Philip 1:6 - Nau Brah Ndu Ngơi 2023

⁶ Gâp chroh ngăn ma Nơm ntơm kan ueh tâm phung khân may mra ƀư lôch kan nây ma tât nar Brah Yêsu Krist.

Bunong Bible Latin Script Cambodian dialect

⁶ Gâp lĕ gĭt n'hêl jêh nau dja: Kôranh Brah i nơm ntơm jan ndơ ueh ăn ta nuih n'hâm khân ay may nây, Păng hôm jan nâng ăn tât jêh nau i nây n'ho ma tât nar Brah Krist Yêsu văch tay.

Bunong

⁶ គ៝ប់​លែៈ​គឹត​នហេល​ជេស​នាវ​អ្យា៖ កោរាញ​ឞ្រាស​អី​នើម​នតើម​ជាន​នទើ​អ្វែស​អ៝ន់​តា​នូយ្ស​នហ៝ម់​ខាន់​អៃ​មៃ​នៃ ពាង់​ហោម​ជាន​នឹង​អ៝ន់​ត៝ត់​ជេស​នាវ​អី​នៃ​នហ៝​មា​ត៝ត់​នារ​ឞ្រាស​ក្រីស​យេឆូ  ​វាច់​តៃ។

Philip 1:6 Iomraidhean Croise

Nau Mprơ Ơm 138:8

Brah Yêhôva mra ƀư lôch jêh lĕ rngôch nau kan gâp. Ơ Brah Yêhôva, nuih n'hâm ueh May hôm tât ƀaƀơ n'ho ro; Lơi chalơi ôh nau kan ti May nơm ƀư jêh!

Yôhan 6:29

Brah Yêsu plơ̆ lah: “Nau pah kan Brah Ndu jêng khân may chroh ma Nơm Brah Ndu hŏ njuăl văch jêh.”

Kôranh Oh Mon 11:18

Nôk khân păng tăng lĕ nau ngơi nây, mâu nduyh đŏng. Khân păng tâm rnê Brah Ndu pô aơ: “Pôri, Brah Ndu hŏ ăn tâm ban đŏng nau rmal nau tih ma phung bu năch gay ma khân păng dơi geh nau rêh!”

Kôranh Oh Mon 16:14

Geh du huê bu ur iăt hên, amoh păng H'Lidi, bơh ƀon Thiatir, vay tăch bok chăng krăk, jêng bunuyh yơk mbah ma Brah Ndu. Kôranh Brah pơk nuih n'hâm H'Lidi ƀư ăn păng rkêng tôr iăt nau Y-Pôl ngơi.

I Kôrintô 1:8

Brah Ndu mra djôt prăp khân may nâp tât lôch, gay ma mâu geh nau nduyh tâm nar Kôranh Brah he jêng Brah Yêsu Krist.

II Kôrintô 1:15

Yor nau gâp rnơm nây, gâp tâm nal hăn chop khâl khân may lor, gay khân may dơn nau ueh maak bar tơ̆.

II Kôrintô 2:3

Gâp nchih jêh ma khân may kơt nĕ, gay ma nôk gâp hăn chop khâl, gâp mâu mra rngot rvê bơh phung bunuyh di ngăn ƀư ma gâp maak. Yorlah gâp rnơm tâm lĕ rngôch khân may sŏk nau răm maak gâp jêng nau răm maak khân may.

II Kôrintô 7:16

Gâp răm maak yorlah gâp dơi rnơm nsing ma khân may tâm lĕ rngôch nau.

II Kôrintô 9:4

klach lah tơlah phung Masêđôn hăn ndrel văch ta gâp, saơ khân may mâu rơm ndrăp pôri hên — mâu ŭch lah ma khân may ôh — mra geh nau đit prêng yorlah lĕ rnơm jêh kơt nĕ.

Galati 5:10

Tâm Kôranh Brah, gâp mĭn n'hêl nanê̆ khân may mâu mra mĭn rvê êng đah gâp; ƀiălah nơm ƀư rsuak khân may, moh ndơ păng jêng kđôi lĕ, mra dơn nau tâm rmal.

