Philip 4:19 - Nau Brah Ndu Ngơi 2023

¹⁹ Brah Ndu gâp mra ăn ma khân may ăp ntil ndơ khân may ŭch tĭng nâm nau Păng ndrŏng tâm nau chrêk rmah tâm Brah Yêsu Krist.

Bunong Bible Latin Script Cambodian dialect

¹⁹ Kôranh Brah i gâp yơk mbah, Păng geh nau chrêk lơp, drăp ndơ Păng mâu blao lĕ. Ndri Păng ăn dâng lĕ ndơ ma khân ay may, moh ndơ i khân ay may ŭch, i khân ay may mâu tŏng, yor ma khân ay may gŭ ndrel Brah Krist Yêsu.

Bunong

¹⁹ កោរាញ​ឞ្រាស​អី​គ៝ប់​យើក​មឞាស ពាង់​គែស​នាវ​ច្រេក​លើប ទ្រាប់​នទើ​ពាង់​មោ​ឞ្លាវ​លែៈ។ នទ្រី​ពាង់​អ៝ន់​ទឹង​លែៈ​នទើ​មា​ខាន់​អៃ​មៃ ម៝ស​នទើ​អី​ខាន់​អៃ​មៃ​អុច អី​ខាន់​អៃ​មៃ​មោ​ត៝ង់ យ៝រ​មា​ខាន់​អៃ​មៃ​គុ​នទ្រែល​ឞ្រាស​ក្រីស​យេឆូ  ។

Philip 4:19 Iomraidhean Croise

Nau Ntơm 48:15

Jêh nây păng ăn nau ueh uĭn ma Y-Yôsep: “Ơ Brah Ndu Chô yau gâp jêng Y-Abraham jêh ri Y-Isăk hŏ yơk mbah, Jêng Brah Ndu nơm mât mơh gâp Bơh nôk gâp mhe pơ deh kŏ tât nar aơ,

II Samuel 22:7

Tâm nau rêh ni, gâp kuăl mbơh sơm ma Brah Yêhôva; Gâp vơl dăn ma Brah Ndu gâp. Ta ntŭk Ngih Brah Kloh Ueh, Păng tăng bâr gâp; Bâr gâp nter tât tôr Păng.

II Nau Rêh Jêng 18:13

Ƀiălah Y-Mika plơ̆ lah: “Tĭng nâm Brah Yêhôva gŭ rêh mro mrăng! moh nau Brah Ndu gâp lah, gâp mra ngơi nau nây.”

II Nau Rêh Jêng 31:8

Lah Y-Hêsêkia jêh ri phung kôranh văch tât jêh ri uănh saơ âk mbŭch bu bun ndơ nhhơr, khân păng tâm rnê ma Brah Yêhôva jêh ri ăn nau ueh uĭn ma phung ƀon lan Israel.

Nêhêmi 5:19

“Hơi Brah Ndu gâp! Dăn ma Kôranh Brah kah gĭt lĕ rngôch nau gâp hŏ ƀư jêh ma phung ƀon lan aơ jêh ri yô̆ an ma gâp.”

Nêhêmi 9:15

Tă bơh klơ trôk Kôranh Brah ăn jêh piăng let nôk khân păng ji ngot, Ƀư ăn lŭ rdŭl dak nôk khân păng ji hir, Ntăm khân păng lăp sŏk bri Kôranh Brah hŏ ton ăn jêh ma khân păng.

Nau Mprơ Ơm 104:24

Ơ Brah Yêhôva, kan May âk ngăn ngên! May njêng jêh lĕ rngôch ma nau blau mĭn; Neh ntu bêng ma ndơ May njêng.

Nau Mprơ Ơm 130:7

Ơ phung Israel, kâp gân hom ma Brah Yêhôva Yorlah Brah Yêhôva bêng ma nuih n'hâm ueh, Jêh ri Păng ăn nau tâm rklaih rmeh ler.

Nau Mprơ Ơm 36:8

Khân păng mra hơm ma nau rmeh ler tâm ngih May; May mra ăn khân păng nhêt tă bơh dak krong ueh maak May.

Nau Mprơ Ơm 84:11

Yorlah Yêhôva Brah Ndu jêng nar jêh ri khêl; Brah Yêhôva mra ăn nau yô̆ jêh ri nau chrêk rmah; Păng mâu dun du ntil nau ueh ôh Ăn ma phung gŭ rêh nŭm rĭng.

