Nơm Nti 8:8 - Nau Brah Ndu Ngơi 2023

⁸ Mâu mbu geh nau dơi ta klơ n'hâm rêh gay djôt prăp păng tay, Ăt mâu mbu geh nau dơi ta klơ nar khĭt. Mâu geh nơm dơi mâu kơp tâm nau tâm lơh nây; Jêh ri nau djơh mhĭk mâu dơi rklaih phung ƀư nau mhĭk.

Nơm Nti 8:8 Iomraidhean Croise

II Samuel 14:14

Lĕ rngôch he mra khĭt yơh, tâm ban ma dak lĕ nkhŭt jêh klơ neh, mâu hôm blau rƀŭn ndrel ôh. Ƀiălah Brah Ndu mâu mra sŏk lơi ôh nau rêh; ƀiălah, Păng gĭt tĭng joi trong gay nơm bu mprơh jêh mâu ăn du ngai đah Păng.

II Phung Hađăch 7:15

Khân păng hăn tĭng phung tahan Aram kŏ tât ta dak krong Yurdan. Dôl tâm du njăr trong nây, khân păng saơ bêng ma kho ao jêh ri ndô ndơ phung tahan Aram mƀăr lơi tâm nôk nchuăt du. Phung prơh hăn plơ̆ sĭt jêh ri mbơh ma hađăch.

Ndrom Samƀŭt bơh Yôp 14:5

Mrô nar ma nau rêh bunuyh bơh Kôranh Brah lĕ nal jêh, Mrô khay năm knŏng tâm Păng yơh, Jêh ri ndah dŭt May tâm nal jêh, mâm dơi rlau.

Ndrom Samƀŭt bơh Yôp 34:14

Tơlah Păng knŏng mĭn rvê êng ma Păng nơm, Sŏk sĭt huêng brah jêh ri n'hâm nsôr ma Păng,

Nau Mprơ Ơm 89:48

Mbu jêng bunuyh gŭ rêh jêh ri mâu saơ nau khĭt ôh? Mbu mra tâm rklaih huêng păng nơm bơh nau dơi phung khĭt? (Sêla)

Nau Mprơ Ơm 9:17

Phung mhĭk mra hăn lăp ta ƀon phung khĭt, Lĕ rngôch phung ƀon lan chuêl Brah Ndu tâm ban pônây lĕ.

Nau Hôr 12:3

Kon bunuyh mâu jêng nâp ôh yor nau djơh mhĭk, Ƀiălah tơm reh ma phung sŏng srăng bu mâu geh n'gơ ôh.

Nau Hôr 14:32

Bunuyh mhĭk roh rai yor nau djơh mhĭk păng, Ƀiălah bunuyh sŏng srăng tâm nôk khĭt ăt hôm e geh ntŭk nde.

Nơm Nti 3:21

Mbu dơi gĭt, mâu lah huêng kon bunuyh hao leo klơ, mâu lah huêng mpô mpa trŭnh tâm dâng neh?”

Nơm Nti 8:13

Ƀiălah phung mhĭk mâu mra dơi geh nau ueh uĭn, ăt mâu mra rêh jŏ ôh; nau rêh phung mhĭk rlau ngăch nâm bu gui yorlah khân păng mâu klach yơk ma Brah Ndu.

Nơm Nti 9:12

Kon bunuyh mâu gĭt nôk găl ma păng nơm. Nâm bu ka geh nhuăl mhĭk ngăn, Nâm bu sĭm geh tâm dăk sân, Kon bunuyh ăt geh dăk sân Nau mhĭk ƀât lât jŭr ma khân păng.

Êsai 28:15

Yorlah khân may lah jêh: “Hên hŏ ƀư jêh nau tâm rnglăp đah nau khĭt, Hên geh du nau tâm rnglăp đah ƀon phung khĭt Lah nau tât geh ƀư rai rmeh ler rgăn Mâu mra tât ma hên ôh. Yorlah hên sŏk jêh nau mƀruh jêng ntŭk hên nsing, Sŏk nau ndơm jêng ntŭk hên du krap.”

Êsai 28:18

Rnôk nây, nau khân may tâm rnglăp đah nau khĭt mâu mra hôm jêng ôh, Nau khân may tâm rnglăp đah ƀon phung khĭt mâu mra dâk nâp ôh. Lah nau tât ƀư rai bêng ler rgăn, Khân may mra rai yot.

Êsai 47:10

Ay rnơm tâm nau ƀai ay. Jêh ri ay lah pô aơ: “Mâu geh nơm saơ gâp ôh.” Nau blau mĭn jêh ri nau ay gĭt rbăng Hŏ njŭn leo ay tâm trong tih, Jêh ri ay lah jêh tâm nuih n'hâm pô aơ: “Gâp aơ, rlau ma gâp mâu geh nơm êng ôh!”

I Kôrintô 15:43

bu tuch jêng bêk prêng, ƀiălah dâk rêh tay jêng chrêk rmah; bu tuch jêng rdja, ƀiălah dâk rêh tay jêng ktang;

II Kôrintô 13:4

Nđâp tơlah bu pâng Păng ta si tâm rkăng tâm nau huơi, ƀiălah Păng dôl rêh ma nau brah Brah Ndu. Hên kơt nây đŏng, nđâp tơlah hên huơi tâm Păng, ƀiălah tâm nau brah Brah Ndu hên mra gŭ rêh đah Păng, gay gŭ ngao ma khân may.

ហេឞ្រើ 9:27

Tĭng nâm bu hŏ nal jêh ma kon bunuyh mra khĭt du tơ̆, jêh nây dơn nau phat dôih.