Philip 2:7 - Nau Brah Ndu Ngơi 2023

⁷ Păng hŏ chalơi Păng nơm, Djôt rup oh mon, Jêh ri plơ̆ jêng tâm ban ma kon bunuyh.

Bunong Bible Latin Script Cambodian dialect

⁷ Yơn ma Păng mƀăr lơi nau i nây, Jêh ri jêng tâm ban ma dâk bu, Păng deh jêng bunuyh. Lĕ jêng bunuyh ngăn

Bunong

⁷ យើន​មា​ពាង់​មអារ់​លើយ​នាវ​អី​នៃ‌ ជេសរី​ជេង​តឹម​ឞាន​មា​ទឹក​ឞូ‌ ពាង់​ទែស​ជេង​ឞូនុយ្ស។ លែៈ​ជេង​ឞូនុយ្ស​ងាន់

Philip 2:7 Iomraidhean Croise

Nau Mprơ Ơm 22:6

Ƀiălah gâp jêng du mlâm ndrŭng mâu di du huê bunuyh ôh. Kon bunuyh ƀư bêk, lĕ rngôch bunuyh mưch rmot.

Êsai 42:1

Aơ jêng oh mon Gâp, Nơm Gâp kâp kơl, Jêng Nơm Gâp hŏ săch jêh, jêh ri tâm Păng huêng Gâp geh nau maak. Gâp hŏ dơm jêh Brah Huêng Gâp ta klơ Păng, Jêh ri Păng mra mpơl nau sŏng ma lĕ bri dak.

Êsai 49:3

Păng lah ma gâp: “Ơ Israel, may jêng oh mon Gâp, Gâp mra geh nau tâm rnê tă bơh may.”

Êsai 53:11

Tă bơh nau rêh ni huêng Păng, Păng mra saơ play kao jêh ri maak. Oh mon sŏng srăng Gâp mra sŏk nau gĭt rbăng păng nơm Ƀư ăn âk bunuyh dơi kơp sŏng srăng, Yorlah Păng tuy nau tih khân păng.

Daniel 9:26

Jêh tăch prao jât ma bar năng pơh nây, bu mra nkhĭt lơi Nơm Dơn Tŏ Dak Ƀâu Kah jêh ri mâu mra geh ndơ ôh. Phung tahan du huê kôranh tât pakơi mra ƀư rai lơi ƀon jêh ri ngih brah. Nau dăch dŭt mra tât nâm bu dak lip. Kêng dŭt mra geh tât nau tâm lơh, nau rngol hŏ nal jêh.

Sakari 3:8

Hơi Y-Yôsuê, kôranh ƀư brah toyh lơn, may jêh ri nđâp phung mĭt jiăng gŭ panăp măt may, iăt hom! Yorlah lĕ phung aơ jêng nau ntĭt ma nau mra tât pô aơ Gâp mra ăn ma phung oh mon Gâp jêng Nkeh Nse văch mpơl.

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Mathay 12:18

“Aơ jêng oh mon Gâp săch jêh, Nơm Gâp rŏng ngăn ngên, tâm Păng Gâp geh nau maak ngăn. Gâp mra ăn Brah Huêng Ueh Gâp gŭ ta Păng, Păng mra nkoch mbơh nau di ma phung bu năch.

Mathay 20:28

Nđâp ma Kon Bunuyh văch jêh mâu di gay bu pah kan, ƀiălah gay pah kan, jêh ri nhhơr nau rêh Păng nơm jêng rnoh chuai ma âk bunuyh.”

Markôs 9:12

Păng plơ̆ lah: “Nanê̆ Y-Êli mra văch lor gay njêng tay lĕ rngôch nau. Mâm nau bu nchih ma Kon Bunuyh pô aơ Păng mra dơn âk nau rêh ni jêh ri bu ƀư nau mhĭk?

