Philip 3:19 - Nau Brah Ndu Ngơi 2023

¹⁹ Nau nglĕ dŭt khân păng jêng nau rai roh. Khân păng sŏk ndŭl khân păng nơm jêng kôranh brah khân păng nơm, sŏk nau đit prêng jêng nau chrêk rmah, jêh ri knŏng mĭn ma lĕ nau kan tâm neh ntu.

Bunong Bible Latin Script Cambodian dialect

¹⁹ Tât nar n'glĕ dŭt tay dâng lĕ khân păng i nây khât roh hêng, khân păng gĭt ma ndơ i săk jăn khân păng ŭch dơm, tâm ban ma yơk mbah ma săk khân păng nơm, khân păng sŏ ndơ i đit prêng ma n'hi êng săk, jêh ri khân păng pơh ma rvê ma ndơ ta neh ntu dja dơm.

Bunong

¹⁹ ត៝ត់​នារ​ងគ្លែៈ​ទុត​តៃ​ទឹង​លែៈ​ខាន់​ពាង់​អី​នៃ​ខឹត​រ៝ស​ហេង ខាន់​ពាង់​គឹត​មា​នទើ​អី​ឆាក់​ជាន់​ខាន់​ពាង់​អុច​ទើម តឹម​ឞាន​មា​យើក​មឞាស​មា​ឆាក់​ខាន់​ពាង់​នើម ខាន់​ពាង់​ឆ៝ៈ​នទើ​អី​ដីត​ព្រេង​មា​នហី​អេង​ឆាក់ ជេសរី​ខាន់​ពាង់​ពើស​មា​រាវៃ​មា​នទើ​តា​នែស​នតូ​អ្យា​ទើម។

Philip 3:19 Iomraidhean Croise

Nau Mprơ Ơm 17:14

Ơ Brah Yêhôva, dŏng ti May rklaih an gâp tă bơh phung bunuyh neh ntu, Jêng phung khân păng knŏng geh tâm rnôk aơ. May ăn ndŭl khân păng bêng ler lĕ drăp ndơ May ăn prăp ma khân păng; Phung kon khân păng dơi rmeh ler tâm ban lĕ Jêh ri kŏ hôm e rmeh ăn ma phung sau khân păng.

Nau Mprơ Ơm 52:1

Hơi bunuyh janh ktang, mâm ƀư may ntưih êng ma nau janh? Nau ueh Brah Ndu hôm mro mrăng.

Yêrêmi 44:17

Ƀiălah, hên mra ƀư nŭm lĕ nau hŏ ton jêh luh bơh ma mbung hên, mra nhhơr ndơ ƀâu kah jêh ri ƀư nau ndơ nhhơr nhêt ma hađăch bu ur tâm trôk, nâm bu hên jêh ri phung chô yau hên, phung hađăch jêh ri phung kôranh hên hŏ ƀư jêh tâm ƀon n'gor Yuđa jêh ri n'gŏ trong toyh ƀon Yêrusalem. Nôk nây, hên hŏ geh ndơ sông sa âk rmeh, gŭ rêh geh nau chăt hao, mâu geh nau mhĭk tât ôh.

Êsêkiêl 13:19

Khân may ƀư bêk jêh Gâp ta nklang phung ƀon lan Gâp yor lĕ mbăt ba ôrgơ jêh ri lĕ rlat piăng let. Khân may ndơm phung ƀon lan Gâp jêng phung ŭch iăt lĕ nau mƀruh nây gay ŭch nkhĭt bunuyh mâu khư đah nau khĭt ôh jêh ri om rêh phung mâu khư ma nau rêh ôh.’

Êsêkiêl 34:3

Khân may sa glo dak toh, nsoh rsau biăp, nkhĭt phung biăp lay ƀiălah khân may mâu ăn phung biăp sa!

Ndrom Samƀŭt bơh Ôsê 4:7

Khân păng lơ hâu bĭk rơ̆ Lơ hâu ƀư tih tâm rdâng đah Gâp âk lơn; Gâp mra tâm rgâl nau chrêk lơp khân păng jêng nau bêk prêng.

Mika 3:11

Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Mika 3:5

Aơ jêng nau Brah Yêhôva lah ma phung nơm mbơh lor Jêng phung ƀư vĭ nhhơt trong ma phung ƀon lan Gâp; Tơlah geh mbu ăn khân păng sa Pôri khân păng mbơh pô aơ: “Đăp mpăn!” Bi tơlah mbu mâu ăn moh ndơ lăp tâm mbung khân păng Pôri khân păng ndrăp nkra nau tâm lơh đah nơm mâu ăn ndơ sa.

Malachi 1:12

Ƀiălah khân may ƀư rngot amoh Gâp nôk khân may ngơi pô aơ: “Nơng ƀư brah Brah Yêhôva jêng ƀơ̆ ƀơch, ndơ sa ta klơ păng jêng di ma nau mưch rmot.”

