Philip 2:1 - Nau Brah Ndu Ngơi 2023

¹ Pôri, tơlah tâm Brah Krist geh nau n'hao nuih n'hâm, tơlah tâm nau rŏng geh nau bong leng, tơlah tâm Brah Huêng Ueh geh nau tâm rnglăp, tơlah geh nuih n'hâm rŏng jêh ri nau yô̆

Bunong Bible Latin Script Cambodian dialect

¹ Lah khân ay may lĕ sŏ dơn jêh nau n'hao nuih n'hâm tă bơh nau gŭ ndrel Brah Krist, lah lĕ geh jêh nau rŏng Brah Krist bonh leng khân ay may, lah Brah Huêng Ueh lĕ gŭ ndrel khân ay may, lah Brah Krist lĕ yô̆ nđach khân ay may,

Bunong

¹ លាស​ខាន់​អៃ​មៃ​លែៈ​ឆ៝ៈ​ទើន​ជេស​នាវ​នហាវ​នូយ្ស​នហ៝ម់​តាៈ​ឞើស​នាវ​គុ​នទ្រែល​ឞ្រាស​ក្រីស  លាស​លែៈ​គែស​ជេស​នាវ​រ៝ង់​ឞ្រាស​ក្រីស  ​ឞ៝ញ​លែង​ខាន់​អៃ​មៃ លាស​ឞ្រាស​ហ្វេង​អ្វែស​លែៈ​គុ​នទ្រែល​ខាន់​អៃ​មៃ លាស​ឞ្រាស​ក្រីស  ​លែៈ​យោៈ​នអាច​ខាន់​អៃ​មៃ‌

Philip 2:1 Iomraidhean Croise

Nau Mprơ Ơm 133:1

Ri, oh nâu gŭ ngau tâm rnglăp ndrăng khân may Ueh maak ngăn yơh!

Êsai 16:11

Yor ri, nuih n'hâm Gâp nđêng tâm ban ma gong rêng loih yor bri Môap, Nuih n'hâm Gâp yor Kir-Hêres nđêng kơt nây đŏng.

Luka 2:25

Nôk nây, ta ƀon Yêrusalem geh du huê bunuyh sŏng srăng jêh ri gŭ sŏng, amoh păng Y-Simêôn. Păng kâp gân nau bonh leng phung Israel, jêh ri Brah Huêng Ueh gŭ ta klơ păng.

Yôhan 14:18

Gâp mâu chalơi khân may jêng kon đơi ôh, Gâp mra plơ̆ đŏng ma khân may.

Yôhan 14:27

Gâp lơi nau đăp mpăn ma khân may. Gâp ăn nau đăp mpăn ma khân may. Nau đăp mpăn Gâp ăn ma khân may mâu geh kơt neh ntu ăn ôh. Lơi dĭng ăn nuih n'hâm khân may uh ah jêh ri lơi klach ôh.

Yôhan 17:13

Ƀiălah aƀaơ Kon plơ̆ sĭt ma Mbơ̆, jêh ri Kon lah lĕ nau aơ dôl hôm gŭ tâm neh ntu, gay ma nau răm rhơn Kon bêng nŭm tâm khân păng nơm.

Kôranh Oh Mon 2:46

Ăp nar, khân păng gơih văch tât ngih brah; jêh ri ntơm bơh ngih aơ tât ta ngih êng, khân păng nkê̆ch piăng let jêh ri sông sa ndrel ma nau răm maak jêh ri ma nuih n'hâm nanê̆,

Kôranh Oh Mon 4:32

Nôk nây, lĕ phung chroh geh du ai nuih n'hâm, du nau mĭn, mâu geh bu nuyh uănh drăp ndơ păng nơm jêng ndơ êng, ƀiălah kơp ma lĕ rngôch ndô ndơ jêng ndơ mpôl.

Samƀŭt Pôl Njuăl Ăn Ma Phung Nsing Ta Ƀon Rôm 5:5

jêh ri nau kâp gân mâu ƀư ăn ma he bêk prêng ôh, yorlah nau Brah Ndu rŏng hoch jêh tâm nuih n'hâm he ma Brah Huêng Ueh jêng Nơm ăn jêh ma he.

Samƀŭt Pôl Njuăl Ăn Ma Phung Nsing Ta Ƀon Rôm 8:26

Tâm ban lĕ, Brah Huêng Ueh kơl nau rdja he, yorlah he mâu gĭt moh nau di he dăn dôl mbơh sơm, ƀiălah Brah Huêng Ueh nơm mbơh sơm kơl an ma he ma nau rđêng mâu dơi rblang tâm nau ngơi gay kơl mbơh sơm ma phung he.

