Philip 4:6 - Nau Brah Ndu Ngơi 2023

⁶ Lơi ta rngot rvê ma du ntil ndơ ôh, ƀiălah tâm lĕ ntil ndơ dŏng hom nau mbơh sơm, nau vơh dăn jêh ri nau lah ueh gay tâm mpơl lĕ nau khân may ŭch dăn ma Brah Ndu.

Bunong Bible Latin Script Cambodian dialect

⁶ Lơi ôh mân rvê ma du ntil ndơ, yơn ma dâng lĕ ndơ, ăn khân ay may mbơh sơm dăn Kôranh Brah. Mbơh sơm dăn ma Păng, nđâp ma lah ueh Păng đŏng.

Bunong

⁶ លើយ​អោស​មឹន​រាវៃ​មា​ទូ​នតីល​នទើ យើន​មា​ទឹង​លែៈ​នទើ អ៝ន់​ខាន់​អៃ​មៃ​មឞើស​ឆើម​ទាន់​កោរាញ​ឞ្រាស។ មឞើស​ឆើម​ទាន់​មា​ពាង់ នអ៝ប់​មា​លាស​អ្វែស​ពាង់​ដ៝ង់។

Philip 4:6 Iomraidhean Croise

I Phung Hađăch 8:28

Nđâp tơlah pônây, hơi Yêhôva jêng Brah Ndu gâp! Dăn May treng uănh ma nau mbơh sơm jêh ri nau vơl dăn oh mon May, dăn rkêng tôr iăt nau nter jêh ri nau oh mon May mbơh sơm nar aơ nhhơr tanăp măt May.

II Nau Rêh Jêng 32:20

Hađăch Hêsêkia jêh ri nơm mbơh lor Y-Êsai, kon bu klâu Y-Amôt mbơh sơm yor nau nây jêh ri vơl nđor ma klơ trôk.

Nau Mprơ Ơm 51:15

Ơ Kôranh Brah, pơk hom trôm mbung gâp Jêh ri bâr mbung gâp mra mbơh nau mprơ tâm rnê ma May.

Nau Mprơ Ơm 55:17

Mhaơ, kêng ôi jêh ri nar nklang bôk, Gâp mra nter vơh, rđêng nđor, Nanê̆ Păng mra tăng bâr gâp.

Nau Mprơ Ơm 55:22

Jao hom nau may anh jâk ma Brah Yêhôva, Păng mra kơl rdâng may; Păng mâu mra ăn phung sŏng srăng geh nau mpât n'gơ.

Nau Mprơ Ơm 62:8

Hơi phung ƀon lan, rnơm nsing hom ma Păng ƀaƀơ; Nkhŭt hom lĕ nuih n'hâm tanăp măt Păng; Yorlah Brah Ndu jêng ntŭk he nde krap. (Sêla)

Nau Hôr 15:8

Brah Yêhôva tâm rmot mpa ƀư brah bơh phung mhĭk, Ƀiălah Păng maak nau mbơh sơm bơh bunuyh sŏng.

Nau Hôr 16:3

Jao hom nau kan may ma Brah Yêhôva, Pôri moh nau may ŭch rvê mĭn mra dơi jêng.

Nau Mprơ Ueh 2:14

Hơi plŭk gâp! Ay krap ay nơm tâm nđa lŭ, kêng mpir yôk rdâk, Ăn gâp dơi uănh muh măt ay, Jêh ri tăng bâr ay ngơi; Yorlah bâr ay njŭng rah rơch, Muh măt ay ueh reh.

Yêrêmi 32:16

Lôch jao samƀŭt rvăt nây ăn ma Y-Baruk, kon bu klâu Y-Nêria, gâp mbơh sơm ma Brah Yêhôva pô aơ:

Yêrêmi 33:3

‘Kuăl mbơh sơm hom ma Gâp, Gâp mra plơ̆ lah ma may; Gâp mra mpơl ma may lĕ kan toyh jêh ri jêr, jêng lĕ kan may mâp gĭt ôh.’

Daniel 3:16

Y-Sadrak, Y-Mêsăk jêh ri Y-Abetnêgô plơ̆ lah ma hađăch: “Ơ hađăch Nêbukatnetsar, hên mâu ŭch mbơh ôh nau aơ ma may.

Daniel 6:10

Tơlah Y-Daniel gĭt hađăch nchih amoh jêh tâm samƀŭt pôri păng lăp tâm ngih, hao tâm du jrô prêh, ntŭk geh mpông bloh jê̆ rle ma ƀon Yêrusalem. Ta nây, pe tơ̆ ăp nar păng chon kômâk mbơh sơm jêh ri mprơ tâm rnê ma Brah Ndu nâm bu păng vay ƀư ntơm saơm tât aƀaơ.

Mathay 10:19

Ƀiălah tơlah nhŭp njŭn khân may, lơi rvê ôh khân may mra ngơi mâm nau, mâu lah moh nau mra lah; tâm mông nây, lĕ nau khân may ngơi mra mpơl ma khân may.

Mathay 13:22

Grăp ntil tŭp ta nklang pŭm lok jêng nơm tăng nau ngơi ƀiălah nau rvê ma rnôk aơ, nau kơnh ma nau ndrŏng ƀư ma nau ngơi in nu jêh ri mâu dơi geh play ôh.

Mathay 6:34

Pôri, lơi rvê ôh ma nar ôi taơ, yorlah nar ôi taơ mra rvê nar ôi taơ. Ăp nar mra geh nau jêr tâm ăp nar.”

