Nơm Nti 9:16 - Nau Brah Ndu Ngơi 2023

¹⁶ Pônây, gâp ngơi pô aơ: “Nau blau mĭn ueh lơn suan ktang, ƀiălah nau blau mĭn bunuyh o ach bu mưch rmot, jêh ri nau ngơi nơm nây bu mâu geh iăt ôh.”

Nơm Nti 9:16 Iomraidhean Croise

Nau Hôr 10:15

Drăp ndơ jêng pôih nâp ngăn ma bunuyh ndrŏng kuăng, Nau ƀư rai jêng nau rêh ni ma phung o ach.

Nau Hôr 21:22

Bunuyh blau mĭn rduh lơh ƀon toyh phung janh ktang Jêh ri ƀư rai pôih nâp khân păng rnơm nsing.

Nau Hôr 24:5

Bunuyh blau geh nau dăng n'hâm suan, Jêh ri bunuyh geh nau gĭt mĭn hao lơ hô âk lơn.

Nau Hôr 8:14

Nau blau nchră jêh ri nau gĭt rbăng tâm gâp da dê, Gâp jêng nau gĭt mĭn; nau ktang tă tâm gâp.

Nơm Nti 10:10

Măt sung lĕ ƀâl jêh lah mâu tôl drep ăn hơr, Păng mra nsan dŏng nau dăng suan âk lơn; Ƀiălah nau blau mĭn kơl bu geh nau dơi jêng.

Nơm Nti 7:12

Yorlah krap tâm dâng gui nau blau mĭn ăt nâm bu krap tâm dâng gui prăk rêl; Ƀiălah nau khlay gĭt rbăng dơi jêng nau blau mĭn mât njrăng nau rêh mbu nơm dơi geh păng.

Nơm Nti 7:19

Nau blau mĭn ƀư ăn bunuyh blau geh nau dăng ktang Rlau lơn lĕ rngôch jât nuyh kôranh chiă uănh tâm ƀon.

Nơm Nti 9:18

Nau blau mĭn ueh lơn ma lĕ rngôch moh ndô ndơ tâm lơh, Ƀiălah du huê bunuyh tih ƀư rai lơi âk ntil kan ueh.