Philip 1:18 - Nau Brah Ndu Ngơi 2023

¹⁸ Ƀiălah mâu geh ôh! Kđôi moh nau tât, mâu lah ndra ƀư mâu lah nau ngăn, Brah Krist ăt bu mbơh nkoch. Nây jêng nau gâp răm maak, jêh ri mra hôm răm maak đŏng!

Bunong Bible Latin Script Cambodian dialect

¹⁸ Mâu chrao ôh! Nau i bu mbơh nkoch nau mhe mhan ueh Brah Krist, bol lah ndra ma jan kađôi, bol lah jan ngăn kađôi, gâp hôm răm maak ma nau i nây. Jêh ri gâp hôm răm maak jât,

Bunong

¹⁸ មោ​ច្រាវ​អោស! នាវ​អី​ឞូ​មឞើស​ងក៝ច​នាវ​មហែ​មហាន​អ្វែស​ឞ្រាស​ក្រីស  ឞ៝ល​លាស​នទ្រា​មា​ជាន​កាដោយ ឞ៝ល​លាស​ជាន​ងាន់​កាដោយ គ៝ប់​ហោម​រាម់​មអាក​មា​នាវ​អី​នៃ។ ជេសរី​គ៝ប់​ហោម​រាម់​មអាក​ជឹត‌

Philip 1:18 Iomraidhean Croise

Mathay 23:13

Rêh ni ngăn ma khân may, phung kôranh nchih samƀŭt jêh ri phung Pharisi, jêng phung nuih n'hâm nklă! Yorlah khân may nchăng mpông ƀon ueh klơ trôk tanăp măt bu; khân may nơm mâu dơi lăp tâm ƀon nây ôh, ƀiălah khân may nơm buay mbu nơm ŭch lăp ta nây đŏng.

Markôs 12:40

Khân păng rvăn ngih phung bu ur ndrô, jan lah mbơh sơm jŏ. Khân păng mra dơn nau phat dôih jâk lơn.”

Luka 9:45

Ƀiălah phung oh mon mâu gĭt rbăng ôh nau ngơi nây. Đah ma khân păng, nau nây hôm nkŭm ndâp ƀư ăn khân păng mâu dơi gĭt rbăng ôh, ƀiălah khân păng klach, mâu nănh ôp Brah Yêsu.

Luka 9:50

Ƀiălah Brah Yêsu lah ma păng: “Lơi buay păng ôh, yorlah mbu nơm mâu tâm rdâng đah khân may jêng gŭ đăp ma khân may.”

Samƀŭt Pôl Njuăl Ăn Ma Phung Nsing Ta Ƀon Rôm 3:9

Mâm ƀư? He jêng moh nau ueh lơn lĕ? Lĕ rngôch mâu ôh; yorlah he gĭt nanê̆ jêh ma lĕ rngôch phung Yuđa jêh ri phung Grek gŭ tâm dâng nau dơi ktang nau tih da dê,

Samƀŭt Pôl Njuăl Ăn Ma Phung Nsing Ta Ƀon Rôm 6:15

Pôri mâm ƀư? Di lĕ yorlah he mâu gŭ tâm dâng nau vay, ƀiălah gŭ tâm dâng nau yô̆, rĭ dĭng he mra hôm ƀư tih? Mâu mâp tâm ban pô nây!

I Kôrintô 10:19

Moh nau mĭn gâp lah pônây? Moh khlay ndơ ƀư brah ma rup brah, mâu lah rup brah nây geh nau khlay lĕ?

I Kôrintô 14:15

Lah ndrĭ moh gâp mra ƀư? Gâp mra mbơh sơm tâm nuih n'hâm, ƀiălah mbơh sơm ma nau mĭn lĕ; gâp mra mprơ ma nuih n'hâm, ƀiălah mprơ đŏng ma nau mĭn.

I Kôrintô 15:11

Pônây yơh, nđâp tơlah gâp mâu lah phung kôranh oh mon, nau nây jêng nau hên mbơh nkoch jêh ri jêng nau khân may chroh jêh.

Philip 1:19

Yorlah gâp gĭt tă bơh nau khân may mbơh sơm jêh ri tă bơh Brah Huêng Ueh Brah Yêsu Krist kơl, nau nây mra djôt tay nau tâm rklaih ma gâp.