Samƀŭt Pôl Njuăl Ăn Ma Phung Nsing Ta Ƀon Rôm 1:11 - Nau Brah Ndu Ngơi 2023

¹¹ Yor gâp ŭch ngăn hăn chop khâl khân may, gay tâm pă nau ăn brah huêng ma khân ay may, tă bơh nĕ ri mơ khân ay may dơi nâp ktang;

Bunong Bible Latin Script Cambodian dialect

¹¹ yorlah gâp ŭch hăn a khân ay may hô ngăn, gay ma nti nau i Brah Huêng Ueh lĕ ăn ma gâp, gay ma nau nsing khân ay may ma Kôranh Brah lơ ma nâp.

Bunong

¹¹ យ៝រ​លាស​គ៝ប់​អុច​ហាន់​អា​ខាន់​អៃ​មៃ​ហោ​ងាន់ គៃ​មា​នតី​នាវ​អី​ឞ្រាស​ហ្វេង​អ្វែស​លែៈ​អ៝ន់​មា​គ៝ប់ គៃ​មា​នាវ​ញឆីង​ខាន់​អៃ​មៃ​មា​កោរាញ​ឞ្រាស​លើ​មា​ន៝ប់។

Samƀŭt Pôl Njuăl Ăn Ma Phung Nsing Ta Ƀon Rôm 1:11 Iomraidhean Croise

Nau Ntơm 31:30

Aƀaơ, yorlah may ŭch ngăn plơ̆ sĭt ma n'gor bu deh may rĭ dĭng may hăn, ƀiălah mâm ƀư may ntŭng lĕ rup brah gâp?”

II Samuel 13:39

Nôk nây, hađăch Đavit kah gĭt ma Y-Apsalôm; yorlah hađăch geh nau bonh leng jêh ma nau Y-Amnôn hŏ khĭt.

II Samuel 23:15

Y-Đavit ŭch ngăn jêh ri lah: “Ndă ma geh bunuyh ăn gâp dak nhêt tă bơh ntu dak êp kêng mpông ƀon Ƀêtlêhem!”

II Nau Rêh Jêng 20:20

Ôi taơ, khân păng kah rngăl ơm ôi jêh ri luh hăn tâm bri rdah Têkôa. Dôl khân păng luh du, Y-Jôsaphat gŭ dâk jêh ri lah: “Ơ phung Yuđa jêh ri phung gŭ tâm ƀon Yêrusalem, iăt hom gâp! Rnơm nsing hom ma Yêhôva Brah Ndu khân may, jêh ri khân may mra dơi nâp; iăt hom phung nơm mbơh lor Păng, jêh ri khân may mra dơi jêng.”

Kôranh Oh Mon 16:5

Yor nây, lĕ Phung Ngih Brah Ndu dơi nâp tâm nau chroh, jêh ri rnoh phung chroh ăp nar lơ âk lơn.

Kôranh Oh Mon 19:21

Jêh lôch nau nây, Y-Pôl mĭn ŭch hăn ta ƀon Yêrusalem, rgăn n'gor Masêđôn jêh ri n'gor Akai. Păng lah: “Tơlah gâp tât ta nây, gâp mra khâl lĕ ƀon Rôm.”

Kôranh Oh Mon 19:6

Nôk Y-Pôl pah ti ta khân păng, Brah Huêng Ueh jŭr ta khân păng; khân păng ngơi nau bu năch jêh ri nau mbơh lor.

Samƀŭt Pôl Njuăl Ăn Ma Phung Nsing Ta Ƀon Rôm 1:12

nâm bu ntĭt gay ma he mra tâm n'hao nuih n'hâm ndrăng nơm ma nau he chroh, jêng nau chroh khân may jêh ri nau chroh gâp.

Samƀŭt Pôl Njuăl Ăn Ma Phung Nsing Ta Ƀon Rôm 15:23

Ƀiălah aƀaơ tâm lĕ ntŭk aơ mâu hôm geh ôh ma gâp; rlau lơn ma nĕ, jŏ năm jêh, gâp ŭch ngăn hăn khâl khân may.

Samƀŭt Pôl Njuăl Ăn Ma Phung Nsing Ta Ƀon Rôm 15:29

Gâp gĭt tơlah gâp hăn khâl khân may, gâp mra văch hăn ndrel ma nau ueh uĭn âk ngăn bơh Brah Krist.

Samƀŭt Pôl Njuăl Ăn Ma Phung Nsing Ta Ƀon Rôm 15:32

Kơt nĕ, tơlah ueh nau mĭn Brah Ndu ŭch, gâp dơi răm maak văch ta khân may jêh ri ndrel gŭ rlu tâm nklang phung khân may.

