Nơm Nti 9:12 - Nau Brah Ndu Ngơi 2023

¹² Kon bunuyh mâu gĭt nôk găl ma păng nơm. Nâm bu ka geh nhuăl mhĭk ngăn, Nâm bu sĭm geh tâm dăk sân, Kon bunuyh ăt geh dăk sân Nau mhĭk ƀât lât jŭr ma khân păng.

Nơm Nti 9:12 Iomraidhean Croise

Nau Mprơ Ơm 11:6

Păng mra nkhŭt dak mih nau mhĭk tât ta klơ phung ƀai: Ŭnh hit, lŭ mô ŭnh jêh ri sial duh Mra jêng kachok prăp êng ma khân păng.

Nau Hôr 24:22

Yorlah nau mhĭk tât ndal tâm khân păng, Jêh ri mbu nơm dơi gĭt nau rêh ni mra tât tă bar ding?

Nau Hôr 29:6

Tâm nau tih bơh phung mhĭk geh du mlâm dăk, Ƀiălah bunuyh sŏng srăng mprơ răm maak.

Nau Hôr 6:15

Yor nây, nau rêh ni mra tât ma păng ma nau ndal; Tâm ƀât lât, păng mra rai roh ro mâu hôm dơi bah ôh.

Nơm Nti 3:19

Yorlah nau mra tât ăn ma kon bunuyh jêh ri ma mpô mpa tâm ban da dê; mpô mpa aơ khĭt, mpô mpa ri ăt khĭt đŏng. Lĕ rngôch bar ntil aơ nsôr nsum du ntil n'hâm nsôr; kon bunuyh mâu rlau nâm bu mpô mpa, yorlah lĕ rngôch dơm dam da dê.

Nơm Nti 8:11

Yorlah nau phat dôih đah phung mhĭk mâu geh gơnh ro ôh rĭ dĭng nuih n'hâm kon bunuyh bêng ma nau djơh mhĭk.

Nơm Nti 8:8

Mâu mbu geh nau dơi ta klơ n'hâm rêh gay djôt prăp păng tay, Ăt mâu mbu geh nau dơi ta klơ nar khĭt. Mâu geh nơm dơi mâu kơp tâm nau tâm lơh nây; Jêh ri nau djơh mhĭk mâu dơi rklaih phung ƀư nau mhĭk.

Nơm Nti 9:13

Gâp ăt saơ du nau ntĭt tât geh tâm dâng măt nar, nau blau mĭn dŭt khlay đah gâp.

Êsai 24:18

Mbu nchuăt du bơh nau klach krit Mra tŭp tâm ntu jru; Tơlah luh tă bơh ntu jru Mra văk tâm dăk. Yorlah lĕ mpông bloh ta klơ trôk pơk da dê, Lĕ mbon neh ntu n'găr mpât da dê.

Êsai 30:13

Yor ri đah khân may, Nau tih aơ tâm ban ma ntŭk trôm đang mpơl ta klơ pêr prêh, Dăch rlâm tŭp ƀât lât, tâm ntơ̆ măt.

Êsêkiêl 32:3

Kôranh Brah Yêhôva lah: ‘Gâp mra nthăng jal Gâp ta klơ may, Ndrel du mpôl bunuyh geh âk ntil mpôl bunuyh, Jêh ri khân păng mra đŏt may tâm jal Gâp.

Ndrom Samƀŭt bơh Ôsê 7:12

Dôl khân păng dâk hăn, Gâp mra nthăng nhuăl ta klơ khân păng; Gâp mra ƀư ma khân păng jŭr tŭp nâm bu sĭm klơ trôk; Gâp mra tâm rmal khân păng Kơt nâm bu nau phung khân păng hŏ tăng.

Ndrom Samƀŭt bơh Ôsê 9:8

Phung nơm mbơh lor, ndrel ma Brah Ndu gâp Jêng bunuyh gak njrăng Êphraim, Ƀiălah dăk nhuăl nthăng tâm ăp trong păng, Nau ji nuih gŭ tâm ngih Brah Ndu păng.

Luka 12:20

Ƀiălah Brah Ndu lah ma păng: ‘Hơi bunuyh rluk! Tâm măng aơ mra sŏk huêng may; kơt nây, drăp ndơ may prăp nkrem jêh mra jêng ndơ ma mbu moh?’

Luka 12:39

Gĭt hom nau nây, tơlah du huê kôranh ngih gĭt moh mông bunuyh ntŭng văch, păng mâu mra ăn ôh bunuyh ntŭng lăp tâm ngih păng.

II Kôrintô 6:2

Yorlah Păng lah pô aơ: “Gâp dơn jêh nau may ngơi tâm nar găl, Gâp kâp kơl may jêh ta nar tâm rklaih.” Ri, aƀaơ aơ jêng nar găl; ri, aƀaơ aơ jêng nar tâm rklaih!

I Têsalônik 5:3

Lah bu lah: “Đăp mpăn jêh ri gŭ đăp rmên” pô ri nau ƀư rai tât ndal, nâm bu nau ji deh ma bu ur ntreo, khân păng mâu dơi klaih ôh.

II Timôthê 2:26

jêh ri kah gĭt gay klaih bơh dăk brah mhĭk sân, yorlah brah mhĭk nhŭp kât khân păng gay ƀư tĭng nau păng ŭch.

I Pêtrôs 2:12

Ăn khân may gŭ ngao sŏng ta nklang phung bu năch, gay ma tơlah khân păng ngơi mhĭk khân may jêng bunuyh djơh mhĭk, khân păng ăt saơ nau ueh khân may ƀư jêh ri tâm rnê Brah Ndu tâm nar Păng chop khâl.

II Pêtrôs 2:12

Ƀiălah, tâm ban phung mpô mpa mâu geh nau gĭt rbăng, gŭ rêh tĭng nau nglay săk ŭch, bu deh ma khân păng prăp ăn ma bu nchron nhŭp jêh ri sreh nkhĭt, phung bunuyh nây ngơi djơh tât lĕ nau khân păng mâu gĭt, bu mra ƀư rai lĕ khân păng tâm ban ma mpô mpa,