Daniel 6:22

Brah Ndu gâp njuăl jêh tông mpăr Păng tât jêh ri rdêp lơi mbung yau mŭr yor ri khân păng mâu ƀư mhĭk ma gâp ôh, yorlah tanăp măt Păng dơi kơp gâp jêng mâu geh nau tih ôh. Ơ hađăch, tanăp măt may tâm ban lĕ gâp mâu mâp ƀư tih ôh.”

Mika 7:7

Bi ma gâp, gâp mra kâp uănh ma Brah Yêhôva, Kâp gân Brah Ndu nơm tâm rklaih gâp; Brah Ndu gâp mra tăng bâr gâp.

Malachi 3:10

Lĕ ndơ du kô̆ tâm jât, ăn khân may nhhơr ăn nŭm ta jay prăp, gay geh ndơ sa tâm ngih brah Gâp. Jêh ri ntơm bơh aƀaơ, Brah Yêhôva ma phung tahan, sŏk hom nau aơ gay rlong uănh Gâp, gĭt lah Gâp pơk mpông bloh tâm trôk, nkhŭt nau ueh lăng ma khân may âk ngăn kŏ tât mâu tŏng ntŭk khân may ma dơ!

Mathay 6:32

Yorlah lĕ rngôch ndơ nây phung bu năch tĭng joi đŏng, jêh ri Mbơ̆ khân may klơ trôk gĭt jêh moh ndơ khân may ŭch.

Yôhan 20:17

Brah Yêsu đă: “Lơi pah ta Gâp, yorlah Gâp ê hŏ hao ma Mbơ̆! Ƀiălah hăn hom tâm mâp jêh ri mbơh ma phung oh nâu Gâp, lah ma khân păng pô aơ: Gâp hao ma Mbơ̆ Gâp jêh ri Mbơ̆ khân may lĕ, nđâp ma Brah Ndu Gâp jêh ri Brah Ndu khân may lĕ.”

Yôhan 20:27

Jêh ri Brah Yêsu lah ma Y-Thômas: “Pah hom nglau ti may ta aơ jêh ri uănh mpang ti Gâp. Yơr hom mpang ti may jêh ri pah ta pŭng vĕ Gâp. Lơi ta mâu chroh, ƀiălah chroh hom!”

Samƀŭt Pôl Njuăl Ăn Ma Phung Nsing Ta Ƀon Rôm 1:8

Lor lơn, tâm Brah Yêsu Krist, gâp lah ueh ma Brah Ndu gâp yor ma lĕ rngôch khân ay may, ma nau chroh khân ay may lư n'găr lam neh ntu.

Samƀŭt Pôl Njuăl Ăn Ma Phung Nsing Ta Ƀon Rôm 11:33

Ơ! Nau ndrŏng, blau mĭn jêh ri nau gĭt rbăng Brah Ndu khlay ndâp âk ngăn! Nau Păng phat dôih, mbu nơm mâu dơi gĭt, trong Păng mbu nơm mâu dơi gĭt rbăng!

Samƀŭt Pôl Njuăl Ăn Ma Phung Nsing Ta Ƀon Rôm 2:4

Mâu lah may uănh dơm dam lĕ ma nau âk rmeh nuih n'hâm ueh, nau srôih jêh ri nau yô̆ Păng? May mâu gĭt hĕ nuih n'hâm ueh Brah Ndu njŭn leo may tâm rmal nau tih may nơm?

Samƀŭt Pôl Njuăl Ăn Ma Phung Nsing Ta Ƀon Rôm 8:18

Gâp mĭn ma lĕ nau rêh ni rnôk aơ mâu khư tâm rđĭl ma nau chrêk rmah tâm nar kăndơ̆ mra dơi tâm mpơl ma he.

Samƀŭt Pôl Njuăl Ăn Ma Phung Nsing Ta Ƀon Rôm 9:23

Tơlah Păng ŭch tâm mpơl nau ndrŏng nau chrêk rmah Păng đah lĕ yăng khư yô̆ nđach, Păng hŏ ndrăp lor ma nau chrêk rmah,

II Kôrintô 12:21

Gâp klach pô aơ, jêh aơ taơ gâp tât ma khân may, Brah Ndu mra ƀư ăn gâp đit prêng yor ma khân may, jêh ri gâp mra nhĭm ma âk phung ƀư tih jêh bơh lor ƀiălah khân păng mâu ŭch rmal nau tih ma lĕ nau ƀơ̆ ƀơch, nau văng tĭr, nau ƀai khân păng ƀư tih jêh.

