Nơm Nti 9:10 - Nau Brah Ndu Ngơi 2023

¹⁰ Lĕ kan ti may dơi ƀư, ƀư hom lĕ nau ktang may; yorlah tâm ƀon phung khĭt, jêng ntŭk dôl may hăn tât, mâu geh nau kan, nau nchră, nau gĭt rbăng mâu lah jêng nau blau mĭn.

Nơm Nti 9:10 Iomraidhean Croise

Nau Ntơm 37:35

Lĕ rngôch phung kon bu klâu jêh ri kon bu ur hăn văch bonh leng păng da dê, ƀiălah păng dun lĕ nau bonh leng. Păng lah: “Gâp rngot klâng kŏ tât trŭnh tâm ƀon phung khĭt n'hanh kon gâp!” Pôri, mbơ̆ păng nhĭm ndăng yor klâng ma Y-Yôsep.

I Nau Rêh Jêng 22:19

Pôri aƀaơ, ma lĕ nuih n'hâm jêh ri lĕ mĭn khân may joi hom Yêhôva Brah Ndu khân may. Ntơm ndâk hom ngih brah kloh ueh ma Yêhôva Brah Ndu, gay ma Hip Nau Tâm Rnglăp Brah Yêhôva jêh ri lĕ ndơ dŏng kloh ueh Brah Ndu dơm tâm ngih brah ndâk jêh ma amoh Brah Yêhôva.”

I Nau Rêh Jêng 28:20

Y-Đavit lah tay ma Y-Salômôn, kon păng nơm pô aơ: “Ktang hom jêh ri nâp nuih n'hâm ƀư nau nây! Lơi klach ôh, lơi rdja nuih n'hâm ôh, yorlah Yêhôva Brah Ndu, jêng Brah Ndu gâp, gŭ ndrel ma may, Păng mâu mra chalơi may, mâu đŏng du luh bơh may, ma tât lôch jêh lĕ rngôch nau kan ndâk ngih Brah Yêhôva.

Nêhêmi 2:12

Gâp jêh ri phung ƀaƀă hăn ndrel gâp, dâk hăn klong măng, gâp mâu ăn du huê nuyh gĭt ôh moh nau Brah Ndu hŏ dơm jêh tâm nuih n'hâm gâp gay ŭch ƀư ma Yêrusalem. Rlau ma nây seh bri gâp ncho mâu hôm geh ôh mpô mpa êng ndrel ma gâp.

Nêhêmi 4:2

Păng lah tanăp phung oh nâu păng jêh ri phung tahan n'gor Samari pô aơ: “Lĕ rngôch phung Yuđa lĕ ra-ai nây moh ndơ ƀư? Khân păng mra ndâk đŏng mpêr ƀon? Khân păng mra nhhơr ndơ ƀư brah mâu? Tâm du nar mâm khân păng mra ƀư dơi jêh lĕ? Lŭ lĕ ŭnh sa jêh, khân păng hŏ bun mbŭch jêng neh muy, jêh nây sŏk păng jêng lŭ tay dơi lĕ?”

Nêhêmi 4:6

Pônây hên ndâk mpêr ƀon ma tât nôk lĕ pêr tâm njĭr ndrel da dê jêh ri n'hao tât du n'gul prêh klơ, yorlah phung ƀon lan ƀư kan lĕ nuih n'hâm khân păng.

Ndrom Samƀŭt bơh Yôp 10:21

Êlor gâp du luh gay mâu hôm plơ̆ tay ôh, Tât ta bri ngo klĕng jêh ri tâm dâng gui nau khĭt.

Ndrom Samƀŭt bơh Yôp 10:22

Nây jêng n'gor măng ngo klĕng, tâm dâng nau khĭt uh ah, Ntŭk nau ang kŏ mâu êng đŏng đah nau ngo.’”

Ndrom Samƀŭt bơh Yôp 21:13

Khân păng dơn lĕ nar khay gŭ rêh tâm nau chăt jêng, Jêh nây đăp mpăn hăn trŭnh tâm ƀon phung khǐt.

Nau Mprơ Ơm 6:5

Yor tâm nau khĭt mâu hôm bunuyh kah gĭt ma Kôranh Brah; Ƀon phung khĭt mbu mra tâm rnê lah ueh ma May?

Nau Hôr 3:28

Tơlah may geh ndơ nơm chiau meng ŭch ma ndơ nây, Lơi lah ôh: “Hăn hom jêh ri plơ̆ tay, ôi taơ gâp mra ăn ma may.”

