Nơm Nti 8:14 - Nau Brah Ndu Ngơi 2023

¹⁴ Hôm geh du ntil nau dơm dam aơ đŏng tât geh ta klơ neh: Geh âk phung sŏng srăng geh nau tât nâm bu nau tât ma phung djơh mhĭk; geh đŏng âk phung mhĭk dơi mâp nau ueh nâm bu khân păng hŏ ƀư nau sŏng srăng. Gâp ngơi pô aơ nau aơ ăt jêng nau dơm dam.

Nơm Nti 8:14 Iomraidhean Croise

Ndrom Samƀŭt bơh Yôp 1:22

Tâm lĕ kan nây, Y-Yôp mâu tih ôh jêh ri mâu lĕ ngơi nau nduyh ma Brah Ndu.

Ndrom Samƀŭt bơh Yôp 21:7

Mâm ƀư phung djơh mhĭk hôm rêh tât ranh, Lơ ranh lơ ma hao geh jêng?

Ndrom Samƀŭt bơh Yôp 27:12

Lĕ rngôch khân may gĭt năl nau nây da dê jêh, Pôri mâm khân may hôm e ngơi lĕ nau ngơi dơm dam nâm bu pônây?

Nau Mprơ Ơm 73:3

Yorlah gâp saơ nau ndrŏng phung mhĭk Pôri gâp ji nuih ma phung sưr.

Nơm Nti 10:5

Geh du nau mhĭk ngăn gâp hŏ saơ jêh tâm dâng nar; Du nau vĭ vĭr ntơm bơh nơm chiă uănh:

Nơm Nti 2:14

Bunuyh blau mĭn geh trôm măt tâm bôk păng, Bi phung rluk chuat hăn tâm nau ngo. Ƀiălah, gâp saơ jêh lĕ bar hê mra hăn ndrel ma du ntŭk tâm nal.

Nơm Nti 4:4

Gâp dơn saơ kon bunuyh pah kan đah nau hŏt rgănh jêh ri gĭt blau, knŏng yor ŭch nach bunuyh aơ đah nơm êng dơm yơh. Nau aơ nâm bu jêng nau dơm dam, tĭng rlong sial khôm.

Nơm Nti 4:8

Geh du huê nơm rêh êng; Mâu geh kon, ăt mâu geh oh nâu, Ƀiălah nau hŏt rgănh păng mâu rlu, Măt uănh ma drăp ndơ mâu blau dĭl; Păng mâu ôp êng pô aơ: “Gâp mra dơn hŏt rgănh, Đă gâp nơm chalơi nau ueh maak ma mbu moh yor?” Aơ ăt jêng nau dơm dam, Nanê̆ ngăn jêng nau kan dŭt hŏt.

Nơm Nti 7:15

Tâm lĕ nar dơm dam gâp, gâp hŏ saơ lĕ rngôch ăp ntil nau: Bunuyh sŏng srăng gơnh khĭt, nđâp lah rêh sŏng srăng; Bi phung djơh mhĭk dơi rêh jŏ năm, nđâp lah gŭ rêh djơh mhĭk.

Yêrêmi 12:1

Ơ Brah Yêhôva, May sŏng srăng mro Ăp tơ̆ gâp ngơi tâm rlăch nchră đah May; Nđâp pônây, gâp dăn ôp May ma nau phat dôih. Mâm ƀư trong phung ƀai geh nau ndrŏng ktang mro? Mâm ƀư phung gŭ rêh ndơm geh nau mpăn rlêk?

Malachi 3:15

Aƀaơ, hên kơp phung sưr jêng geh ueh lăng ngăn; phung ƀư nau djơh mhĭk mâu knŏng dơi geh nau chăt hao, ƀiălah khân păng hôm e rlong uănh Brah Ndu, jêh ri hŏ dơi klaih jêh!”