Philip 3:1 - Nau Brah Ndu Ngơi 2023

¹ Nau nglĕ dŭt, hơi phung oh nâu gâp, maak hom tâm Kôranh Brah! Gâp mâu klach rkê̆ch tay lĕ nau nây ma khân may, yor nây jêng nau đăp mpăn ma khân may.

Bunong Bible Latin Script Cambodian dialect

¹ Ơ oh nô ta nau nsing, geh du nau jât, ăn khân ay may răm maak dô yor ma ndơ Kôranh Yêsu lĕ jan ma khân ay may. Gâp mâu dâl ôh nchih du tơ̆ jât nau i gâp lĕ nchih jêh ăn ma khân ay may a lor nơh. Gâp nchih kơt nđa gay ma ăn khân ay may nsing nâp.

Bunong

¹ អើ​អ៝ស​នោ​តា​នាវ​ញឆីង គែស​ទូ​នាវ​ជឹត អ៝ន់​ខាន់​អៃ​មៃ​រាម់​មអាក​ទោ​យ៝រ​មា​នទើ​កោរាញ​យេឆូ  ​លែៈ​ជាន​មា​ខាន់​អៃ​មៃ។ គ៝ប់​មោ​ទឹល​អោស​ញចីស​ទូ​តឹ​ជឹត​នាវ​អី​គ៝ប់​លែៈ​ញចីស​ជេស​អ៝ន់​មា​ខាន់​អៃ​មៃ​អា​ល៝រ​នើស។ គ៝ប់​ញចីស​កើត​នអា​គៃ​មា​អ៝ន់​ខាន់​អៃ​មៃ​ញឆីង​ន៝ប់។

Philip 3:1 Iomraidhean Croise

I Nau Rêh Jêng 15:28

Pôri, lĕ rngôch Israel njŭn leo Hip Nau Tâm Rnglăp Brah Yêhôva ma nau troh nter, ma bâr nŭng, bâr rgu dang nteh ăn huy ngăn nđâp ma bâr gong rêng jêh ri gong rêng loih.

I Nau Rêh Jêng 16:10

Tâm rnê hom ma amoh kloh ueh Păng; Ăn nuih n'hâm phung joi Brah Yêhôva, răm maak hom!

I Nau Rêh Jêng 29:22

Tâm nar nây, khân păng sông sa nhêt sa răm maak ngăn tanăp Brah Yêhôva. Tơ̆ rơh bar, khân păng n'hao ăn kon bu klâu Y-Đavit jêng Y-Salômôn hao ƀư hađăch. Khân păng sŏk amoh Brah Yêhôva gay tŏ dak ƀâu kah ma Y-Salômôn ƀư hađăch jêh ri ăn Y-Sadôk jêng kôranh ƀư brah.

Nêhêmi 8:10

Y-Nêhêmi lah ma khân păng: “Hăn hom sa ndơ rmŏng-ngi, nhêt dak njŭng jêh ri njuăl du kô̆ ndơ nây ma nơm bu mâu geh nkra ôh; yorlah nar aơ jêng nar prăp êng kloh ueh ma Kôranh Brah he. Lơi ta rngot klâng ôh, yorlah nau răm maak bơh Brah Yêhôva jêng nau ktang khân may.”

Ndrom Samƀŭt bơh Yôp 22:26

Rnôk nây may mra hâk răm tâm Nơm Geh Lĕ Nau Brah, Jêh ri n'gơr muh măt may uănh Brah Ndu.

Nau Mprơ Ơm 149:2

Ăn phung Israel răm maak tâm Nơm rhăk njêng jêh khân păng; Ăn phung kon ƀon Siôn răm maak tâm Hađăch khân păng.

Nau Mprơ Ơm 32:11

Hơi phung sŏng srăng, răm rhơn hom jêh ri hâk maak tâm Brah Yêhôva! Hơi lĕ rngôch mbu geh nuih n'hâm sŏng, nter maak hom!

Nau Mprơ Ơm 33:1

Ơ phung sŏng srăng, maak hom tâm Brah Yêhôva! Nau tâm rnê ma Kôranh Brah di ma phung bunuyh sŏng.

