Philip 2:29 - Nau Brah Ndu Ngơi 2023

²⁹ Pôri, khân may răm maak hom tâm Kôranh Brah gay rom păng; jêh ri yơk hom ma bunuyh nâm nđĕ;

Bunong Bible Latin Script Cambodian dialect

²⁹ Lah ndri ăn khân ay may rom păng ma nau răm maak ăn dŭt hô, yor ma păng jêng oh nô bân ta nau nsing ma Kôranh Yêsu. Jêh ri yơk ma bunuyh i kơt păng nây dô,

Bunong

²⁹ លាស​នទ្រី​អ៝ន់​ខាន់​អៃ​មៃ​រ៝ម​ពាង់​មា​នាវ​រាម់​មអាក​អ៝ន់​ទុត​ហោ យ៝រ​មា​ពាង់​ជេង​អ៝ស​នោ​ឞ៝ន់​តា​នាវ​ញឆីង​មា​កោរាញ​យេឆូ  ។ ជេសរី​យើក​មា​ឞូនុយ្ស​អី​កើត​ពាង់​នៃ​ទោ‌

Philip 2:29 Iomraidhean Croise

Êsai 52:7

Phung mbơh nau đăp mpăn, Mbơh nau mhe mhan ueh, Mbơh nau tâm rklaih, Jêh ri lah ma ƀon Siôn pô aơ: “Brah Ndu may gŭ chiă uănh;” Mbang jâng phung nây ta klơ yôk Ueh ngăn!

Luka 9:5

Moh ntŭk bu mâu vơt rom khân may, tơlah luh tă bơh ƀon nây, rtuh hom neh muy bơh jâng khân may tâm ban du nau mbơh tâm rdâng đah khân păng.”

Yôhan 13:20

Nanê̆, Gâp lah ngăn ma khân may, mbu nơm rom bunuyh Gâp njuăl, jêng păng rom Gâp tâm ban lĕ; jêh ri mbu nơm rom Gâp, nâm bu ntĭt rom Nơm hŏ njuăl Gâp văch.”

Kôranh Oh Mon 2:46

Ăp nar, khân păng gơih văch tât ngih brah; jêh ri ntơm bơh ngih aơ tât ta ngih êng, khân păng nkê̆ch piăng let jêh ri sông sa ndrel ma nau răm maak jêh ri ma nuih n'hâm nanê̆,

Kôranh Oh Mon 28:10

Khân păng mpơl nuih n'hâm yơk ma hên hâu ngăn; dôl hên ncho kumpăn, khân păng ăn ndơ ma hên dŏng.

Kôranh Oh Mon 8:8

Yor nây, tâm ƀon bêng ler nau răm maak.

Samƀŭt Pôl Njuăl Ăn Ma Phung Nsing Ta Ƀon Rôm 10:15

Tơlah mâu geh bunuyh bu njuăl nsong, mâm ƀư geh bunuyh hăn mbơh nkoch? Tĭng nâm nau nchih jêh: “Ueh lăng âk ngăn mpang jâng phung hăn mbơh nkoch Nau Mhe Mhan Ueh!”

Samƀŭt Pôl Njuăl Ăn Ma Phung Nsing Ta Ƀon Rôm 16:2

Ăn khân may vơt rom păng ma nau khư jêh tâm amoh Kôranh Brah tâm ban vơt rom ma phung kloh ueh, jêh ri sâm kơl păng ăp tơ̆ păng ŭch ma khân may; yorlah păng yơh hŏ tă kơl âk bunuyh, jêh ri nđâp ma gâp tâm ban lĕ.

I Kôrintô 16:10

Tơlah Y-Timôthê tât, srôih kơl hom ma păng geh nau nơih ta nklang khân may, yorlah păng pah kan ma Kôranh Brah tâm ban ma gâp.

I Kôrintô 16:18

yorlah phung bunuyh nây hŏ ƀư ăn mpay nuih n'hâm gâp tâm ban khân may đŏng. Gĭt yơk hom ma phung bunuyh nâm bu pônây.

II Kôrintô 10:18

Yorlah mâu di n'hao êng ma păng nơm ôh dĭng bu dơn, ƀiălah jêng nơm Kôranh Brah n'hao.

II Kôrintô 7:2

Prăp hom ma hên du ntŭk tâm nuih n'hâm khân may. Hên mâu mâp ƀư mhĭk ma bu ôh, mâu ƀư rai bu ôh, mâu mâp sa ndô ndơ bu ôh.

Philip 2:28

Yor ri, gâp ndal njuăl păng plơ̆ sĭt, gay ma khân may geh nau răm maak nôk mâp tay păng, bi gâp mâu ir đŏng geh nau rvê.

Kôlôh 4:10

Y-Aristarkus, băl tâm ndrung ndrel ma gâp, njuăl nau mbah jô̆ khâl ma khân may; Y-Markôs, oh nâu ndrel ma Y-Ƀarnaƀas tâm ban lĕ. Bơh Y-Markôs, khân may hŏ dơi dơn nau ntĭm jêh, tơlah Y-Markôs hăn tât ntŭk khân may, vơt rom hom păng.

I Têsalônik 5:12

Hơi phung oh nâu, hên dăn ma khân may ăn khân may yơk ma phung dôl pah kan hŏt ta nklang khân may, jêng phung leo jêh ri ntĭm nti khân may yor Kôranh Brah.

I Timôthê 5:17

Phung kôranh bu ranh blau chiă uănh Phung Ngih Brah Ndu, lơ hô geh nau yơk âk lơn, lor lơn jêng phung srôih jâk jêr tâm nau mbơh nau chroh jêh ri nau ntĭm nti.

ហេឞ្រើ 13:17

Tông hom ma phung kôranh chiă uănh khân may jêh ri blau tông ma khân păng, yorlah khân păng mât mray huêng khân may nâm bu ăn phung mra mbơh nkoch rah vah. Kơl hom ma khân păng geh nau maak gay ƀư lôch nau kan jêh ri mâu geh nau njang bâr, yorlah nau nây mâu ăn ueh ôh ma khân may.

III Yôhan 1:10

Yor nây, tơlah gâp hăn tât, gâp mra rkê̆ch tay lĕ nau păng ƀư jêh, jêng lĕ nau ƀai mhĭk tâm rdâng đah hên. Nđâp lah kơt nĕ ê hŏ maak nuih n'hâm đŏng, păng lŏ mâu vơt rom phung oh nâu, jêh ri mbu nơm ŭch vơt rom, păng buay bu jêh ri mprơh lơi bơh Phung Ngih Brah Ndu.