Mathay 6:8

Lơi kơt ôh nâm bu khân păng, yorlah Mbơ̆ khân may gĭt jêh moh nau khân may ŭch êlor ma khân may dăn ndơ nây ma Păng.

Luka 10:41

Kôranh Brah plơ̆ lah: “Hơi H'Mathê, H'Mathê, kon rvê ir jêh ri jêng rŭng răng âk nau;

Luka 12:22

Brah Yêsu lah ma phung oh mon: “Yor ri, Gâp lah ma khân may, lơi yor nau rêh rvê ma ndơ sông sa, mâu đŏng yor săk jăn rvê ma ndơ nsoh.

Luka 12:29

Kơt nây, khân may lơi joi ndơ sông sa, ndơ nhêt, lơi đŏng rvê rlau ir.

Luka 18:1

Brah Yêsu nkoch bri du nau hôr ma phung oh mon gay ăn khân păng mbơh sơm ƀaƀơ, lơi rdja nuih n'hâm ôh.

Luka 18:7

Pônây, lĕ ƀơh Brah Ndu mâu phat dôih sŏng ma phung Păng săch, jêng phung kuăl dăn Păng măng nâm nar, jêh ri mbrĕ mbrơi kơl an khân păng?

I Kôrintô 7:21

Khân may jêng dĭk tâm nôk khân may geh nau bu kuăl ƀơh? Lơi rvê; ƀiălah tơlah khân may dơi jêng kon me, ăn may sŏk hom mông găl.

I Kôrintô 7:32

Gâp ŭch khân may mâu mĭn rvê. Bunuyh mâu sŏk ur, păng rvê nau kan ma Kôranh Brah, joi nau ƀư maak nuih n'hâm ma Kôranh Brah.

II Kôrintô 1:11

Khân may kơl hom hên tâm nau mbơh sơm, gay ma nau mbơh sơm âk bunuyh mbơh sơm ma hên geh nau yô̆; jêh ri tă bơh nây, âk bunuyh mra nhhơr nau tâm rnê lah ueh.

Êphêsô 5:20

Tâm lĕ nau kan, tâm amoh hom Kôranh Brah he Yêsu Krist ƀaƀơ gay nhhơr nau lah ueh ma Brah Ndu, jêng Mbơ̆.

Êphêsô 6:18

Dŏng ƀaƀơ nau mbơh sơm, vơh vơl, jêh ri mbơh sơm tâm Brah Huêng Ueh. Gay dơi geh nau ntrâng aơ, srôih hom, rngeh njrăng, jêh ri mbơh sơm ma lĕ rngôch phung kloh ueh.

Kôlôh 3:15

Ăn hom nau đăp mpăn bơh Brah Krist chiă uănh tâm nuih n'hâm khân may, jêng nau đăp mpăn khân may hŏ dơi kuăl tât tâm du săk jăn, jêh ri mpơl hom nuih n'hâm gĭt lah ueh.

Kôlôh 3:17

Ăp ntil nau khân may ngơi mâu lah ƀư, ƀư hom lĕ rngôch nau tâm amoh Kôranh Brah jêng Brah Yêsu, yor tă Păng he lah ueh Brah Ndu, jêng Brah Ndu Mbơ̆.

Kôlôh 4:2

Nsrôih mbơh sơm hom ma lĕ nuih n'hâm, njrăng hom tâm nôk mbơh sơm jêh ri lah ueh.

I Timôthê 2:1

Pônây, lor lơn gâp ntĭnh nkah ma may ăn mbơh sơm, vơh vơl, lah ueh jêh ri mbơh sơm kơl an ma lĕ rngôch bunuyh,

I Timôthê 5:5

Mbu nơm jêng bu ur ndrô ngăn, gŭ rêh êng du huê, dơm nau kâp gân tâm Brah Ndu, jêh ri ăn nâp nuih n'hâm măng nâm nar mbơh sơm vơl dăn ma Brah Ndu.

I Pêtrôs 4:7

Nau nglĕ dŭt lĕ rngôch ntil ndơ dăch tât jêh; pôri ăn khân may gĭt mĭn jêh ri di keh gay ma mbơh sơm.

I Pêtrôs 5:7

Jao hom lĕ nau rngot klâng khân may nơm ma Păng, yorlah Păng mât mray khân may ƀaƀơ.

I Samuel 1:15

H'Anna plơ̆ lah: “Hơi kôranh gâp, mâu di pônây! Gâp jêng du huê bu ur geh nau rngot rvê êng tâm nuih n'hâm. Gâp mâu geh nhêt ndrănh ôh mâu lah nhêt lĕ ntil ndơ ƀư nhŭl, ƀiălah gâp tâm mpơl lĕ nuih n'hâm gâp tanăp măt Brah Yêhôva.

I Samuel 30:6

Y-Đavit geh nau rêh ni ngăn yorlah bu ŭch klŭp păng ma lŭ, yorlah nuih n'hâm lĕ rngôch phung ƀon lan rngot ngăn yor mĭn ma phung kon bu klâu jêh ri kon bu ur khân păng. Ƀiălah Y-Đavit geh nau ktang bơh Yêhôva Brah Ndu păng nơm.

I Samuel 7:12

Nôk nây, Y-Samuel sŏk du mlâm lŭ dơm vah vang Mispa jêh ri Sen, ntơ amoh păng Êbenêser, yorlah păng lah: “Brah Yêhôva kơl tâm rklaih jêh he kŏ tât aƀaơ.”