Nau Mprơ Ơm 37:4

Maak hom tâm Brah Yêhôva Pôri Păng mra ăn ma may nau nuih n'hâm may ŭch.

Nau Mprơ Ơm 42:4

Kăl e gâp hăn ndrel ma băl âk, Leo khân păng tât ta ngih Brah Ndu Geh bâr troh maak jêh ri mprơ tâm rnê, Ta nklang băl âk gŭ tâm rƀŭn. Aƀaơ kah gĭt lĕ nau nây Nuih n'hâm gâp rngot klâng, nuih n'hâm rngot ngăn ngên.

Nau Mprơ Ơm 5:11

Ăn ma lĕ rngôch phung rnơm nơm ma Kôranh Brah dơi gŭ maak, Troh bâr răm maak ƀaƀơ, Yorlah Kôranh Brah king n'gang lĕ bunuyh nây. Bunuyh rŏng ma amoh Kôranh Brah mra geh nau răm maak đŏng tâm May.

Nau Mprơ Ơm 97:1

Nau Brah Yêhôva chiă uănh! Ơ neh ntu, hâk maak hom! Ơ lĕ rngôch gôl dak mƀŭt, maak răm hom!

Êsai 41:16

May mra mpruh khân păng, jêh ri sial mra khôm khân păng, Trôm sial vănh blông mra ƀư khân păng nchah rai pru pra. Ƀiălah may mra maak tâm Brah Yêhôva, Jêh ri may mra rnê êng tâm Nơm Kloh Ueh Israel.

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Êsai 65:14

Aơ, phung oh mon Gâp mra mprơ yor nuih n'hâm maak, Bi khân may mra nter vơl yor nuih n'hâm bêng ma nau rngot, Jêh ri mra nhĭm nhhiăng yor huêng khân may rai yot.

Yôel 2:23

Hơi phung kon ƀon Siôn, maak răm rhơn hom Tâm Yêhôva Brah Ndu khân may! Yorlah Păng ăn dak mih tŭp yan bôk rah tâm di ăn ma khân may; Nkhŭt dak mih yan bôk rah jêh dak mih kêng dŭt yan Jŭr ăn ma khân may nâm bu saơm.

Sôphôni 3:14

Hơi kon bu ur Siôn, mprơ huy hom! Hơi Israel, nter bâr ngơi huy! Hơi kon bu ur ƀon Yêrusalem, Răm rhơn hom ma lĕ nuih n'hâm!

Sôphôni 3:17

Yêhôva Brah Ndu may gŭ ta nklang may, Păng jêng Nơm geh nau brah mra tâm rklaih may; Păng mra rhơn răm ngăn yor ma may, Yor nuih n'hâm rŏng, Păng mra gŭ rklăk, Jêh ri yor ma may, Păng mra mprơ ma nau rhơn răm.”

Sakari 10:7

Phung Êphraim mra jêng nâm bu phung geh nau janh, Nuih n'hâm khân păng hâk răm nâm bu nôk nhŭl ndrănh; Phung kon khân păng mra saơ nau nây jêh ri răm maak, Nuih n'hâm khân păng mra maak tâm Brah Yêhôva.

Mathay 5:12

Maak răm hom, yorlah nau nkhôm ma khân may ta klơ trôk jêng toyh ngăn; yorlah nơm mbơh lor kăl e khân may bu hŏ ƀư mhĭk kơt nây.”

Luka 1:47

Huêng nuih n'hâm gâp răm rhơn tâm Brah Ndu jêng Nơm Tâm Rklaih gâp,

Samƀŭt Pôl Njuăl Ăn Ma Phung Nsing Ta Ƀon Rôm 5:11

Mâu knŏng kơt nây dơm, he hôm răm maak tâm Brah Ndu yor Kôranh Brah he jêng Brah Yêsu Krist, yor Păng yơh aƀaơ aơ he geh nau tâm rnglăp đah Brah Ndu.

II Kôrintô 13:11

Nau lôch dŭt, hơi phung oh, răm maak hom, srôih hom gay dơi geh tât nau nŭm rĭng, n'hao hom nuih n'hâm, du ai hom nau mĭn, gŭ rêh đăp mpăn hom, ri mơ Brah Ndu nau rŏng jêh ri nau đăp mpăn mra gŭ ndrel ma khân may.

