Nơm Nti 8:12 - Nau Brah Ndu Ngơi 2023

¹² Nđâp tơlah nơm ƀư mhĭk rhiăng tơ̆ dơi geh nau rêh jŏ gâp hôm gĭt pô aơ bunuyh klach yơk ma Brah Ndu mra dơi geh nau ueh uĭn, yorlah bunuyh klach yơk ma Păng.

Nơm Nti 8:12 Iomraidhean Croise

I Phung Hađăch 21:25

Nanê̆ ngăn, mâu geh ôh bunuyh tâm ban ma Y-Ahap, tăch êng păng nơm gay ƀư nau mhĭk tanăp măt Brah Yêhôva, jêng nơm H'Jêsêbel ur păng hŏ nsŭk nsôr.

I Nau Rêh Jêng 16:30

Ơ lĕ rngôch phung neh ntu, râm nsâr hom tanăp Păng! Neh ntu dơi ndâk nâp ngăn ngên, mâu dơi mpât n'gơ ôh.

Ndrom Samƀŭt bơh Yôp 35:15

Aƀaơ ri, yorlah nau Păng ji nuih mâu hŏ tât ôh nau rmal, Jêh ri yorlah Păng mâu hŏ klăp ndăng ir ma nau ƀư tih nây,

Nau Mprơ Ơm 112:1

Halêluya! Ueh maak yơh nơm klach yơk ma Brah Yêhôva, Lĕ nuih n'hâm rŏng ngăn ma nau Păng ntăm!

Nau Mprơ Ơm 115:13

Păng mra ăn nau ueh uĭn ma phung klach yơk ma Brah Yêhôva Phung jê̆ mâu lah phung toyh đŏng kơt nây.

Nau Mprơ Ơm 128:2

Yorlah may mra sa play bơh kan ti may ƀư, Geh nau ueh maak jêh ri geh nau ƀŭn lap.

Nau Mprơ Ơm 37:11

Bi ma bunuyh dêh rhêt mra geh n'gor ƀư drăp ndơn, Jêh ri maak dơn nau đăp mpăn nau ndrŏng.

Nau Mprơ Ơm 96:9

Nkrơ̆ hom ma nau kloh ueh jêh ri yơk mbah ma Brah Yêhôva; Ơ lĕ rngôch phung ta neh ntu, râm nsâr hom tanăp Păng.

Nau Ngluh Êjipt 1:20

Brah Ndu ăn nau ueh uĭn ma phung bu ur mât deh; rnoh phung ƀon lan Israel bĭk rơ̆ jêh ri khăn păng jêng dăng ngăn ngên.

Nau Hôr 13:21

Nau mhĭk tĭng groi phung geh nau tih, Bi nau ueh lăng jêng nau nkhôm ma bunuyh sŏng srăng.

Nau Hôr 28:14

Bunuyh klach yơk ma Kôranh Brah dơi geh nau ueh uĭn ƀaƀơ; Bi ma nơm dăng nuih n'hâm mra tŭp tâm nau rêh ni.

Nơm Nti 12:13

Nau nglĕ dŭt ăn lĕ rngôch moh ndơ hŏ tăng jêh ta klơ aơ: Klach yơk hom ma Brah Ndu jêh ri djôt prăp nau vay ntăm bơh Păng, Nây jêng lĕ nau ƀư di ma kon bunuyh.

Nơm Nti 3:14

Gâp saơ pô aơ lĕ kan Brah Ndu hŏ ƀư mra hôm e tât n'ho ro; bu mâu dơi ntop đŏng ôh, mâu đŏng dơi n'hŭch lơi. Mâm Brah Ndu ƀư kơt nây gay kon bunuyh klach yơk ma Păng.

Nơm Nti 5:16

Aơ jêng tâm ban du nau mhĭk jru ngăn: Mâm nau păng lăp tâm nau rêh mra luh nâm bu pônây lĕ. Pôri, kon bunuyh dơn nau hŏt rgănh tĭng rlong sial khôm Geh ndơ khlay lĕ?

Nơm Nti 5:7

Ta ntŭk geh âk ir nau mbơi, ta nây geh âk nau dơm dam jêh ri âk nau ngơi. Pôri, klach yơk hom ma Brah Ndu.

Nơm Nti 7:15

Tâm lĕ nar dơm dam gâp, gâp hŏ saơ lĕ rngôch ăp ntil nau: Bunuyh sŏng srăng gơnh khĭt, nđâp lah rêh sŏng srăng; Bi phung djơh mhĭk dơi rêh jŏ năm, nđâp lah gŭ rêh djơh mhĭk.

Nơm Nti 7:18

Ueh lơn, may djôt prăp nau aơ Ăt mâu lĕ mƀơk ti tă bơh nau ri, Yorlah bunuyh klach yơk ma Brah Ndu der bơh nau nây.

Yêrêmi 44:10

Kŏ tât ma nar aơ, khân păng ăt mâu mâp rmal nau tih, mâu klach yơk lĕ, mâu lĕ rêh tĭng nau vay jêh ri nau vay dăp Gâp hŏ njêng jêh tanăp khân may jêh ri phung chô yau khân ay may.’

Mathay 25:34

Nôk nây, Hađăch mra lah ma phung mpeh pa ma pô aơ: ‘Hơi phung Mbơ̆ Gâp ăn nau ueh uĭn, văch hom dơn ƀon bri hađăch klơ trôk ndrăp nkra jêh ăn ma khân may ntơm bơh rhăk njêng neh ntu.

Luka 1:50

Jêh ri Păng yô̆ nđach ma phung bunuyh klach yơk mbah ma Păng, Ntơm bơh rnôk aơ tât rnôk ri.

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,

Samƀŭt Pôl Njuăl Ăn Ma Phung Nsing Ta Ƀon Rôm 9:22

Tơlah Brah Ndu ŭch tâm mpơl nau ji nuih jêh ri mbơh nau brah Păng, Păng hŏ srôih ŭn nuih tâm lĕ yăng khư geh nau ji nuih prăp ma nau roh rai, mhâm hơh?

Nau Vay Nkah Tay 12:25

Lơi ta sa ôh mham, gay khân may jêh ri phung kon sau khân may geh nau ueh uĭn, yor khân may hŏ ƀư jêh nau di tanăp măt Brah Yêhôva.

Nau Vay Nkah Tay 12:28

Njrăng hom jêh ri djôt prăp lĕ rngôch nau ngơi gâp ntĭnh ma khân may, gay ma khân may jêh ri phung kon sau khân may geh nau ueh uĭn n'ho ro, yorlah khân may ƀư nau ueh jêh ri nau di tanăp măt Yêhôva Brah Ndu khân may.

Nau Vay Nkah Tay 4:40

Djôt prăp hom lĕ nau vay Păng dăp jêh ri nau vay Păng ntăm, gâp ăn jêh ma khân may nar aơ gay ma khân may jêh ri ma phung kon sau khân may pakơi taơ geh nau ueh uĭn, jêh ri dơi gŭ jŏ nar tâm n'gor Yêhôva Brah Ndu khân may ăn jêh ma khân may n'ho ro.”

II Pêtrôs 2:9

pôri Kôranh Brah gĭt năl mâm ƀư gay tâm rklaih phung bunuyh blau yơk bơh nau rlong uănh, jêh ri prăp phung kue tâm nau rmal ma tât nar phat dôih,