Nơm Nti 9:8 - Nau Brah Ndu Ngơi 2023

⁸ Nsoh ƀaƀơ hom nâm bu tâm nar rƀŭn mpôl jêh ri lơi chuêl ôh mhĭng dak ƀâu kah ta klơ bôk may.

Nơm Nti 9:8 Iomraidhean Croise

II Samuel 14:2

Yor ri, Y-Jôap prơh bu hăn tât ta ƀon Têkôa, joi du huê bu ur me blau mĭn, jêh ri lah ma păng: “Ay jan lah ƀư bunuyh dôl geh nau klâng ndrê, nsoh kho ao klâng ndrê, lơi mhĭng ôh dak ƀâu kah. Ƀư hom nâm bu du huê bu ur me klâng ndrê jŏ nar.

II Samuel 19:24

Y-Mêphibôset, kon Y-Sôl, tâm ban đŏng hăn trŭnh chuă vơt hađăch. Păng mâu geh rao jâng ôh, mâu lĕ kreh têp, jêh ri mâu lah pih kho ao păng, ntơm bơh nar hađăch luh hăn kŏ tât nar păng plơ̆ sĭt ma nau đăp mpăn.

Êsther 8:15

Y-Môrdêkai hăn luh bơh ngih hađăch, nsoh ao hađăch ĭr jêh ri nglang, ndô du mlâm đon hađăch toyh ma mah jêh ri nsoh du ao jong ma bok mhay rhên chăng krăk. Phung ƀon lan ƀon Susa troh nter jêh ri răm rhơn.

Nau Mprơ Ơm 23:5

Kôranh Brah nkra sưng sông sa ma gâp Tanăp phung rlăng gâp; Kôranh Brah tŏ dak ƀâu kah ta bôk gâp, Kachok gâp bêng ler.

Daniel 10:3

Gâp mâu sa ndơ kah ôh, mâu lĕ chiăm puăch jêh ri ndrănh, mâu lĕ gâp mhĭng dak ƀâu kah dôl tâm lĕ pe pơh nây.

Amôt 6:6

Khân may nhêt ndrănh tâm lĕ kachok toyh, Mhĭng khân may nơm ma dak ngi khlay Ƀiălah mâu rngot ôh yor nau ƀư rai tât ma ngih Y-Yôsep!

Mathay 6:17

Ƀiălah tơlah may ât sông sa, mhĭng dak ƀâu kah ta klơ bôk, jêh ri pach muh măt,

Luka 7:46

May mâu tŏ dak ngi ôlive ta bôk Gâp, ƀiălah bu ur nây sŏk dak ƀâu kah mhĭng jâng Gâp.

Nau Tâm Mpơl 16:15

“Aơ, gâp văch nâm bu du huê bunuyh ntŭng, ueh maak yơh ma mbu nơm gŭ njrăng jêh ri mât mray ma kho ao păng nơm, gay ma lơi ăn păng rhôk, lơi ăn bu saơ nau bêk păng nơm!”

Nau Tâm Mpơl 19:14

Phung tahan ta klơ trôk nsoh ao bok mhay rhên, nglang jêh ri kloh da dê, ncho seh nglang hăn tĭng Păng.

Nau Tâm Mpơl 19:8

Bu ăn ur păng nsoh ao bok mhay rhên nchrat ral ngăn jêh ri kloh!” (bok mhay rhên nĕ jêng lĕ kan sŏng srăng phung kloh ueh).

Nau Tâm Mpơl 7:9

Jêh nau nây gâp uănh, ri, geh du mpôl bunuyh âk ngăn mâu hôm dơi kơp ôh, bơh lĕ rngôch lĕ bri dak, lĕ rngôch ndŭl mpôl, lĕ rngôch ƀon lan, lĕ rngôch nau ngơi, dâk tanăp sưng hađăch jêh ri tanăp Kon Biăp, nsoh jêh ao jong nglang, ti djôt n'ha đung.

Bu ur Rut 3:3

Pônây ăn ay ŭm rao hom, mhĭng dak ƀâu kah jêh ri nsoh kho ao ueh lơn jêh nây hăn trŭnh ma ntŭk mprah ba, ƀiălah lơi ăn ôh păng gĭt năl ay tât lôch sông sa jêh ri nhêt.