Nơm Nti 9:3 - Nau Brah Ndu Ngơi 2023

³ Aơ jêng nau mhĭk tât tâm lĕ rngôch moh nau geh tât tâm dâng nar: Yorlah ăp bunuyh dơn nsum du mrô tâm nal yor ri nuih n'hâm kon bunuyh bêng ma nau janh ƀai, jêh ri nau brŭt ndrăng chiă uănh nau mĭn khân păng du bông nau rêh, gay nglĕ dŭt mra hăn lăp tâm ma nau khĭt.

Nơm Nti 9:3 Iomraidhean Croise

Nau Ntơm 6:5

Brah Yêhôva saơ nau djơh mhĭk kon bunuyh lam klơ neh jêh ri khân păng knŏng rvê mĭn ma nau djơh mhĭk dơm,

Nau Ntơm 8:21

Brah Yêhôva maak dơn nau n'hôl ƀâu kah jêh ri mĭn êng: “Gâp mâu mra rtăp rak neh ntu đŏng ôh yor ma phung bunuyh, nđâp lah nau mĭn phung bunuyh djơh mhĭk ntơm bơh păng hôm mom. Gâp mâu mra ƀư rai đŏng ôh lĕ rngôch mpa rêh tâm ban ma Gâp hŏ ƀư jêh.

Ndrom Samƀŭt bơh Yôp 15:16

N'hơn lah ma du huê nơm tih mhĭk, bu rmot, Ƀư nau tih mhĭk nâm bu nhêt dak!

Ndrom Samƀŭt bơh Yôp 21:26

Lĕ bar hê bê̆ch tâm ndruyh neh da dê, Ndrĭt rhai nkŭm kđôi.

Ndrom Samƀŭt bơh Yôp 9:22

Lĕ rngôch tâm ban da dê, yor nây gâp lah: ‘Păng ƀư rai lĕ rngôch bunuyh ueh nđâp phung djơh mhĭk.’

Nau Mprơ Ơm 51:5

Nanê̆, bu deh gâp tâm nau djơh mhĭk, Mê̆ gâp ntreo jêh gâp tâm nau tih.

Nau Mprơ Ơm 64:7

Ƀiălah Brah Ndu mra pănh hăr ma khân păng: Ƀât lât khân păng mra geh sôt rmanh.

Nau Hôr 14:32

Bunuyh mhĭk roh rai yor nau djơh mhĭk păng, Ƀiălah bunuyh sŏng srăng tâm nôk khĭt ăt hôm e geh ntŭk nde.

Nơm Nti 1:17

Gâp nsrôih nti gĭt nau blau mĭn, nti gĭt nau rluk jêh ri nau brŭt ndrăng. Gâp dơn saơ nau nây knŏng jêng tĭng rlong sial khôm.

Nơm Nti 12:7

Jêh ri ndruyh neh plơ̆ sĭt tâm neh nâm bu kơt saơm, Bi huêng plơ̆ sĭt ndrel Brah Ndu jêng Nơm hŏ ăn păng.

Nơm Nti 2:14

Bunuyh blau mĭn geh trôm măt tâm bôk păng, Bi phung rluk chuat hăn tâm nau ngo. Ƀiălah, gâp saơ jêh lĕ bar hê mra hăn ndrel ma du ntŭk tâm nal.

Nơm Nti 7:2

Hăn tât ngih ndrê klâng Ueh lơn tât ma ngih nhêt sa, Yorlah nau nây jêng ntŭk nglĕ dŭt ma lĕ rngôch bunuyh, Jêh ri bunuyh rêh ăn nuih n'hâm klâng rvê.

Nơm Nti 7:25

Gâp nsrôih joi gay ma gĭt, sek uănh, Jêh ri tĭng joi nau blau mĭn ndrel nau di lĕ rngôch ndơ; Gâp gĭt năl pô aơ nau djơh jêng nau rluk, Nau rluk mâl jêng nau brŭt ndrăng.

Nơm Nti 8:11

Yorlah nau phat dôih đah phung mhĭk mâu geh gơnh ro ôh rĭ dĭng nuih n'hâm kon bunuyh bêng ma nau djơh mhĭk.

