Philip 3:8 - Nau Brah Ndu Ngơi 2023

⁸ Rlau ma nây, gâp uănh đŏng lĕ ntil ndơ tâm ban ma nau roh rai, yor nau gĭt năl Brah Yêsu Krist, Kôranh Brah gâp, jêng khlay lơn. Yor Păng, gâp dơn nau roh rai ma lĕ rngôch, jêh ri uănh lĕ nau nây nâm bu ndŏk, gay geh Brah Krist,

Bunong Bible Latin Script Cambodian dialect

⁸ Rlau bơh nây jât gâp kơp dâng lĕ ndơ mâu ôh hôm geh nau khlay, yor ma gĭt năl Brah Krist Yêsu i Kôranh gâp geh nau khlay dŭt hô rlau bu. Yor ma Păng gâp mƀăr dâng lĕ ndơ, gâp kơp dâng lĕ ndơ i nây tâm ban ma ndŏk dơm, gay ma gâp gŭ ndrel Brah Krist,

Bunong

⁸ រាលាវ​ឞើស​នៃ​ជឹត​គ៝ប់​កើប​ទឹង​លែៈ​នទើ​មោ​អោស​ហោម​គែស​នាវ​ខ្លៃ យ៝រ​មា​គឹត​នាល់​ឞ្រាស​ក្រីស​យេឆូ  ​អី​កោរាញ​គ៝ប់​គែស​នាវ​ខ្លៃ​ទុត​ហោ​រាលាវ​ឞូ។ យ៝រ​មា​ពាង់​គ៝ប់​មអារ់​ទឹង​លែៈ​នទើ គ៝ប់​កើប​ទឹង​លែៈ​នទើ​អី​នៃ​តឹម​ឞាន​មា​នទ៝ក់​ទើម គៃ​មា​គ៝ប់​គុ​នទ្រែល​ឞ្រាស​ក្រីស  ‌

Philip 3:8 Iomraidhean Croise

I Phung Hađăch 14:10

Yor ri, Gâp mra ăn tât nau mhĭk ma ngih Y-Jêrôbôam: Gâp mra ƀư rai lĕ rngôch bunuyh bu klâu bơh ngih nây, mâu chrê phung dĭk mâu lah bunuyh kon me tâm phung Israel, jêh ri pih kloh ngih Y-Jêrôbôam nâm bu pih kloh lĕ ek, kŏ tât mâu hôm klen tay du ntil ndơ ôh.

II Phung Hađăch 9:37

Săk jăn khĭt H'Jêsêbel mra tâm ban ma ek klơ neh tâm mir Jesrêel, kŏ tât bu mâu lah: Aơ yơh jêng H'Jêsêbel.’”

Ndrom Samƀŭt bơh Yôp 20:7

Pôri păng mra rai lôch n'ho ro nâm bu ek păng nơm đŏng; Phung hŏ saơ jêh păng mra ôp da dê: ‘Ta ntŭk păng?’

Nau Mprơ Ơm 126:6

Mbu nơm n'ho ma hăn n'ho ma nhĭm, Djôt leo ntil grăp srih, N'hêl nanê̆ mra plơ̆ sĭt ma nau răm maak, Mbăk nchăp ba khân păng nơm.

Nau Mprơ Ơm 73:25

Ta klơ trôk padih May mâu hôm geh bunuyh ôh? Bi ta neh ntu gâp mâu hôm ŭch rŏng ma bu êng rlau ma May.

Êsai 53:11

Tă bơh nau rêh ni huêng Păng, Păng mra saơ play kao jêh ri maak. Oh mon sŏng srăng Gâp mra sŏk nau gĭt rbăng păng nơm Ƀư ăn âk bunuyh dơi kơp sŏng srăng, Yorlah Păng tuy nau tih khân păng.

Malachi 2:3

“Aơ, yor khân may, Gâp mra nduyh ma noi deh khân may, jêh ri mra srih ek ta muh măt khân may, nâm bu ntĭt ek mpa ƀư brah khân may nhhơr tâm ăp nau rƀŭn; bu mra mprơh khân may du ndrel ma ek nây.

Nau Kơp Bunuyh 14:30

mâu mra dơi lăp ôh tâm n'gor Gâp hŏ ton jêh ăn ma khân may, knŏng Y-Kalep kon bu klâu Y-Jêphunê jêh ri Y-Yôsuê, kon bu klâu Y-Nun.

