Philip 4:9 - Nau Brah Ndu Ngơi 2023

⁹ Moh nau khân may nti jêh, dơn jêh, tăng jêh jêh ri saơ jêh tâm gâp, ƀư hom, ri mơ nau đăp mpăn Brah Ndu mra gŭ ndrel ma khân may.

Bunong Bible Latin Script Cambodian dialect

⁹ Jêh ri moh nau i khân ay may lĕ jêh nti, lĕ jêh sŏ dơn, lĕ jêh tăng, ndrel ma lĕ jêh say gâp jan, ăn khân ay may hôm jan tâng kơt i nây dô. Lah khân ay may jan kơt nây, Kôranh Brah i tơm nau đăp mpăn gŭ ndrel ta khân ay may ro.

Bunong

⁹ ជេសរី​ម៝ស​នាវ​អី​ខាន់​អៃ​មៃ​លែៈ​ជេស​នតី លែៈ​ជេស​ឆ៝ៈ​ទើន លែៈ​ជេស​តាង់ នទ្រែល​មា​លែៈ​ជេស​ឆៃ​គ៝ប់​ជាន អ៝ន់​ខាន់​អៃ​មៃ​ហោម​ជាន​តឹង​កើត​អី​នៃ​ទោ។ លាស​ខាន់​អៃ​មៃ​ជាន​កើត​នៃ កោរាញ​ឞ្រាស​អី​តើម​នាវ​ដាប់​មពាន់​គុ​នទ្រែល​តា​ខាន់​អៃ​មៃ​រ៝។

Philip 4:9 Iomraidhean Croise

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 8:10

Tâm nchră hom ndrăng khân may, ƀiălah nau nây bu ƀư rai lơi; Mpơl hom nau dăp ƀư, ƀiălah nau nây mâu mra nâp ôh, Yorlah Brah Ndu gŭ ndrel he.

Mathay 1:23

“Aơ, du huê bu ur druh mra bă ntreo, jêh ri deh du huê kon bu klâu, Jêh ri bu mra ntơ amoh kon bu klâu nây jêng Êmanuel,” nâm bu ntĭt Brah Ndu gŭ ndrel he.

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Mathay 7:21

“Mâu di ôh mbu nơm lah ma Gâp: ‘Ơ Kôranh Brah, ơ Kôranh Brah’, mra lăp tâm ƀon bri hađăch klơ trôk; ƀiălah knŏng mbu nơm ƀư tĭng nâm nau Mbơ̆ Gâp gŭ ta klơ trôk ŭch.

Luka 6:46

Mâm ƀư khân may kuăl Gâp: ‘Kôranh Brah, Kôranh Brah!’ ƀiălah mâu ƀư tĭng nâm nau Gâp lah?

Luka 8:21

Ƀiălah Păng plơ̆ lah: “Mê̆ jêh ri phung oh Gâp jêng phung bunuyh tăng jêh ri ƀư tĭng nau Brah Ndu.”

Yôhan 13:17

Lah khân may gĭt lĕ nau nây jêh ri ƀư tĭng nau nây, khân may geh nau ueh maak ngăn.

Yôhan 15:14

Lah khân may ƀư tĭng nau Gâp ntĭm nti, khân may jêng băl Gâp.

Yôhan 2:5

Mê̆ Păng lah ma phung bunuyh pah kan pô aơ: “Moh nau Păng đă khân may ƀư hom tâm ban kơt nây.”

Kôranh Oh Mon 9:6

Ƀiălah dâk hom may, lăp tâm ƀon, bu mra lah ma may lĕ nau may mra ƀư.”

Samƀŭt Pôl Njuăl Ăn Ma Phung Nsing Ta Ƀon Rôm 15:33

Mbơh sơm dăn ma Brah Ndu nau đăp mpăn gŭ ndrel lĕ rngôch khân may! Amen.

Samƀŭt Pôl Njuăl Ăn Ma Phung Nsing Ta Ƀon Rôm 16:20

Brah Ndu nau đăp mpăn mra gơnh jot Satan tâm dâng jâng khân may. Mbơh sơm dăn nau yô̆ bơh Kôranh Brah he jêng Brah Yêsu gŭ ndrel ma khân may!