Mathay 16:23

Ƀiălah Brah Yêsu rle măt uănh ta Y-Pêtrôs jêh ri lah: “Hơi Satan, rŭch plơ̆ hom pakơi Gâp! May ŭch ƀư tŭp Gâp; yorlah may mâu mĭn ma kan Brah Ndu, ƀiălah knŏng mĭn ma kan kon bunuyh.”

Mathay 25:41

Jêh nĕ, Păng lah ma phung bunuyh mpeh pa chiau pô aơ: ‘Hơi phung bu rak rtăp jêh, du hom tă bơh Gâp, hăn tâm ŭnh n'ho ro hŏ ndrăp nkra jêh ma kôranh brah mhĭk jêh ri ma phung brah mhĭk oh mon păng.

Luka 12:19

Gâp mra lah ma huêng gâp pô aơ: Hơi huêng gâp, may geh âk drăp ndơ prăp jêh âk năm jêh. Gŭ rlu hom, sông sa nhêt, jêh ri răm maak hom.’

Luka 16:19

“Geh jêh du huê bunuyh ndrŏng nsoh ao chăng krăk jêh ri ao bok mhay rhên, ăp nar nhêt sa răm maak ngăn.

Luka 18:4

Kôranh phat dôih dun du mông nar. Ƀiălah pakơi nây, păng mĭn êng: ‘Nđâp tơlah gâp mâu klach Brah Ndu mâu đŏng chrê ma bu,

Samƀŭt Pôl Njuăl Ăn Ma Phung Nsing Ta Ƀon Rôm 16:18

Yorlah phung pônây mâu pah kan ma Brah Krist, Kôranh Brah he ôh, ƀiălah pah kan ma ndŭl khân păng nơm; khân păng sŏk nau ngơi ueh, ngơi rnê gay ma ndơm mƀruh lĕ nuih n'hâm phung sŏng.

Samƀŭt Pôl Njuăl Ăn Ma Phung Nsing Ta Ƀon Rôm 6:21

Nôk nây moh play aƀaơ aơ khân may geh nau bêk prêng? Play ƀư prêng khân ay may aƀaơ! Nau nglĕ dŭt lĕ nau nây jêng nau khĭt.

I Kôrintô 3:3

yorlah khân may ăt hôm jêng phung nglay săk. Yorlah tâm phung khân may hôm geh nau mâu nach, nau tâm jin; tâm ban pônây, mâu di hĕ khân may jêng phung nglay săk jêh ri gŭ ngao tâm ban ma bunuyh ta neh ntu hĕ?

I Kôrintô 5:2

Jêh ri khân may bêng ma nau sưr! Ueh lơn khân may nhĭm nhhiăng jêh ri nsot lơi nơm ƀư nau nây luh bơh khân may.

I Kôrintô 5:6

Nau khân may sưr rlau mâu geh nau ueh ôh. Khân may mâu gĭt hĕ ndrui djê̆ lê̆ dơi ƀư ră mbŭch rnih?

II Kôrintô 11:12

Ƀiălah nau gâp ƀư, gâp mra ƀư pônây, gay buay lơi nau tâm rlăch tă bơh phung vay joi nau tâm rlăch, pôri mơ bu saơ khân păng jêng tâm ban ma hên.

II Kôrintô 11:15

Yor ri, phung oh mon păng nklă jêng oh mon nau sŏng srăng, pôri mâu geh hih rhâl ôh. Nau lôch khân păng mra dơn play mhĭk tĭng nâm kan khân păng hŏ ƀư.

Galati 6:13

Yorlah phung nây dơn nau koh ntâu jêh ƀiălah mâu djôt prăp nau vay ôh, ƀiălah khân păng ŭch ma khân may dơn nau koh ntâu gay ngơi hưn ma tâm nglay săk khân may.

Philip 2:21

Lĕ rngôch knŏng mĭn rvê ma nau khlay êng khân păng nơm, mâu di mĭn rvê ma nau khlay Brah Yêsu Krist ôh.

Kôlôh 3:2

Rvê mĭn hom lĕ ndơ klơ trôk, lơi mĭn rvê ôh lĕ ndơ tâm neh ntu,

II Têsalônik 1:9

Khân păng mra geh nau tâm rmal roh rai n'ho ro, tâm nkhah bơh muh măt Kôranh Brah jêh ri bơh nau chrêk rmah nau brah Păng

II Têsalônik 2:12

gay ma lĕ rngôch bunuyh mâu chroh ma nau ngăn, ƀiălah ŭch rŏng ma nau djơh mhĭk mra dơn nau tâm rmal.

II Têsalônik 2:8

Rnôk nây phung djơh mhĭk mra tâm mpơl, jêh ri Kôranh Brah jêng Brah Yêsu mra nkhĭt ăn khĭt păng ma n'hâm bơh trôm mbung Păng, ƀư rai păng ma nau chrêk rmah nôk Păng plơ̆ văch.