Luka 1:43

Mâm ƀư gâp dơi nau khlay nây, kŏ mê̆ Kôranh Brah văch khâl gâp?

Luka 11:20

Ƀiălah tơlah Gâp mprơh phung brah mhĭk tă bơh nglau ti Brah Ndu, ri mơ ƀon bri hađăch Brah Ndu hŏ tât ma khân may jêh.

Yôhan 14:20

Tâm nar nây, khân may mra gĭt ma Gâp gŭ tâm Mbơ̆ Gâp; khân may gŭ tâm Gâp, jêh ri Gâp gŭ tâm khân may.

Yôhan 14:7

Lah khân may gĭt năl Gâp, khân may mra gĭt năl Mbơ̆ Gâp tâm ban lĕ; ntơm bơh aƀaơ khân may gĭt năl jêh ri hŏ saơ jêh Păng.”

Yôhan 16:3

Khân păng mra ƀư lĕ nau nây yorlah khân păng mâu gĭt năl Mbơ̆, mâu gĭt Gâp đŏng.

Yôhan 17:3

Nau rêh n'ho ro jêng nau gĭt năl Mbơ̆ jêng Brah Ndu knŏng nguay jêh ri nau nanê̆ ngăn, ndrel Yêsu Krist jêng Nơm Mbơ̆ hŏ njuăl jêh.

Yôhan 17:8

Yorlah Kon hŏ ăn jêh ma khân păng lĕ nau ngơi Mbơ̆ hŏ ăn ma Gâp. Khân păng sŏk dơn jêh, gĭt nanê̆ Kon luh tă bơh Mbơ̆ jêh ri chroh Mbơ̆ hŏ njuăl Kon.

Yôhan 20:13

Bar hê tông mpăr ueh ôp: “Hơi bu ur nây, mpa nau ay nhĭm?” H'Mari lah: “Yorlah bu sŏk leo jêh Kôranh Brah gâp, mâu gĭt mbah ntŭk bu ăn Păng!”

Yôhan 20:28

Y-Thômas ơh pô aơ: “Ơ Kôranh Brah gâp jêh ri Brah Ndu gâp ơi!”

Kôranh Oh Mon 20:24

Ƀiălah gâp mâu kơp nau rêh gâp khlay ôh, knŏng tơlah lôch jêh nau rlong jêh ri nau pah kan gâp sŏk dơn tă bơh Kôranh Brah jêng Brah Yêsu, ăn gâp mbơh Nau Mhe Mhan Ueh ma nau yô̆ Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 8:18

Gâp mĭn ma lĕ nau rêh ni rnôk aơ mâu khư tâm rđĭl ma nau chrêk rmah tâm nar kăndơ̆ mra dơi tâm mpơl ma he.

Samƀŭt Pôl Njuăl Ăn Ma Phung Nsing Ta Ƀon Rôm 8:39

ndah jong, ndah jru, mâu lah du ntil ndơ rhăk njêng mâu dơi ôh tâm nkhah he bơh nau Brah Ndu rŏng tâm Brah Yêsu Krist, Kôranh Brah he.

I Kôrintô 2:2

Yorlah ta nklang khân may, gâp hŏ tâm nal mâu ŭch gĭt moh nau êng ôh knŏng Yêsu Krist, jêh ri Brah Yêsu Krist bu pâng ta si tâm rkăng.

I Kôrintô 9:10

Mâu lah Păng ngơi nau nây yor ma he? Di ngăn jêng yor he yơh geh nau ngơi pônây; yor nơm chuar mir, ăn chuar ma nau kâp gân, mbu nơm mprah ba, mra mprah ba ma nau kâp gân geh nau pă.

II Kôrintô 4:4

Brah tâm rnôk aơ ƀư chieh măt nau mĭn ma phung bunuyh mâu chroh, gay khân păng mâu saơ nau ang Nau Mhe Mhan Ueh chrêk rmah tâm Brah Krist, jêng rup Brah Ndu.

II Kôrintô 4:6

Yorlah Brah Ndu jêng Nơm lah pô aơ: “Ăn nau ang sol bơh nau ngo,” hŏ sol ang jêh tâm nuih n'hâm hên, ăn nau ang gay ma gĭt rbăng nau chrêk rmah Brah Ndu ta muh măt Brah Yêsu Krist.