Luka 22:27

Yorlah tâm nơm gŭ ta sưng sông ndrel ma bunuyh pah kan, mbu nơm jêng toyh lơn? Di lĕ nơm gŭ ta sưng sông? Ƀiălah Gâp gŭ ta nklang khân may tâm ban ma bunuyh pah kan.

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Samƀŭt Pôl Njuăl Ăn Ma Phung Nsing Ta Ƀon Rôm 1:3

Nây jêng Nau Mhe Mhan Ueh ma Kon Păng, jêng Nơm tâm nau nglay săk bu deh tă bơh ndŭl mpôl Y-Đavit;

Samƀŭt Pôl Njuăl Ăn Ma Phung Nsing Ta Ƀon Rôm 15:3

Yorlah Brah Krist mâu mâp ƀư maak ma Păng nơm, tâm ban geh nau nchih: “Nau suai rak tă bơh phung mưch rmot ma May, tŭp jêh ta gâp.”

Samƀŭt Pôl Njuăl Ăn Ma Phung Nsing Ta Ƀon Rôm 15:8

Gâp lah, Brah Krist jêng nau ngăn Brah Ndu, ƀiălah plơ̆ jêng oh mon ma phung bunuyh koh ntâu, gay ƀư n'hêl nanê̆ lĕ nau ton ăn jêh ma phung chô yau,

Samƀŭt Pôl Njuăl Ăn Ma Phung Nsing Ta Ƀon Rôm 8:3

Yorlah moh nau vay mâu dơi ƀư, yor nglay săk ƀư păng rdja, Brah Ndu ƀư jêh: Păng njuăl Kon Păng nơm geh nglay săk tâm ban ma nglay săk tih gay ma dăp nkra nau tih; Păng tâm rmal jêh nau tih tâm nglay săk,

II Kôrintô 13:4

Nđâp tơlah bu pâng Păng ta si tâm rkăng tâm nau huơi, ƀiălah Păng dôl rêh ma nau brah Brah Ndu. Hên kơt nây đŏng, nđâp tơlah hên huơi tâm Păng, ƀiălah tâm nau brah Brah Ndu hên mra gŭ rêh đah Păng, gay gŭ ngao ma khân may.

II Kôrintô 8:9

Yorlah khân may gĭt jêh nau yô̆ Kôranh Brah he jêng Brah Yêsu Krist, Păng ndrŏng ngăn, ƀiălah plơ̆ jêng o ach yor khân may, gay yor nau o ach Păng, khân may plơ̆ jêng ndrŏng.

Galati 4:4

Ƀiălah tơlah tât nar tâm nal, Brah Ndu njuăl Kon Păng tât, tă bơh ma du huê bu ur deh, deh luh tâm dâng nau vay,

Philip 2:6

Păng ơm geh rup Brah Ndu, Ƀiălah mâu uănh nau tâm ban đah Brah Ndu Jêng nau djôt prăp;

ហេឞ្រើ 12:2

Uănh hom ma Brah Yêsu, Nơm ntơm bơh saơm jêh ri lôch nau chroh, jêng Nơm yor nau răm maak dơm jêh tanăp măt Păng nơm, maak dơn si tâm rkăng, tâm rmot ma nau bêk prêng, jêh ri gŭ jêh mpeh pa ma sưng hađăch Brah Ndu.

ហេឞ្រើ 13:3

Kah gĭt hom ma phung bu krŭng tâm ban ma khân may nơm bu krŭng ndrel ma khân păng; jêh ri kah gĭt hom ma phung bu ƀư mhĭk, yorlah khân may nơm geh đŏng săk jăn tâm ban ma khân păng.

ហេឞ្រើ 4:15

Yorlah he mâu geh du huê kôranh ƀư brah toyh lơn mâu dơi yô̆ ma nau rdja he, ƀiălah geh jêh du huê kôranh ƀư brah geh nau ndơm tâm lĕ rngôch nau nâm bu he, ƀiălah Păng mâu ƀư tih ôh.