I Timôthê 6:5

nau tâm djrel mro mrăng ta nklang phung bunuyh geh nau mĭn mhĭk, lơh roh nau ngăn, uănh nau klach yơk tâm ban nau gay ma sŏk drăp nkhôm.

II Timôthê 3:4

ƀlăch ƀlêr, gơnh nuih, bêng ma nau sưr, ŭch ma nau pâl maak rlau lơn ma rŏng Brah Ndu,

Yakơ 4:16

Ƀiălah aƀaơ khân may sưr rlau ngơi nklă! Lĕ rngôch nau sưr kơt nĕ jêng mhĭk.

II Pêtrôs 2:1

Ƀiălah geh jêh âk phung mbơh lor nklă mpơl tâm phung ƀon lan, jêh ri mra geh đŏng kôranh nti nklă tâm khân may; khân păng mra mbơh nkoch ndâp lĕ nau chroh nklă blau hâu ngăn, dun ma Kôranh Brah jêng Nơm tâm chuai jêh khân păn nơm, sŏk dơn nau ƀư rai gơnh ro ma khân păng nơm.

II Pêtrôs 2:13

jêh ri sŏk dơn prăk nkhôm ma nau mâu di khân păng nơm. Khân păng uănh nau nhêt sa blă blơ dôl nôk nar jêng nau pâl maak. Khân păng jêng mbên ƀơ̆, têl ƀơ̆ ƀơch, hâk răm tâm âk nau ndơm mƀruh dôl gŭ sông sa nhêt ndrel ma khân may;

II Pêtrôs 2:3

Yorlah nuih n'hâm kơnh ir, khân păng dŏng lĕ nau ngơi mƀruh nchơt gay sŏk drăp nkhôm bơh khân may; nau phat dôih prăp ma khân păng ntơm bơh jŏ nar jêh ăt hôm khlay, jêh ri nau rai lôch prăp ma khân păng mâu gŭ rlu.

Yuđas 1:10

Ƀiălah phung aơ ngơi djơh tât ma lĕ nau khân păng mâu gĭt rbăng, bi lĕ nau khân păng gĭt ma nau nglay săk ŭch nâm bu mpô mpa bri mâu geh nau gĭt rbăng, pôri khân păng dŏng gay ƀư rai roh khân păng nơm.

Yuđas 1:16

Khân păng jêng phung vay ngơi ƀŭk dŭk suyh, nduyh lah bu, ƀư tĭng lĕ nau kơnh ŭch khân păng nơm, trôm mbung ngơi âk nau sưr êng păng nơm, tâm rnê rlau keh ma bu gay sŏk drăp nkhôm.

Yuđas 1:4

Yorlah geh ƀaƀă phung bunuyh mŭt ntŭng tâm nklang khân may, jêng phung kăl e hŏ tâm nal ma nau phat dôih, jêng phung mâu klach yơk, phung rgâl nau yô̆ Brah Ndu he jêng nau dơi ƀư tih, dun ma Nơm Chiă Uănh knŏng nguay jêh ri Kôranh Brah he jêng Brah Yêsu Krist.

Nau Tâm Mpơl 18:7

Păng tâm rnê êng ma păng nơm jêh ri gŭ rêh dŭt ndrŏng dŭt maak, Ri mơ ƀư hom ma păng dơn nau rêh ni jêh ri nau klâng ndrê kơt nây đŏng. Yorlah păng lah tâm nuih n'hâm pô aơ: ‘Gâp gŭ jêh tâm ban ma hađăch bu ur! Gâp mâu di jêng bu ur ndrô, Gâp mâu mra geh nau klâng rvê ôh.’

Nau Tâm Mpơl 19:20

Ƀiălah bu nhŭp jêh mpô mpa dŭt janh nây jêh ri nơm mbơh lor nklă — nơm ƀư jêh lĕ nau mbên khlay tanăp mpô mpa, gay ndơm mƀruh ma phung bunuyh dơn jêh nau mbên tă bơh mpô mpa jêh ri phung bunuyh yơk mbah ma rup păng — bu nhŭp đŏng. Lĕ bar hê khân păng bu mƀăr rêh jŭr tâm nglao ŭnh mô ŭnh dôl hit.

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.

I Samuel 2:29

Mâm ƀư khân may mưch rmot lĕ mpa ƀư brah jêh ri lĕ ndơ nhhơr Gâp hŏ ntăm jêh nhhơr ma Gâp mro mrăng? May yơk ma phung kon bu klâu may rlau lơn ma Gâp, jêh ri khân may mât rong khân may ăn lay ma lĕ ndơ nhhơr dŭt ueh tă bơh phung Israel, jêng phung ƀon lan Gâp!’