Galati 1:16

maak nuih n'hâm mpơl Kon Păng ma gâp, gay gâp nkoch mbơh Nau Mhe Mhan Ueh ma Kon Păng ta nklang phung bu năch, pôri ƀât lât gâp mâu hôm tâm nchră đah kon bunuyh ôh.

Êphêsô 4:13

kŏ tât nôk lĕ rngôch phung he dơi geh nau tâm rnglăp tâm nau chroh jêh ri tâm nau gĭt năl Kon Brah Ndu, gay plơ̆ jêng bunuyh văch ma toyh, dơi ăn nŭm nau dăng ktang tâm ban ma Brah Krist nơm.

Philip 1:1

Y-Pôl jêh ri Y-Timôthê, oh mon Brah Yêsu Krist, nchih njuăl ma lĕ rngôch phung kloh ueh tâm Brah Yêsu Krist ta ƀon Philip ndrel ma phung kôranh chiă uănh jêh ri ma phung bunuyh kơl kan.

Philip 3:10

gay ma gâp dơi gĭt năl Păng, nau brah bơh nau Păng dâk rêh tay, dơi tâm pă nau Păng rêh ni, jêh ri plơ̆ jêng tâm ban ma Păng tâm nau păng khĭt;

Philip 3:12

Nây mâu di gâp hŏ pit sŏk jêh ôh nau nkhôm, mâu lah hŏ plơ̆ jêng ma dŭt ueh ngăn ôh, ƀiălah gâp ăt dôl nchuăt, gay dơi pit sŏk, yorlah Brah Yêsu Krist pit sŏk gâp jêh.

Philip 3:7

Ƀiălah yor Brah Krist, gâp uănh lĕ drăp ndơ geh ma gâp nơm tâm ban ma nau roh rai.

II Timôthê 4:6

Yorlah ma gâp, dôl bu nkhŭt jêh tâm ban ƀư ndơ nhhơr nhêt, nar gâp khĭt dăch jêh.

ហេឞ្រើ 3:14

Yorlah tơlah nuih n'hâm he djôt nâp nau he chroh tâm ntơm saơm kŏ tât nglĕ dŭt, he geh du kô̆ ndrel ma Brah Krist,

I Pêtrôs 2:7

Pônây, ma khân may jêng phung chroh jêh, Păng jêng khlay; ƀiălah ma phung mâu chroh, pô ri: “Lŭ phung ƀư ngih mƀăr lơi jêh, Plơ̆ jêng lŭ njônh ngih,”

II Pêtrôs 1:2

Dăn nau yô̆ jêh ri nau đăp mpăn bêng ler tâm khân may tă bơh nau gĭt năl Brah Ndu jêh ri Brah Krist, Kôranh Brah he!

II Pêtrôs 1:3

Nau brah Brah Ndu ăn jêh ma he lĕ rngôch nau tât ma nau rêh jêh ri ma nau blau yơk, tă bơh nau gĭt năl Păng jêng Nơm kuăl jêh he ma nau chrêk rmah jêh ri nau ueh Păng nơm.

II Pêtrôs 1:8

Yorlah tơlah khân may geh lĕ nau aơ jêh ri geh rmeh ler, khân may mâu mra klach khân may nơm gŭ dơm dam mâu lah mâu geh play tâm nau gĭt năl ma Kôranh Brah he jêng Brah Yêsu Krist.

II Pêtrôs 3:18

Ƀiălah ăn khân may văch ma toyh tâm nau yô̆ jêh ri nau gĭt rbăng Kôranh Brah jêh ri Nơm Tâm Rklaih he jêng Brah Yêsu Krist. Mbơh sơm dăn nau chrêk rmah jêng ndơ Păng, ntơm aƀaơ ma tât n'ho ro! Amen.

I Yôhan 1:3

Hên sŏk nau hên saơ jêh, tăng jêh mbơh ma khân may, gay ma khân may dơi geh nau tâm rnglăp ndrel ma hên; jêh ri hên ăt geh nau tâm rnglăp đah Brah Ndu Mbơ̆, jêh ri đah Kon Păng jêng Brah Yêsu Krist.

I Yôhan 2:19

Khân păng du luh jêh tă bơh nklang phung he, ƀiălah khân păng mâu jêng phung he ôh. Yorlah tơlah khân păng jêng phung he, khân păng mra gŭ ndrel ma he; nau aơ tât jêh gay tâm mpơl rah vah ma lĕ rngôch khân păng mâu jêng phung he ôh.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.