II Kôrintô 4:17

Yorlah nau rêh ni hên n'gơch jêh ri ƀât lât mra djôt ma hên nau chrêk rmah toyh lơn jêh ri n'ho ro,

Êphêsô 1:18

Gâp dăn đŏng Păng sol ang măt nuih n'hâm khân may, gay ma khân may gĭt năl moh nau kâp gân tâm Kôranh Brah kuăl jêh khân may văch, mâm nau ndrŏng tâm drăp ndơn chrêk rmah Păng tâm phung kloh ueh,

Êphêsô 1:7

Yorlah tâm Brah Krist, he geh nau tâm chuai tă bơh mham Păng, geh nau yô̆ an nau tih tĭng nâm nau rmeh ler tâm nau yô̆ Păng,

Êphêsô 2:7

gay mpơl ma lĕ rnôk dăch tât gĭt năl nau rmeh ler mâu blau dŭt tâm nau yô̆ Păng, tă bơh nau ueh Păng ăn jêh ma he tâm Brah Yêsu Krist.

Êphêsô 3:16

Gâp mbơh sơm dăn Păng, tĭng nau ndrŏng ma nau chrêk rmah Păng, ăn ma khân may ktang tă bơh Brah Huêng Ueh Păng, gay bunuyh tâm trôm khân may plơ̆ jêng ktang;

Êphêsô 3:8

Nđâp tơlah gâp jêng bunuyh jê̆ lê̆ lơn tâm lĕ rngôch phung kloh ueh, nau yô̆ nây đŏng ăn ma gâp, gay mbơh nkoch ma phung bu năch nau rmeh ler mâu dơi kơp tă bơh Brah Krist,

Philip 4:7

Nau đăp mpăn Brah Ndu, rlau lơn ma lĕ rngôch nau blau mĭn, mra mât mray nuih n'hâm jêh ri nau mĭn khân may tâm Brah Yêsu Krist.

Kôlôh 1:27

Yor Brah Ndu ŭch khân may mpơl nau rmeh ler jêh ri nau chrêk rmah nau khlay ndâp nây ta nklang phung bu năch, nây jêng Brah Krist gŭ tâm khân may, jêng nau kâp gân ma nau chrêk rmah.

Kôlôh 3:16

Ăn hom nau ngơi Brah Krist rêh bêng ler tâm nuih n'hâm khân may; sŏk hom lĕ rngôch nau blau mĭn gay ntĭm nti jêh ri tâm nkah ndrăng khân may, sŏk nau mprơ ơm, nau mprơ tâm rnê Kôranh Brah nau mprơ gay mprơ ma Brah Ndu, đah nuih n'hâm lah ueh.

I Têsalônik 2:12

tâm n'hao nuih n'hâm, tâm bonh leng jêh ri vơl dăn khân may gŭ rêh tâm di đah Brah Ndu, jêng Nơm kuăl khân may lăp ƀon bri hađăch jêh ri nau chrêk rmah Păng.

I Timôthê 6:17

Nti nkah hom ma phung ndrŏng gŭ tâm neh ntu aơ lơi sưr rlau jêh ri lơi dơm nau kâp gân ma drăp ndơ mâu nanê̆, ƀiălah dơm hom nau kâp gân tâm Brah Ndu, jêng Nơm ăp nar ăn ma lĕ rngôch ndô ndơ tâm nau rmeh ler gay ma he maak sŏk dơn.

ផីលេមោន 1:4

Gâp lah ueh ma Brah Ndu gâp ƀaƀơ, ăp tơ̆ kah gĭt ma may dôl gâp mbơh sơm,

I Pêtrôs 5:1

Gâp njuăl nau ntĭnh ma phung kôranh bu ranh tâm phung khân may, yorlah gâp ăt jêng du huê kôranh bu ranh, jêng nơm mbơh nau rêh ni Brah Krist, jêh ri ăt jêng nơm mra geh kô̆ tâm nau chrêk rmah bơi tâm mpơl.

I Pêtrôs 5:10

Jêh ri lah jêh khân may dơn nau rêh ni ƀât lât, Brah Ndu ma lĕ nau yô̆, Nơm kuăl jêh khân may tât nau chrêk rmah n'ho ro tă bơh Păng tâm Yêsu Krist, Păng nơm mra njêng tay, ƀư ktang, ndâk njêng jêh ri ăn nau dăng ktang ma khân may.