Samƀŭt Pôl Njuăl Ăn Ma Phung Nsing Ta Ƀon Rôm 16:25

Mprơ tâm rnê Nơm geh nau dơi ƀư nâp ktang ma khân may tĭng nâm Nau Mhe Mhan Ueh gâp jêh ri ma nau nti lah ma Brah Yêsu Krist, tĭng nâm nau tâm mpơl ma nau khlay ndâp hŏ pôn ndâp jêh ntơm bơh rbăn kăl e,

II Kôrintô 1:15

Yor nau gâp rnơm nây, gâp tâm nal hăn chop khâl khân may lor, gay khân may dơn nau ueh maak bar tơ̆.

II Kôrintô 1:21

Brah Ndu yơh, Nơm hŏ ƀư ma hên jêh ri khân may dơi nâp tâm Brah Krist, mhĭng dak ƀâu kah ma hên.

II Kôrintô 11:4

Yorlah, tơlah bu văch mbơh nkoch ma khân may du huê Brah Yêsu êng ma Brah Yêsu hên mbơh nkoch jêh, mâu lah tơlah khân may sŏk dơn jêh du huêng êng đah Brah Huêng Ueh khân may sŏk dơn jêh, mâu lah tơlah sŏk dơn du nau mhe mhan ueh êng ma Nau Mhe Mhan Ueh khân may sŏk dơn jêh, pôri n'hêl nanê̆ khân may ndrăp gay dơn!

II Kôrintô 9:14

Bi khân păng mra mbơh sơm ma khân may jêh ri rŏng khân may, yorlah nau yô̆ khlay ngăn Brah Ndu ăn jêh ma khân may.

Philip 1:8

Yorlah Brah Ndu mbơh nkoch ma gâp pô aơ gâp rŏng ngăn ngên ma lĕ rngôch khân may ma nau rŏng tă bơh Brah Yêsu Krist.

Philip 2:26

Yorlah păng ŭch ngăn tâm mâp đŏng ma lĕ rngôch khân may, jêh ri rvê yor khân may tăng jêh păng geh nau ji.

Philip 4:1

Pônây, hơi phung oh nâu gâp rŏng ngăn, jêng phung mĭt jiăng jêh ri klâng rvê, jêng nau maak jêh ri đon hađăch ma gâp, gŭ nâp hom tâm Kôranh Brah!

I Têsalônik 3:13

tă bơh nĕ Păng ƀư ăn khân may geh nau nâp nuih n'hâm, nau kloh ueh, mâu geh ôh nau nduyh tanăp Brah Ndu, Mbơ̆ he, Brah Yêsu, Kôranh Brah he plơ̆ văch ndrel ma lĕ rngôch phung kloh ueh Păng!

I Têsalônik 3:2

jêh ri njuăl Y-Timôthê hăn, oh nâu he, nơm pah kan ma Brah Ndu tâm nau mbơh nkoch Nau Mhe Mhan Ueh Brah Krist, văch ma khân may gay ndâk njêng jêh ri n'hao nuih khân may tâm nau chroh,

II Têsalônik 2:17

n'hao nuih n'hâm khân may, ƀư ma khân may ăn dơi nâp tâm lĕ kan jêh ri nau ngơi ueh!

II Têsalônik 3:3

Kôranh Brah jêng răp jăp, Păng mra ƀư ma khân may ăn dăng jêh ri king n'gang khân may klaih bơh nơm djơh mhĭk.

ហេឞ្រើ 13:9

Lơi ăn lĕ nau nti êng leo khân may; yorlah nuih n'hâm tă bơh nau yô̆ geh nau nâp ktang jêng ueh, mâu di tă bơh lĕ ma ndơ sông sa ôh, nau nây mâu jêng khlay ôh ma phung bunuyh djôt prăp lĕ nau nây.

I Pêtrôs 5:10

Jêh ri lah jêh khân may dơn nau rêh ni ƀât lât, Brah Ndu ma lĕ nau yô̆, Nơm kuăl jêh khân may tât nau chrêk rmah n'ho ro tă bơh Păng tâm Yêsu Krist, Păng nơm mra njêng tay, ƀư ktang, ndâk njêng jêh ri ăn nau dăng ktang ma khân may.

I Pêtrôs 5:12

Gâp đă Y-Silvan, nơm gâp uănh nâm bu oh nâu răp jăp ngăn, nchih bar pe rplay gay n'hao nuih n'hâm jêh ri mbơh nkoch ma khân may gĭt, aơ jêng nau yô̆ ngăn bơh Brah Ndu. Gŭ nâp hom tâm nau yô̆ nây.

II Pêtrôs 1:12

Yor nĕ gâp mra nkah ƀaƀơ ma khân may ma lĕ nau aơ, nđâp lah khân may hŏ gĭt jêh jêh ri dôl gŭ nâp tâm nau ngăn khân may nơm hŏ dơn jêh.