Philip 1:1 - Nau Brah Ndu Ngơi 2023

¹ Y-Pôl jêh ri Y-Timôthê, oh mon Brah Yêsu Krist, nchih njuăl ma lĕ rngôch phung kloh ueh tâm Brah Yêsu Krist ta ƀon Philip ndrel ma phung kôranh chiă uănh jêh ri ma phung bunuyh kơl kan.

Bunong Bible Latin Script Cambodian dialect

¹ Samƀŭt gâp Pôl nchih. Gâp ndrel ma Timôthê, hên bunuyh sơm kơl jan kar Brah Krist Yêsu, jêh ri hên njuăl samƀŭt dja ăn ma khân ay may i phung ƀon lan Kôranh Brah ta ƀon Philip i gŭ ndrel Brah Krist Yêsu, nđâp ma njuăl ăn ma mpôl kôranh mât uănh phung nsing, ndrel ma mpôl kơl jan kar phung nsing đŏng.

Bunong

¹ ឆ៝ម់បុត​គ៝ប់​ពោល  ​ញចីស។ គ៝ប់​នទ្រែល​មា​តីមោថេ  ហេន​ឞូនុយ្ស​ឆើម​កើល​ជាន​ការ​ឞ្រាស​ក្រីស​យេឆូ  ជេសរី​ហេន​ញជ្វាល់​ឆ៝ម់បុត​អ្យា​អ៝ន់​មា​ខាន់​អៃ​មៃ​អី​ផូង​ប៝ន​លាន​កោរាញ​ឞ្រាស​តា​ប៝ន​ផីលីប  ​អី​គុ​នទ្រែល​ឞ្រាស​ក្រីស​យេឆូ  នអ៝ប់​មា​ញជ្វាល់​អ៝ន់​មា​មពោល​កោរាញ​ម៝ត់​អ្វាញ់​ផូង​ញឆីង នទ្រែល​មា​មពោល​កើល​ជាន​ការ​ផូង​ញឆីង​ដ៝ង់។

Philip 1:1 Iomraidhean Croise

Markôs 13:34

Nâm bu du huê bunuyh ri dăch hăn tât ntŭk ngai, tơlah luh tă bơh ngih, jao nau dơi ma phung oh mon, ăp nơm du ntil kan, jêh ri ntĭnh ma nơm gak mpông sâng gŭ kâp uănh.

Yôhan 12:26

Tơlah mbu nơm pah kan ma Gâp păng tĭng Gâp; jêh ri ta ntŭk Gâp gŭ, bunuyh pah kan ma Gâp ăt mra gŭ ta nây lĕ. Tơlah mbu nơm pah kan ma Gâp, Mbơ̆ Gâp mra yơk ma păng.

Kôranh Oh Mon 1:20

Tâm ndrom samƀŭt Nau mprơ ơm geh đŏng nchih pô aơ: Ăn ntŭk păng gŭ jêng rngol, ‘Lơi geh bunuyh gŭ ta nây ôh’ jêh ri: ‘Ăn geh du huê nơm êng sŏk dơn nau pah kan păng.’

Kôranh Oh Mon 20:28

Khân may njrăng hom ma khân may nơm jêh ri ma lĕ rngôch phung biăp Brah Huêng Ueh hŏ njêng jêh khân may jêng nơm mât uănh, gay chiăp leo Phung Ngih Brah Ndu Kôranh Brah, rvăt jêh ma mham Kon Păng nơm.

Kôranh Oh Mon 9:13

Y-Ananias ơh: “Ơ Kôranh Brah, gâp tăng jêh âk bunuyh lah ma nơm nây ƀư djơh hâu ngăn ma phung kloh ueh May tâm ƀon Yêrusalem.

Samƀŭt Pôl Njuăl Ăn Ma Phung Nsing Ta Ƀon Rôm 1:1

Y-Pôl, oh mon Brah Yêsu Krist, Brah Ndu kuăl jêh ăn jêng kôranh oh mon jêh ri prăp êng ma Nau Mhe Mhan Ueh Brah Ndu,

Samƀŭt Pôl Njuăl Ăn Ma Phung Nsing Ta Ƀon Rôm 1:7

Gâp dăn njuăl ma lĕ rngôch phung Brah Ndu rŏng tâm ƀon Rôm, phung Brah Ndu kuăl jêh ăn jêng phung kloh ueh. Dăn Brah Ndu, Mbơ̆ he, jêh ri Kôranh Brah jêng Kôranh Yêsu Krist ăn ma nau yô̆ jêh ri nau đăp mpăn ma khân ay may.

I Kôrintô 16:10

Tơlah Y-Timôthê tât, srôih kơl hom ma păng geh nau nơih ta nklang khân may, yorlah păng pah kan ma Kôranh Brah tâm ban ma gâp.

II Kôrintô 1:1

Y-Pôl, yor tă bơh nau mĭn Brah Ndu ŭch dĭng dơi jêng kôranh oh mon Brah Yêsu Krist, jêh ri Y-Timôthê, oh nâu he, nchih samƀŭt njuăl ma Phung Ngih Brah Ndu ta ƀon Kôrintô, ndrel ma lĕ rngôch phung kloh ueh gŭ tâm n'gor Akai.

