ផីលេមោន 1:24 - Nau Brah Ndu Ngơi 2023

²⁴ Y-Markôs, Y-Aristarkus, Y-Đêmas jêh ri Y-Luk, phung pah kan ndrel ma gâp tâm ban lĕ.

Bunong Bible Latin Script Cambodian dialect

²⁴ Jêh ri nô Markôs, nô Arisđarkus, nô Đêmas, ndrel ma nô Luka bunuyh i jan kar ndrel gâp, khân păng ôp nau ueh lăng may đŏng.

Bunong

²⁴ ជេសរី​នោ​មារកោស  នោ​អើរីសដារកុស  នោ​ដេមាស  នទ្រែល​មា​នោ​លូកា  ​ឞូនុយ្ស​អី​ជាន​ការ​នទ្រែល​គ៝ប់ ខាន់​ពាង់​អោប​នាវ​អ្វែស​លាង់​មៃ​ដ៝ង់។

ផីលេមោន 1:24 Iomraidhean Croise

Kôranh Oh Mon 12:12

Nôk păng mĭn nau nây, păng hăn ta ngih H'Mari, mê̆ Y-Yôhan, ntơ amoh Y-Markôs; ta nây geh âk bunuyh gŭ rƀŭn mbơh sơm.

Kôranh Oh Mon 12:25

Lôch jêh kan bu jao, Y-Ƀarnaƀas jêh ri Y-Sôl du tă ƀon Yêrusalem plơ̆ sĭt tay ta ƀon Antiôs, njŭn leo Y-Yôhan, rnha đŏng jêng Y-Markôs.

Kôranh Oh Mon 13:13

Y-Pôl jêh ri phung băl păng jŭr ncho kumpăn ta ƀon Paphôs hăn tât ta ƀon Pergi tâm n'gor Pamphili. Ƀiălah Y-Yôhan tâm nkhah đah khân păng, plơ̆ sĭt ta ƀon Yêrusalem.

Kôranh Oh Mon 19:29

Lĕ ƀon nây geh nau uh ah; khân păng nchuăt ndrel lăp ta ngih bu mprơ, têk Y-Gaius, Y-Aristarkus, bunuyh n'gor Masêđôn, jêng phung hăn nsong ndrel ma Y-Pôl.

Kôranh Oh Mon 27:2

Hên ncho du mlâm kumpăn tă bơh Adramit bơi hăn tât lĕ ntŭk njưh kumpăn njŏ tĭng kơh dak mƀŭt n'gor Asi, jêh ri hên hăn luh. Y-Aristarkus, du huê Masêđôn, ta ƀon Têsalônik, hăn ndrel ma hên.

II Kôrintô 8:23

Bi Y-Tit, păng jêng mĭt jiăng gâp jêh ri jêng nơm tâm rnglăp đah gâp gay sâm kơl ma khân may; bi bar hê nâu ri jêng phung mbơh tâm lĕ Phung Ngih Brah Ndu, jêh ri nau chrêk rmah ma Brah Krist.

Philip 2:25

Gâp mĭn njuăl Y-Êpaphôdit plơ̆ sĭt ma khân may jêng di. Păng jêng du huê oh nâu, du huê nơm pah kan ndrel jêh ri bunuyh tâm lơh ndrel ma gâp, ăt jêng nơm mbơh jêh ri bunuyh pah kan, khân may njuăl păng gay rvê ma nau gâp ŭch.

Philip 4:3

Gâp dăn đŏng ma may, mĭt jiăng pah kan răp jăp ndrel ma gâp, kơl hom phung bu ur nây; khân păng dâk ndrel ma gâp tâm lơh yor ma Nau Mhe Mhan Ueh, ndrel ma Y-Klêmen jêh ri phung mĭt jiăng ndrel kan êng ma gâp; amoh khân păng Brah Ndu nchih jêh tâm ndrom samƀŭt nau rêh.

Kôlôh 4:10

Y-Aristarkus, băl tâm ndrung ndrel ma gâp, njuăl nau mbah jô̆ khâl ma khân may; Y-Markôs, oh nâu ndrel ma Y-Ƀarnaƀas tâm ban lĕ. Bơh Y-Markôs, khân may hŏ dơi dơn nau ntĭm jêh, tơlah Y-Markôs hăn tât ntŭk khân may, vơt rom hom păng.

Kôlôh 4:14

Y-Luk kôranh dak si, nơm gâp rŏng ngăn nđâp ma Y-Đêmas, mbah jô̆ khâl khân may.

I Pêtrôs 5:13

Phung Ngih Brah Ndu ta ƀon Babilôn, jêng phung geh nau săch tâm ban ma khân may, njuăl nau mbah jô̆ khâl khân may; kon gâp jêng Y-Markôs tâm ban lĕ.

III Yôhan 1:8

Yor nây, ăn he kơl phung bunuyh nây, gay ma he plơ̆ jêng phung pah kan ndrel ma khân păng yorlah nau ngăn.