Nơm Nti 11:3

Tơlah tŭk bêng ma dak Mih mra jŭr hoch ta klơ neh; Dôl geh du tơm si cha lôt mpeh pa dâng mâu lah mpeh pa lơ, Ntŭk rlet tơm si chôt mra gŭ ta nây ro.

Nơm Nti 11:6

Ơm ôi, hăn hom srih ntil, Mhaơ tât lơi rlu ôh ti; Yorlah may mâu gĭt ôh moh rơh srih mra dơi jêng, Rơh srih kêng ôi mâu lah kêng mhaơ, Mâu lah lĕ bar hon ueh tâm ban da dê.

Êsai 38:10

Gâp hŏ lah jêh: “Ta nklang rnôk gâp gŭ rêh, Ăn gâp hăn du; Lĕ năm hôm e ma nau rêh gâp, Gâp roh ta mpông ƀon phung khĭt!”

Yêrêmi 29:13

Khân may mra joi Gâp jêh ri dơi mâp, lah khân may tĭng joi Gâp ma lĕ nuih n'hâm.”

Nau Kơp Bunuyh 13:30

Nôk nây ro, Y-Kalep ƀư ma phung ƀon lan gŭ rklăk hom, dôl khân păng ngơi ƀrôk đah Y-Môis, jêh ri păng lah: “Ăn he hăn hao hom jêh ri pit sŏk n'gor nây, yorlah he dơi tâm lơh.”

Mathay 20:7

Phung nây plơ̆ lah: ‘Yorlah mâu geh bunuyh ŭch nkhôm hên.’ Păng lah ma khân păng: ‘Khân may hăn hom lăp tâm đang krăk ƀâu gâp.’

Mathay 6:33

Ƀiălah lor lơn, ăn khân may joi ƀon bri hađăch Brah Ndu jêh ri nau sŏng srăng Păng, ri mơ Păng mra ăn ntop lĕ rngôch ndơ nây ma khân may đŏng.

Yôhan 4:34

Brah Yêsu lah ma khân păng: “Ndơ sông sa Gâp jêng ƀư tĭng nau mĭn ŭch Nơm hŏ njuăl Gâp, jêh ri ƀư lôch jêh nau kan Păng.

Yôhan 9:4

Nôk trôk hôm ang, ăn he ƀư hom lĕ kan ma Nơm hŏ njuăl Gâp; măng tât, mâu hôm geh bunuyh dơi pah kan ôh.

Samƀŭt Pôl Njuăl Ăn Ma Phung Nsing Ta Ƀon Rôm 12:11

Duh nđơr hom, lơi ƀlao ôh; ăn geh n'hâm suan mĭn gơih nđơr; pah kan hom ma Kôranh Brah.

I Kôrintô 15:10

Ƀiălah yor ma nau yô̆ Brah Ndu gâp dơi jêng nâm bu nar aơ, jêh ri nau yô̆ Păng ăn ma gâp mâu di jêng dơm dam ôh. Ƀiălah, gâp pah kan âk lơn ma lĕ rngôch bunuyh êng; nau nây mâu di gâp, ƀiălah jêng nau yô̆ Brah Ndu gŭ ndrel ma gâp.

I Kôrintô 16:10

Tơlah Y-Timôthê tât, srôih kơl hom ma păng geh nau nơih ta nklang khân may, yorlah păng pah kan ma Kôranh Brah tâm ban ma gâp.

I Kôrintô 9:24

Khân may mâu gĭt hĕ tâm nau nchuăt tâm rlong ta ntŭk pâl, lĕ rngôch nchuăt da dê, ƀiălah knŏng du huê geh nau nkhôm? Pôri, nchuăt hom gay ma khân may pit sŏk nau nkhôm.

I Kôrintô 9:26

Pônây yơh, gâp nchuăt, mâu di nchuăt lă lêng; gâp dong, mâu di dong tâm sial ôh.

Êphêsô 5:16

Blau dŏng hom mông nar, yorlah lĕ nar jêng mhĭk.

Kôlôh 3:23

Moh ntil khân may ƀư, ƀư hom ma lĕ nuih n'hâm, nâm bu ƀư ma Kôranh Brah lĕ, mâu di ƀư ma bunuyh ôh,

I Samuel 10:7

Tơlah saơ lĕ nau mbên nây tât ngăn may ƀư hom tĭng nâm may dơi ƀư, yorlah Brah Ndu gŭ ndrel ma may!