Galati 1:10

Bi aƀaơ aơ, gâp ŭch sŏk nuih n'hâm kon bunuyh mâu lah Brah Ndu? Di lĕ gâp ŭch ƀư maak nuih n'hâm ma bunuyh? Tơlah gâp ăt srôih ƀư maak nuih n'hâm ma kon bunuyh, gâp mâu di jêng oh mon ma Brah Krist ôh.

Galati 3:26

Yorlah tă bơh nau chroh tâm Brah Yêsu Krist, lĕ rngôch khân may jêng kon Brah Ndu.

Galati 3:28

Ta aơ mâu geh kơp rnglah êng phung Yuđa mâu lah phung Grek ôh, phung dĭk mâu lah phung kon me, phung bu klâu mâu lah phung bu ur ôh, yorlah lĕ rngôch khân may jêng nguay tâm Brah Yêsu Krist.

Êphêsô 1:1

Y-Pôl, tĭng nâm nau Brah Ndu ŭch jêng kôranh oh mon Brah Yêsu Krist, nchih njuăl ma phung kloh ueh gŭ ta ƀon Êphêsô, jêng phung răp jăp tâm Brah Yêsu Krist.

Êphêsô 1:15

Yor ri, nôk gâp tăng ma nau khân may chroh tâm Kôranh Brah jêng Brah Yêsu Krist, jêh ri ma nau khân may rŏng đah lĕ rngôch phung kloh ueh,

Êphêsô 6:24

Dăn nau yô̆ gŭ ndrel ma lĕ rngôch phung rŏng ma Kôranh Brah he jêng Brah Yêsu Krist ma nau rŏng mâu blau rai.

Philip 2:19

Yor Kôranh Brah jêng Brah Yêsu, gâp kâp gân njuăl gơnh Y-Timôthê văch ma khân may, gay ma gâp nơm geh nau n'hao nuih dôl gĭt nau mhe mhan tă bơh khân may.

Philip 2:5

Ăn khân may geh du nau mĭn tâm ban ma Brah Yêsu Krist hŏ geh jêh,

Philip 3:12

Nây mâu di gâp hŏ pit sŏk jêh ôh nau nkhôm, mâu lah hŏ plơ̆ jêng ma dŭt ueh ngăn ôh, ƀiălah gâp ăt dôl nchuăt, gay dơi pit sŏk, yorlah Brah Yêsu Krist pit sŏk gâp jêh.

Philip 3:3

Yorlah he yơh jêng phung koh ntâu ngăn, phung bunuyh pah kan ma Brah Ndu tă bơh ma Brah Huêng Ueh, khư tâm Brah Yêsu Krist, jêh ri mâu mâp rnơm nsing ma nglay săk ôh.

Philip 3:8

Rlau ma nây, gâp uănh đŏng lĕ ntil ndơ tâm ban ma nau roh rai, yor nau gĭt năl Brah Yêsu Krist, Kôranh Brah gâp, jêng khlay lơn. Yor Păng, gâp dơn nau roh rai ma lĕ rngôch, jêh ri uănh lĕ nau nây nâm bu ndŏk, gay geh Brah Krist,

I Têsalônik 1:1

Y-Pôl, Y-Silvan jêh ri Y-Timôthê nchih njuăl ma Phung Ngih Brah Ndu ta ƀon Têsalônik, phung gŭ tâm Brah Ndu, jêng Mbơ̆, jêh ri tâm Kôranh Brah jêng Brah Yêsu Krist. Dăn nau yô̆ jêh ri nau đăp mpăn ăn ma khân may!

I Têsalônik 2:2

Ƀiălah nâm bu khân may hŏ gĭt jêh, nđâp lah hŏ dơn nau rêh ni jêh ri nau mưch rmot ta ƀon Philip, hên hôm geh nau janh tâm Brah Ndu gay ntăm ma khân may Nau Mhe Mhan Ueh Brah Ndu ta nklang âk nau tâm rdâng.

II Têsalônik 1:1

Y-Pôl, Y-Silvan jêh ri Y-Timôthê nchih samƀŭt njuăl ma Phung Ngih Brah Ndu ta ƀon Têsalônik gŭ tâm Kôranh Brah jêng Brah Yêsu Krist:

II Têsalônik 1:10

tơlah Păng plơ̆ văch tâm nar nây, gay geh nau tâm rnê ta nklang phung kloh ueh Păng jêh ri lĕ rngôch phung chroh geh nau n'gơr uănh, tâm nây geh khân may, yor ma khân may chroh jêh ma nau hên mbơh tanăp măt khân may.

I Timôthê 1:2

nchih njuăl ma Y-Timôthê, kon gâp ngăn tâm nau chroh: Dăn Brah Ndu, Mbơ̆ he, jêh ri Brah Yêsu Krist, Kôranh Brah he, ăn nau yô̆, nau yô̆ nđach jêh ri nau đăp mpăn ma may!

