Nơm Nti 8:5 - Nau Brah Ndu Ngơi 2023

⁵ Bunuyh tông nau ntrŭnh bơh hađăch mâu mra mâp nau mâu ueh, Jêh ri nuih n'hâm bunuyh blau mĭn dơi gĭt mông găl jêh ri gĭt nau ndrăp ƀư.

Nơm Nti 8:5 Iomraidhean Croise

I Nau Rêh Jêng 12:32

Tâm phung kon sau Isakar, geh bar rhiăng bunuyh kôranh chiă uănh gĭt rblang lĕ nau tât jêh ri gĭt moh nau di ma phung Israel ƀư. Lĕ rngôch ndŭl mpôl khân păng tâm dâng nau khân păng chiă uănh.

Nau Mprơ Ơm 119:6

Tơlah gâp gơih mĭn ma lĕ nau vay May ntăm. Pôri gâp mâu mra bêk ôh.

Nau Ngluh Êjipt 1:17

Ƀiălah phung bu ur mât deh klach yơk ma Brah Ndu, mâu ƀư ôh tĭng nâm nau hađăch Êjipt ntăm, hôm om phung kon bu klâu ăn rêh.

Nau Hôr 12:21

Mâu geh ôh du ntil nau mhĭk tât ma bunuyh sŏng srăng, Ƀiălah phung ƀai nkŭm bêng ma nau mhĭk tât.

Nau Hôr 17:24

Bunuyh gĭt rbăng rle măt mpeh ma nau blau mĭn, Ƀiălah trôm măt phung rluk gŭ ta ntŭk dŭt neh ntu.

Nơm Nti 10:2

Nuih n'hâm bunuyh blau mĭn rle mpeh nau di, Bi nuih n'hâm phung rluk rle mpeh nau rlơ̆.

Nơm Nti 12:13

Nau nglĕ dŭt ăn lĕ rngôch moh ndơ hŏ tăng jêh ta klơ aơ: Klach yơk hom ma Brah Ndu jêh ri djôt prăp nau vay ntăm bơh Păng, Nây jêng lĕ nau ƀư di ma kon bunuyh.

Nơm Nti 2:14

Bunuyh blau mĭn geh trôm măt tâm bôk păng, Bi phung rluk chuat hăn tâm nau ngo. Ƀiălah, gâp saơ jêh lĕ bar hê mra hăn ndrel ma du ntŭk tâm nal.

Nơm Nti 8:2

Gâp ntĭm djôt prăp hom nau ntrŭnh bơh hađăch ntăm, yorlah Brah Ndu geh sơm ton ma hađăch.

Ndrom Samƀŭt bơh Ôsê 5:11

Êphraim bu tŭn jot, Rchiăt hăch jêh bơh nau phat dôih; Yorlah păng hŏ tâm nal nchuăt tĭng nau ƀơ̆.

Luka 20:25

Păng lah: “Pôri, mplơ̆ lơi hom ma Sêsar lĕ ndơ jêng ndơ Sêsar, mplơ̆ lơi hom ma Brah Ndu lĕ ndơ jêng ndơ Brah Ndu.”

Kôranh Oh Mon 4:19

Ƀiălah Y-Pêtrôs jêh ri Y-Yôhan plơ̆ lah: “Dăn khân may sek uănh hom, moh nau di tanăp Brah Ndu, tông bâr ma khân may hĕ, mâu lah tông bâr ma Brah Ndu?

Kôranh Oh Mon 5:29

Y-Pêtrôs jêh ri kôranh oh mon plơ̆ lah: “Ăn he tông bâr Brah Ndu ueh lơn ma tông bâr bunuyh.

Kôlôh 1:9

Yor nây, bơh nar tăng nau nây, hên mâu rlu mbơh sơm ma khân may, dăn Brah Ndu ăn ma khân may geh nau gĭt năl rah vah nau mĭn ŭch Păng tâm lĕ nau blau mĭn jêh ri gĭt rbăng tâm nau rêh huêng

ហេឞ្រើ 5:14

Ƀiălah ndơ sông sa dăng prăp ma phung văch ma toyh, jêng ma phung bunuyh bơh nsrôih ƀư tĭng ma nau blau nti ngăn dơi rnglah êng nau ueh jêh ri nau mhĭk.