I Kôrintô 10:31

Pôri, khân may sông sa mâu lah nhêt, mâu lah ƀư moh nau kan êng, ƀư hom lĕ rngôch yor ma nau chrêk rmah Brah Ndu.

I Kôrintô 14:33

Yorlah Brah Ndu mâu di jêng Brah Ndu nau uh ah ôh, ƀiălah nau đăp mpăn. Tâm ban ma lĕ Phung Ngih Brah Ndu phung kloh ueh,

I Kôrintô 4:16

Pôri, gâp vơl dăn khân may: kơt hom gâp.

II Kôrintô 13:11

Nau lôch dŭt, hơi phung oh, răm maak hom, srôih hom gay dơi geh tât nau nŭm rĭng, n'hao hom nuih n'hâm, du ai hom nau mĭn, gŭ rêh đăp mpăn hom, ri mơ Brah Ndu nau rŏng jêh ri nau đăp mpăn mra gŭ ndrel ma khân may.

Nau Vay Nkah Tay 5:1

Y-Môis kuăl rgum lĕ rngôch phung ƀon lan Israel jêh ri lah: “Hơi Israel, iăt hom, lĕ nau vay dăp jêh ri lĕ nau vay ƀư nar aơ gâp ntuh ăn khân may tăng, ăn khân may nti jêh ri blau njrăng ƀư tĭng nâm nau nây.

Philip 3:17

Hơi phung oh nâu, kơt hom ndrel gâp, jêh ri mĭn rvê tât phung bunuyh gŭ rêh tĭng nâm nau kơt khân may saơ tâm hên.

Philip 4:7

Nau đăp mpăn Brah Ndu, rlau lơn ma lĕ rngôch nau blau mĭn, mra mât mray nuih n'hâm jêh ri nau mĭn khân may tâm Brah Yêsu Krist.

I Têsalônik 1:6

Khân may hŏ tĭng kơt hên jêh ri bơh Kôranh Brah, yorlah khân may sŏk dơn nau chroh ta nklang âk nau rêh ni ma nau răm maak bơh Brah Huêng Ueh.

I Têsalônik 2:14

Hơi phung oh nâu, khân may hŏ tĭng kơt Phung Ngih Brah Ndu tâm Brah Yêsu Krist ta n'gor Yuđa, yorlah khân may dơn đŏng lĕ nau rêh ni nđâp phung ƀon lan khân may nơm nâm bu Phung Ngih Brah Ndu hŏ dơn jêh bơh phung Yuđa,

I Têsalônik 5:23

Dăn Brah Ndu ăn nau đăp mpăn ƀư ăn kloh khân may ăn nŭm. Dăn Păng prăp nuih n'hâm, huêng, jêh ri săk jăn khân may ăn ueh, mâu geh nau nduyh lah Kôranh Brah he, jêng Brah Yêsu Krist plơ̆ văch!

II Têsalônik 3:4

Tâm Kôranh Brah, hên rnơm nanê̆ pô aơ ma khân may dôl ƀư jêh ri mra ƀư lĕ nau hên ntĭm nti jêh.

II Timôthê 4:22

Dăn Kôranh Brah gŭ ndrel ma huêng may! Dăn nau yô̆ gŭ ndrel ma khân may!

Yakơ 1:22

Ƀư hom tĭng nâm nau ngơi, lơi knŏng iăt jêng tŏng gay ndơm mƀruh khân may nơm.

II Pêtrôs 1:10

Pôri, hơi oh nâu, srôih lơn đŏng gay gĭt năl ma nau kuăl jêh ri nau săch khân may nơm; ƀư nâm nđĕ khân may mâu mra chêh prah;

I Yôhan 3:22

jêh ri moh ndơ he dăn, he sŏk dơn da dê, yor he tông prăp ma lĕ nau vay Păng ntăm jêh ri ƀư nau maak ma Păng.