I Timôthê 3:8

Ăn phung bunuyh kơl kan gŭ ngao ueh, mâu ngơi ôh bar bâr, mâu vay nhêt ndrănh, mâu hưp ndơ tâm nau ƀư djơh,

Titus 1:1

Y-Pôl, oh mon Brah Ndu jêh ri kôranh oh mon Brah Yêsu Krist, geh nau pah kan njŭn nau chroh jêh ri nau gĭt rbăng ma nau ngăn tât ta phung bunuyh Brah Ndu săch jêh, jêng nau tâm di ma nuih n'hâm klach yơk,

Titus 1:7

Yorlah jêng nơm mât uănh ngih Brah Ndu, kôranh chiă uănh jêng bunuyh mâu geh ôh nau nduyh; bunuyh nây mâu sưr rlau, mâu gơnh nuih, mâu vay nhêt ndrănh, mâu janh ƀai jêh ri mâu lah hưp ndơ mâu di;

ផីលេមោន 1:1

Y-Pôl, bunuyh gŭ ndrung Brah Yêsu Krist, jêh ri Y-Timôthê, oh nâu he, samƀŭt njuăl ma Y-Philêmôn, nơm hên rŏng jêh ri nơm pah kan ndrel ma hên,

ហេឞ្រើ 13:23

Gâp ŭch ma khân may gĭt ma nâu he jêng Y-Timôthê, bu mƀơk dơi jêng kon me jêh. Tơlah păng văch gơnh, gâp mra hăn khâl khân may ndrel ma păng.

Yakơ 1:1

Y-Yakơ, oh mon Brah Ndu jêh ri Kôranh Brah jêng Brah Yêsu Krist, nchih njuăl ma jât ma bar ndŭl mpôl dôl gŭ rêh nchah rai lam ntŭk. Ăn nau maak ma khân may!

I Pêtrôs 2:25

Yorlah khân may nâm bu biăp hăn nhhơt, ƀiălah aƀaơ khân may plơ̆ sĭt jêh ma Nơm Rmăk Biăp jêh ri ma Kôranh chiă Uănh huêng khân may nơm.

II Pêtrôs 1:1

Y-Simôn Pêtrôs, oh mon jêh ri kôranh oh mon Brah Yêsu Krist, nchih njuăl ma phung tă bơh nau sŏng srăng Brah Ndu he jêh ri tă bơh Nơm Tâm Rklaih jêng Brah Yêsu Krist, sŏk dơn jêh ndrel du nau chroh khlay nâm bu hên.

Yuđas 1:1

Y-Yut, oh mon Brah Yêsu Krist jêh ri oh Y-Yakơ, njuăl samƀŭt ma phung geh nau kuăl jêh, geh Brah Ndu jêng Mbơ̆, rŏng, jêh ri geh Brah Yêsu Krist mât mray.

Nau Tâm Mpơl 1:1

Nau Yêsu Krist tâm mpơl tĭng nâm Brah Ndu ăn ma Păng gay tâm mpơl ma phung oh mon Păng lĕ nau kan bơi tât. Păng njuăl tông mpăr hăn tât gay tâm mpơl ma Y-Yôhan, oh mon Păng,

Nau Tâm Mpơl 1:20

Aơ jêng nau khlay ndâp ma pơh mănh mbing may saơ jêh tâm ti ma Gâp, jêh ri pơh jâng kađen mah: Pơh mănh mbing jêng phung tông mpăr ma phung pơh Ngih Brah Ndu, jêh ri pơh jâng ŭnh kađen jêng pơh Phung Ngih Brah Ndu.”

Nau Tâm Mpơl 19:10

Gâp chon mon ta jâng tông mpăr gay yơk mbah, ƀiălah tông mpăr lah: “Lơi ƀư kơt nây, gâp jêng mĭt jiăng pah kan ndrel ma may jêh ri ma phung oh nâu may, jêng phung bunuyh djôt prăp nau Brah Yêsu mbơh. Yơk mbah hom ma Brah Ndu. Yorlah nau mbơh nkoch ma Brah Yêsu jêng nau du nđơr tâm nau mbơh lor.”

Nau Tâm Mpơl 2:12

“Nchih hom ma phung tông mpăr Phung Ngih Brah Ndu ta ƀon Pergam nâm pô aơ: Aơ jêng nau ngơi bơh Nơm geh đao bar măt mplônh ngăn:

Nau Tâm Mpơl 2:8

“Nchih hom ma phung tông mpăr Phung Ngih Brah Ndu ta ƀon Smirna pô aơ: Aơ jêng nau ngơi Nơm Lor Lơn jêh ri Nglĕ Dŭt, Nơm hŏ khĭt jêh, jêh ri dâk rêh tay:

Nau Tâm Mpơl 22:9

Ƀiălah tông mpăr lah ma gâp: “Lơi ƀư nâm nđĕ! Gâp jêng nơm pah kan ndrel ma may, ndrel ma phung oh nâu may jêng phung nơm mbơh lor, jêh ri ndrel ma phung djôt prăp nau ngơi tâm ndrom samƀŭt aơ. Yơk mbah hom ma Brah Ndu.”