Êphêsô 6:10

Nglĕ dŭt, ăn khân may ktang tâm Kôranh Brah jêh ri rnơm ma nau ktang brah Păng.

Nau Vay Nkah Tay 12:18

Ƀiălah ăn khân may sa lĕ ndơ nây tanăp Yêhôva Brah Ndu ta ntŭk Păng lĕ săch, nđâp ma kon bu klâu, kon bu ur, nơm kơl kan bu klâu jêh ri nơm kơl bu ur jêh ri phung Lêvi gŭ tâm ƀon toyh khân may, jêh ri khân may mra hâk răm tanăp Yêhôva Brah Ndu tâm lĕ nau kan khân may hŏ ƀư jêh.

Nau Vay Nkah Tay 16:11

Ăn khân may nđâp ma phung kon bu klâu, kon bu ur, nơm kơl kan bu klâu jêh ri bu ur khân may, phung Lêvi gŭ tâm ƀon khân may, bu năch, kon đơi, jêh ri bu ur ndrô gŭ ta nklang khân may, răm maak hom văch rƀŭn ta ntŭk Yêhôva Brah Ndu mra săch gay ăn amoh Păng gŭ ta nây.

Philip 3:3

Yorlah he yơh jêng phung koh ntâu ngăn, phung bunuyh pah kan ma Brah Ndu tă bơh ma Brah Huêng Ueh, khư tâm Brah Yêsu Krist, jêh ri mâu mâp rnơm nsing ma nglay săk ôh.

Philip 4:4

Răm maak mro hom tâm Kôranh Brah, gâp lah tay đŏng: Răm maak hom!

Philip 4:8

Nau nglĕ dŭt, hơi oh nâu, moh ntil jêng nau nanê̆ ngăn, moh ntil jêng nau khư yơk, moh ntil jêng nau sŏng srăng, moh ntil jêng nau kloh rsang, moh ntil jêng nau khư rŏng, moh ntil jêng nau khư tâm rnê, lah nsum jêng moh ntil jêng nau mĭn ueh, nau khư tâm rnê, ăn khân may mĭn ma lĕ nau nây.

I Têsalônik 4:1

Dăch dŭt, hơi phung oh nâu, tâm Kôranh Brah jêng Brah Yêsu, hên vơh vơl jêh ri ntrôl khân may pô aơ nâm bu khân may hŏ nti jêh bơh hên ăn gŭ rêh ƀư maak nuih n'hâm Brah Ndu, jêh ri khân may dôl gŭ rêh tâm ban kơt nĕ, pô ri gŭ rêh hom lơ nar lơ ueh lơn.

I Têsalônik 5:16

Răm maak hom mro mrăng,

Yakơ 1:2

Hơi phung oh nâu gâp, ăn khân may kơp ma nau rlong uănh ăp ntil tât ma khân may tâm ban ma nau răm maak da dê,

I Pêtrôs 3:8

Nglĕ dŭt, ăn lĕ rngôch khân may geh nuih n'hâm jêng nguay, blau yô̆, rŏng oh nâu tâm Kôranh Brah, geh nuih n'hâm ueh jêh ri nuih n'hâm dêh rhêt.

I Pêtrôs 4:13

Ƀiălah ndah âk khân may geh kô̆ tâm nau rêh ni ndrel ma Brah Krist, răm maak dŭm nây; gay ma tơlah nau chrêk rmah Păng tâm mpơl, khân may geh đŏng nau răm maak, nau hâk răm ngăn.

II Pêtrôs 3:1

Hơi phung gâp rŏng, aơ jêng samƀŭt rơh bar gâp nchih ma khân may. Tâm lĕ bar samƀŭt, gâp nkah gay ŭch rlay tâm khân may geh du nau mĭn sŏng,

I Samuel 2:1

Rnôk nây H'Anna mbơh sơm: “Nuih n'hâm gâp hâk răm ngăn tâm Brah Yêhôva, Tă bơh Brah Yêhôva, n'hâm suan gâp dăng ktang. Trôm mbung gâp gơm mưch ma phung rlăng gâp; Yorlah nau May tâm rklaih ƀư ma gâp răm rhơn.