Nơm Nti 9:11

Gâp saơ tay tâm dâng nar: Mâu di lĕ ngăch jâng jêng blau nchuăt, Suan ktang jêng dơi nau tâm lơh, Ăt mâu di lĕ blau mĭn jêng hơm tŏng, Gĭt rbăng jêng ndrŏng kuăng, Jêh ri blau ngăn jêng nau yô̆; Yorlah mông găl jêh ri nau ƀŭn lap tât da dê ăn ma lĕ rngôch bunuyh.

Nơm Nti 9:2

Ăp nau kan geh tât ăn ma lĕ rngôch bunuyh du ai tâm ban, nsum du mrô tâm nal: Bunuyh sŏng srăng tâm ban ma phung djơh mhĭk, Bunuyh ueh tâm ban ma phung mhĭk, Bunuyh geh nau kloh tâm ban ma phung ƀơ̆ ƀơch, Bunuyh nhhơr mpa ƀư brah tâm ban phung mâu nhhơr, Bunuyh sŏng tâm ban ma phung nau tih, Bunuyh tâm ton tâm ban phung mâu nănh tâm ton.

Nơm Nti 9:4

Knŏng mbu nơm du huê gŭ tâm phung rêh ri mơ geh nau kâp gân, yorlah so rêh rlau lơn ma yau mŭr khĭt!

Yêrêmi 16:12

Bi khân may ƀư nau mhĭk rlau lơn ma phung chô yau khân may đŏng; ăp nơm khân may ma nau dăng bôk tĭng nuih n'hâm mhĭk păng nơm, mâu ŭch tông bâr Gâp ôh.

Yêrêmi 17:10

Gâp, Brah Yêhôva, sek uănh nau mĭn, Rlong uănh nuih n'hâm bu, Plơ̆ ăn ma ăp nơm tĭng nâm trong păng hăn, Jêh ri tĭng nâm play kao bơh kan khân păng ƀư.”

Yêrêmi 17:9

Nuih n'hâm bu jêng mƀruh nchơt lơn ma lĕ ntil mpô mpa, Jêh ri jêng nau djơh mhĭk ngăn. Mbu nơm dơi gĭt?

Luka 15:17

Nôk nây păng mhe kah gĭt, mĭn êng: ‘Geh âk bunuyh pah kan ma mbơ̆ gâp, geh piăng let sa âk rmeh, ƀiălah ta aơ gâp khĭt ji ngot.

Luka 6:11

Ƀiălah khân păng ji nuih hâu ngăn jêh ri tâm nchră băl gay klăp lah ƀư moh nau ma Brah Yêsu.

Kôranh Oh Mon 12:23

Ƀât lât, geh du huê tông mpăr Kôranh Brah dong hađăch Hêrôt yorlah hađăch mâu ăn nau chrêk rmah ma Brah Ndu. Hađăch khĭt yor ma rhai sa.

Kôranh Oh Mon 26:11

Gâp hăn ƀaƀơ lam lĕ ngih rƀŭn gay ma rmal khân păng jêh ri nchâp khân păng dun nau chroh; gâp ji nuih kŏ tât hăn ta ƀon phung bu năch gay ma ƀư djơh khân păng.

Kôranh Oh Mon 26:24

Dôl Y-Pôl ngơi kŏh dŏng ma păng nơm pônây, Phêtus ngơi huy pô aơ: “Hơi Y-Pôl, may roh nau mĭn jêh! May nti âk ngăn tât may jêng rluk!”

Titus 3:3

Yorlah saơm ri he rluk mâl đŏng, mâu blau tông bâr, geh nau ndơm mƀruh, jêng dĭk ma ăp ntil nau kơnh ŭch jêh ri rŏng ma nau nglay săk ŭch, gŭ rêh tâm nau djơh mhĭk, mâu nach, bu tâm rmot ma he jêh ri mưch rmot ndrăng nơm.

II Pêtrôs 2:16

Ƀiălah bunuyh nây geh nau nduyh jêh ma nau ƀư tih păng; du mlâm seh bri mlo blau ngơi nâm bu bunuyh, buay jêh nau brŭt moih nơm mbơh lor nĕ.