôrintô 12:1

Hơi phung oh nâu, gâp mâu ŭch ôh ma khân may mâu gĭt rbăng ma nau dơi ăn tâm nau rêh huêng.

I Kôrintô 14:20

Hơi phung oh nâu, ma nau gĭt rbăng, lơi jêng nâm bu kon se ôh; ƀiălah ma nau mhĭk, ăn jêng nâm bu kon se. Ma nau gĭt rbăng, ăn jêng nâm bu bunuyh văch ma toyh.

I Kôrintô 14:26

Hơi phung oh nâu, mâm mra ƀư? Tơlah khân may tâm rƀŭn, bunuyh geh nau mprơ kloh ueh, bunuyh geh nau ntĭm nti, bunuyh geh nau tâm mpơl, bunuyh geh nau ngơi bu năch, bunuyh geh nau gĭt rblang. Ƀư hom lĕ rngôch gay ma ndâk njêng Phung Ngih Brah Ndu.

I Kôrintô 9:2

Tơlah gâp mâu jêng kôranh oh mon ma phung êng, nđâp lah gâp ăt jêng kôranh oh mon ma khân may; yorlah khân may jêng nau mbên ma nau pah kan kôranh oh mon ma gâp tâm Kôranh Brah.

II Kôrintô 1:8

Hơi phung oh nâu, gâp mâu ŭch ôh ma khân may mâu gĭt lĕ nau rêh ni tât jêh ma hên hŏ rgăn ta n'gor Asi. Hên geh nau jâk hâu ngăn rlau ir nau nsrôih, kŏ tât mâu hôm geh nau kâp gân ma rêh ôh.

II Kôrintô 2:14

Ƀiălah lah ueh ma Brah Ndu, jêng Nơm leo bôk ƀaƀơ ma hên tâm nau hăn tâm groi ndrel ma nau dơi tâm Brah Krist; jêh ri tă bơh hên, Păng ƀư n'hôl ƀâu kah ma nau gĭt rbăng Păng ƀâu lam ntŭk.

Galati 3:15

Hơi phung oh nâu, gâp ngơi nâm kon bunuyh: Tơlah du nau tâm rnglăp hŏ ƀư, nđâp tơlah tă bơh kon bunuyh, pô ri mâu geh du huê bunuyh geh nau dơi chalơi mâu lah ntop n'hŭch lĕ.

Galati 6:18

Hơi phung oh nâu, dăn nau yô̆ bơh Kôranh Brah he jêng Brah Yêsu Krist gŭ ndrel ma huêng nuih n'hâm khân may! Amen.

Philip 1:22

Ƀiălah tơlah gâp hôm gŭ rêh tâm nglay săk nau gâp kan ăt dơi jêng play, pôri gâp mâu gĭt ôh moh nau gâp mra săch.

Philip 4:17

Nây mâu di gâp ŭch ndơ ăn ôh, ƀiălah gâp ŭch play kao ntop nau hao ma khân may.

Kôlôh 1:10

gay gŭ rêh tâm di ma Kôranh Brah, ƀư ueh nuih n'hâm Păng tâm lĕ kan, geh play tâm lĕ rngôch nau ƀư ueh, jêh ri văch ma toyh tâm nau gĭt rbăng Brah Ndu.

Kôlôh 1:6

Nau Mhe Mhan Ueh nây dôl play kao jêh ri văch ma toyh tâm lam neh ntu nâm bu ta nklang khân may, bơh nar khân may tăng jêh ri gĭt rbăng ngăn nau yô̆ Brah Ndu.

I Têsalônik 2:18

Yor ri, hên, gâp yơh, Y-Pôl, bar tơ̆ jêh ŭch hăn tât ma khân may, ƀiălah Satan hŏ buay hên.

I Têsalônik 4:13

Hơi phung oh nâu, hên mâu ŭch ôh ma khân may mâu gĭt rbăng ma nau phung bê̆ch jêh, gay ma khân may lơi rngot rvê nâm bu phung êng mâu geh nau kâp gân.

II Têsalônik 2:7

Yorlah nau dăng ndâp bơh nau tih mhĭk ntơm pah kan jêh; ƀiălah Nơm nkân păng aƀaơ aơ ăt pah kan kŏ tât nar Bunuyh bu dơi sŏk.

II Timôthê 4:17

Ƀiălah Kôranh Brah dâk êp meng gâp jêh ri ăn nau dơi ma gâp, gay gâp dơi mbơh nkoch Nau Mhe Mhan Ueh tâm nau ƀư rĭng ma lĕ rngôch phung bu năch tăng, jêh ri gâp geh nau rklaih bơh trôm mbung yau mŭr.