Philip 2:3 - Nau Brah Ndu Ngơi 2023

³ Lơi ƀư ôh du ntil ndơ yor ma nuih n'hâm mbeh, mâu lah yor ma nau lư n'găr gơnh roh, ƀiălah dêh rhêt hom, uănh phung êng jêng khlay rlau lơn ma khân may nơm.

Bunong Bible Latin Script Cambodian dialect

³ Lơi ôh jan ndơ ma jêng kuŏng dơm, lơi ôh jan ndơ gay ma n'hi êng săk nơm. Yơn ma ăn njŭr êng săk nơm, jêh ri kơp bu êng kuŏng rlau ma săk nơm.

Bunong

³ លើយ​អោស​ជាន​នទើ​មា​ជេង​ក្វ៝ង់​ទើម លើយ​អោស​ជាន​នទើ​គៃ​មា​នហី​អេង​ឆាក់​នើម។ យើន​មា​អ៝ន់​ញជុរ​អេង​ឆាក់​នើម ជេសរី​កើប​ឞូ​អេង​ក្វ៝ង់​រាលាវ​មា​ឆាក់​នើម។

Philip 2:3 Iomraidhean Croise

Nau Hôr 13:10

Nau sưr knŏng ăn tât nau tâm djrel, Bi nau blau mĭn gŭ ndrel bunuyh dơn iăt nau ntĭm nti.

Luka 18:14

Gâp mbơh ma khân may, bunuyh aơ plơ̆ sĭt ta ngih păng, dơi kơp sŏng srăng, mâu di bunuyh ri. Yorlah mbu n'hao êng mra hŭch tâm dâng, ƀiălah mbu nơm hŭch tâm dâng êng mra n'hao.”

Samƀŭt Pôl Njuăl Ăn Ma Phung Nsing Ta Ƀon Rôm 12:10

Rŏng hom ndrăng khân may nơm dơh dăch tâm ban ma oh nâu; ăn lĕ nuih n'hâm yơk hom ndrăng khân may.

Samƀŭt Pôl Njuăl Ăn Ma Phung Nsing Ta Ƀon Rôm 13:13

Gŭ rêh hom tâm nau sŏng srăng nâm bu hăn dôl nôk nar, lơi rlau rnâng jêh ri nhŭl ndrănh ôh, lơi văng tĭr, lơi gŭ blă blơ, lơi tâm jin tâm lah tâm djrel jêh ri lơi mâu nach.

Samƀŭt Pôl Njuăl Ăn Ma Phung Nsing Ta Ƀon Rôm 2:8

Bi ma mbu nơm mbeh, mâu tông bâr nau ngăn, ƀiălah tông bâr nau kue, mra sŏk dơn nau ji nuih hâu ngăn jêh ri nau ji nuih.

I Kôrintô 15:9

Yorlah gâp jêng dŭt jê̆ lê̆ tâm phung kôranh oh mon, mâu khư ôh bu kuăl gâp kôranh oh mon, yorlah gâp ƀư mhĭk jêh ma Phung Ngih Brah Ndu.

I Kôrintô 3:3

yorlah khân may ăt hôm jêng phung nglay săk. Yorlah tâm phung khân may hôm geh nau mâu nach, nau tâm jin; tâm ban pônây, mâu di hĕ khân may jêng phung nglay săk jêh ri gŭ ngao tâm ban ma bunuyh ta neh ntu hĕ?

II Kôrintô 12:20

Yorlah gâp klach tơlah gâp tât gâp mâu mra saơ khân may nâm bu gâp kâp gân, bi khân may saơ đŏng gâp mâu di nâm bu khân may ŭch. Gâp klach ta nklang khân may geh nau tâm jin, nau mâu nach, nau duh nuih, nau mbeh, nau ngơi kek, nau nchơt, nau sưr, nau uh ah.

Galati 5:15

Ƀiălah tơlah khân may kăp rvăn ndrăng khân may mro, pôri njrăng hom, klach lah khân may ƀư rai băl ndrăng khân may nơm.

Galati 5:26

Lơi joi nau lư n'găr mâu nanê̆ gay nsônh jêh ri tâm nuih ndrăng nơm ôh.

Êphêsô 4:2

Ăn dŭt dêh rhêt, rdơ̆ rbăn jêh ri nau srôih, ăn khân may ŭn nuih ndrăng khân may tâm nau rŏng.

Êphêsô 5:21

Yor klach yơk ma Brah Krist, tâm tông hom ndrăng nơm.

Philip 2:14

Ƀư hom lĕ kan, lơi ngơi ƀŭk dŭk suyh mâu lah vât vâng ôh,

Kôlôh 3:12

Khân may jêng phung bunuyh Brah Ndu săch, jêng phung kloh ueh jêh ri phung Brah Ndu rŏng ngăn ngên. Pôri, nsoh hom nuih n'hâm yô̆ nđach, nuih n'hâm ueh, nau dêh rhêt, nau rdơ̆ rbăn, nau srôih.

Kôlôh 3:8

Ƀiălah aƀaơ, mƀăr lơi hom lĕ rngôch nau nây, nâm bu ntĭt nau ji nuih, nau rngot, nau janh ƀai, nau sưr rlau, jêh ri lĕ nau ngơi bir luh bơh trôm mbung khân may.

I Timôthê 6:4

nây jêng nơm sưr rlau, mâu gĭt rbăng du ntil ndơ ôh; ƀiălah păng geh nau ŭch tâm rlăch, nau tâm djrel tâm nau ngơi, ƀư nau tâm rmot, mâu geh du ai, nau mưch rmot, nau đing djơh mhĭk;

I Pêtrôs 3:8

Nglĕ dŭt, ăn lĕ rngôch khân may geh nuih n'hâm jêng nguay, blau yô̆, rŏng oh nâu tâm Kôranh Brah, geh nuih n'hâm ueh jêh ri nuih n'hâm dêh rhêt.

I Pêtrôs 5:5

Tâm ban lĕ, phung druh ndăm tông hom ma phung kôranh bu ranh. Lĕ rngôch bunuyh nsoh hom nau dêh rhêt gay ƀư ueh ndrăng khân may; yorlah Brah Ndu tâm rdâng đah phung sưr, ƀiălah ăn nau yô̆ ma phung dêh rhêt.