Philip 2:21 - Nau Brah Ndu Ngơi 2023

²¹ Lĕ rngôch knŏng mĭn rvê ma nau khlay êng khân păng nơm, mâu di mĭn rvê ma nau khlay Brah Yêsu Krist ôh.

Bunong Bible Latin Script Cambodian dialect

²¹ Yorlah dâng lĕ bunuyh a êng ŭch mân ma săk khân păng nơm dơm, khân păng mâu ôh mân ma ndơ Brah Krist ŭch.

Bunong

²¹ យ៝រ​លាស​ទឹង​លែៈ​ឞូនុយ្ស​អា​អេង​អុច​មឹន​មា​ឆាក់​ខាន់​ពាង់​នើម​ទើម ខាន់​ពាង់​មោ​អោស​មឹន​មា​នទើ​ឞ្រាស​ក្រីស  ​អុច។

Philip 2:21 Iomraidhean Croise

II Phung Hađăch 12:6

Ƀiălah kŏ tât năm rơh bar jât ma pe rnôk rô̆ hađăch Jôas, phung kôranh ƀư brah mâu mâp nkra ôh ngih brah.

Êsai 56:11

Khân păng jêng so ŭch sa, Mâu blau hơm ôh. Khân păng jêng phung rmăk biăp mâu gĭt rbăng; Lĕ rngôch khân păng plơ̆ tĭng trong khân păng nơm, Ăp nơm rvê joi drăp ndơ ma păng nơm da dê.

Malachi 1:10

Brah Yêhôva ma phung tahan lah: “Ŭch ma du huê bunuyh tâm khân may nchăng lơi lĕ rngôch mpông ngih brah gay khân may mâu mpoh ôh ŭnh dơm dam ta nơng ƀư brah Gâp.” Brah Yêhôva ma phung tahan lah: “Nuih n'hâm Gâp mâu maak ôh ma khân may, jêh ri kŏ mâu dơn đŏng bơh ti khân may du ntil ndơ ƀư brah.

Mathay 16:24

Jêh nây Brah Yêsu lah ma phung oh mon pô aơ: “Tơlah mbu nơm ŭch tĭng Gâp, ăn păng dun khân păng nơm, tuy si tâm rkăng khân păng nơm gay tĭng Gâp.

Luka 14:26

“Tơlah mbu moh văch gay tĭng Gâp ƀiălah mâu tâm rmot ma mbơ̆ mê̆, ur kon, phung nâu oh, yuh oh păng jêh ri nđâp ma nau rêh păng nơm, ndri mâu dơi jêng oh mon Gâp.

Kôranh Oh Mon 13:13

Y-Pôl jêh ri phung băl păng jŭr ncho kumpăn ta ƀon Paphôs hăn tât ta ƀon Pergi tâm n'gor Pamphili. Ƀiălah Y-Yôhan tâm nkhah đah khân păng, plơ̆ sĭt ta ƀon Yêrusalem.

Kôranh Oh Mon 15:38

Ƀiălah Y-Pôl mĭn mâu ueh djôt leo Y-Markôs, yorlah Y-Markôs hŏ chalơi bar hê khân păng ta n'gor Pamphili, mâu hăn ndrel ma khân păng tâm nau pah kan tay.

I Kôrintô 10:24

Lơi ăn du huê joi nau maak ma păng nơm ôh ƀiălah joi hom nau ueh ma phung chiau meng păng.

I Kôrintô 10:33

Tâm ban gâp, nsrôih n'hâm suan ƀư ueh nuih n'hâm ma lĕ rngôch bunuyh tâm ăp ntil ndơ, mâu joi kao play êng ma gâp nơm ôh, ƀiălah ma âk bunuyh gay ma khân păng geh nau rklaih.

I Kôrintô 13:5

mâu lah gŭ ngao mâu tâm di, mâu joi kao play ma păng nơm ôh, mâu gơnh nuih ôh, mâu mât siăm nau mhĭk ôh,

II Kôrintô 1:5

Yorlah nâm bu nau rêh ni Brah Krist bêng ler tâm he, tâm ban lĕ ma Brah Krist nau tâm bonh leng nuih he jêng âk rmeh.

Philip 2:4

Ăp nơm tâm phung khân may lơi mĭn nau khlay ma păng nơm ôh, ƀiălah mĭn nau khlay ma bunuyh êng đŏng.

II Timôthê 1:15

May gĭt jêh lĕ phung tâm n'gor Asi chalơi jêh gâp; tâm phung nây geh Y-Phigel jêh ri Y-Hêrmôgen.

II Timôthê 3:2

Yorlah bunuyh mra jêng mbeh nkrêp, rŏng ma prăk, blau khư êng, sưr rlau, ngơi djơh, mâu tông bâr mê̆ mbơ̆, mâu kah gĭt tôr, mâu kloh ueh,

II Timôthê 4:10

Yorlah Y-Đêmas, yor păng rŏng ma rnôk aơ, chalơi jêh gâp jêh ri hăn ta ƀon Têsalônik; Y-Kresen hăn ta ƀon Galati, bi Y-Tit hăn ta n'gor Đalmati jêh.

II Timôthê 4:16

Lah gâp koh dŏng ma gâp nơm tơ̆ tal nguay, mâu geh nơm kơl an gâp ôh; lĕ rngôch chalơi gâp da dê. Dăn Kôranh Brah lơi ndăng mâu lah nduyh ôh nau nây ma khân păng!