I Kôrintô 12:13

Yorlah he, nđâp tơlah phung Yuđa, phung Grek, phung dĭk mâu lah phung kon me, lĕ rngôch phung he hŏ dơn nau ƀaptem da dê tâm nguay Brah Huêng Ueh gay ma jêng du săk jăn; lĕ rngôch dơi nhêt tâm nguay Brah Huêng Ueh da dê.

I Kôrintô 15:31

Hơi oh nâu, ăp nar gâp gŭ dăch nau khĭt. Gâp ngơi kơt nây yor nau rnê êng gâp ma khân may tâm Brah Yêsu Krist, Kôranh Brah he.

I Kôrintô 3:16

Khân may mâu gĭt hĕ khân may jêng ngih ma Brah Ndu, jêh ri Brah Huêng Ueh Brah Ndu gŭ tâm khân may?

II Kôrintô 2:14

Ƀiălah lah ueh ma Brah Ndu, jêng Nơm leo bôk ƀaƀơ ma hên tâm nau hăn tâm groi ndrel ma nau dơi tâm Brah Krist; jêh ri tă bơh hên, Păng ƀư n'hôl ƀâu kah ma nau gĭt rbăng Păng ƀâu lam ntŭk.

Galati 4:6

Yorlah khân may jêng kon, pôri Brah Ndu hŏ njuăl Brah Huêng Ueh Kon Păng gŭ tâm nuih n'hâm he, kuăl: “Aƀa! Mbơ̆!”

Galati 5:22

Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

Êphêsô 4:4

Geh knŏng du săk jăn, du Brah Huêng Ueh, tâm ban đŏng hŏ kuăl khân may văch ma du nau kâp gân;

Philip 1:8

Yorlah Brah Ndu mbơh nkoch ma gâp pô aơ gâp rŏng ngăn ngên ma lĕ rngôch khân may ma nau rŏng tă bơh Brah Yêsu Krist.

Philip 3:3

Yorlah he yơh jêng phung koh ntâu ngăn, phung bunuyh pah kan ma Brah Ndu tă bơh ma Brah Huêng Ueh, khư tâm Brah Yêsu Krist, jêh ri mâu mâp rnơm nsing ma nglay săk ôh.

Kôlôh 2:2

gay ma nuih n'hâm khân păng geh nau n'hao nuih n'hâm, tâm rnglăp tâm nau rŏng, tâm ban đŏng geh âk nau gĭt rbăng rmeh ler jêh ri n'hêl nanê̆ gay gĭt năl nau khlay ndâp Brah Ndu, nâm bu ntĭt Brah Krist;

Kôlôh 3:12

Khân may jêng phung bunuyh Brah Ndu săch, jêng phung kloh ueh jêh ri phung Brah Ndu rŏng ngăn ngên. Pôri, nsoh hom nuih n'hâm yô̆ nđach, nuih n'hâm ueh, nau dêh rhêt, nau rdơ̆ rbăn, nau srôih.

ហេឞ្រើ 6:18

gay ma bar nau nây mâu blau rgâl — bar nau nây Brah Ndu mâu dơi ngơi mƀruh ôh — ma phung he jêng phung bunuyh nchuăt du krap ta Păng, geh nau bonh leng toyh jêh ri djôt nâp nau kâp gân hŏ dơm tanăp măt he nơm.

I Pêtrôs 1:2

tĭng nau gĭt lor tă bơh Brah Ndu jêng Mbơ̆, jêh ri geh nau ƀư kloh ueh tă bơh Brah Huêng Ueh, gay tông bâr Brah Yêsu Krist jêh ri geh kô̆ tâm nau mbrih mham Păng. Mbơh sơm dăn nau yô̆ jêh ri nau đăp mpăn lơ hô n'hao ma khân may!

I Yôhan 3:24

Mbu nơm tông prăp lĕ nau vay Brah Ndu ntăm gŭ tâm Păng, jêh ri Păng gŭ tâm bunuyh nây. He gĭt năl Păng gŭ tâm he ma Brah Huêng Ueh, Păng ăn jêh ma he.

I Yôhan 4:12

Mâu geh du huê bunuyh mâp saơ Brah Ndu ôh; tơlah he tâm rŏng ndrăng he, Brah Ndu gŭ tâm he, jêh ri nau rŏng Păng jêng nŭm rĭng tâm he.

I Yôhan 4:16

He gĭt năl jêh ri chroh ma nau rŏng Brah Ndu đah he. Brah Ndu jêng nau rŏng; mbu nơm gŭ tâm nau rŏng jêng gŭ tâm Brah Ndu, jêh ri Brah Ndu gŭ tâm bunuyh nây.