Êphêsô 4:12

gay ndrăp phung kloh ueh ma nau pah kan jêh ri ndâk njêng săk jăn Brah Krist,

Philip 1:10

kơl ma khân may gĭt rnglah êng moh nau jêng dŭt ueh, gay tâm nar Brah Krist khân may geh nau kloh, mâu geh ntŭk dơi nduyh ôh,

Philip 1:29

Yor tă Brah Krist, khân may geh bu ăn nau yô̆ mâu di knŏng gay chroh dơm, ƀiălah ăn khân may dơn nau rêh ni yor Păng tâm ban lĕ,

Philip 2:12

Pôri, hơi phung oh nâu gâp rŏng ngăn ngên, nâm bu khân may vay tông bâr ƀaƀơ, mâu di knŏng nôk gâp geh măt, ƀiălah aƀaơ aơ, dôl gâp ndŭt măt, lơ hô tông bâr lơn đŏng; sŏk hom nau klach râm sâr gay ƀư lôch jêh nau tâm rklaih khân may nơm.

Philip 2:13

Yorlah Brah Ndu jêng Nơm dôl pah kan tâm khân may, gay ma khân may ƀă ŭch ƀă ƀư tĭng nau mĭn ueh Păng.

Philip 2:16

Djôt nâp hom nau ngơi rêh mro mrăng, gay tâm nar Brah Krist, gâp dơi tâm rnê êng ma gâp nơm mâu nchuăt dơm dam jêh ri mâu jâk jêr dơm dam.

Kôlôh 2:12

Khân may hŏ tâp brôi jêh khân may ndrel ma Păng tâm nau ƀaptem, ri mơ dơi dâk rêh tay ndrel Păng bơh nau chroh tâm nau brah Brah Ndu, Nơm ƀư ăn Păng dâk rêh tay tă bơh nau khĭt.

I Têsalônik 1:3

Tanăp măt Brah Ndu, jêng Mbơ̆, hên kah gĭt ƀaƀơ ma kan nau chroh khân may, ma kan nau rŏng khân may, nau srôih tâm nau khân may kâp gân tâm Kôranh Brah he jêng Brah Yêsu Krist.

II Têsalônik 1:11

Yor ri, hên mbơh sơm ma khân may ƀaƀơ, gay ma Brah Ndu he ƀư ma khân may khư ma nau Păng kuăl, jêh ri yor ma nau brah Păng gay ƀư lôch jêh lĕ nau ŭch mĭn ueh jêh ri kan nau chroh khân may;

II Têsalônik 3:4

Tâm Kôranh Brah, hên rnơm nanê̆ pô aơ ma khân may dôl ƀư jêh ri mra ƀư lĕ nau hên ntĭm nti jêh.

ផីលេមោន 1:21

Gâp nchih ma may đah nau rnơm jêng may mra dơn, jêh ri gâp gĭt may mra ƀư rlau lơn ma nau gâp dăn đă.

ហេឞ្រើ 10:35

Pôri, Lơi chalơi ôh nau chroh nanê̆ khân may nơm, yorlah păng mra djôt tay nau nkhôm toyh.

ហេឞ្រើ 12:2

Uănh hom ma Brah Yêsu, Nơm ntơm bơh saơm jêh ri lôch nau chroh, jêng Nơm yor nau răm maak dơm jêh tanăp măt Păng nơm, maak dơn si tâm rkăng, tâm rmot ma nau bêk prêng, jêh ri gŭ jêh mpeh pa ma sưng hađăch Brah Ndu.

I Pêtrôs 5:10

Jêh ri lah jêh khân may dơn nau rêh ni ƀât lât, Brah Ndu ma lĕ nau yô̆, Nơm kuăl jêh khân may tât nau chrêk rmah n'ho ro tă bơh Păng tâm Yêsu Krist, Păng nơm mra njêng tay, ƀư ktang, ndâk njêng jêh ri ăn nau dăng ktang ma khân may.

II Pêtrôs 3:10

Nđâp lah kơt nĕ, nar Kôranh Brah mra tât nâm bu nơm ntŭng, nôk nĕ lĕ ndâr trôk mra roh tâm nau nteh ktang, lĕ ndơ mra lêk hoch tâm ŭnh, neh ntu jêh ri lĕ rngôch kan ndâk klơ nây ŭnh mra sa lĕ.