Nơm Nti 7:23 - Nau Brah Ndu Ngơi 2023

²³ Gâp hŏ dŏng nau blau mĭn gay rlong uănh lĕ nau nây, jêh ri gâp ngơi: “Gâp mra plơ̆ jêng blau mĭn,” Ƀiălah nau blau mĭn ăt hôm ngai ma gâp.

Nơm Nti 7:23 Iomraidhean Croise

Nau Ntơm 3:5

Yorlah Brah Ndu gĭt lah khân may sa play nây pôri măt mra lin, jêh ri khân may mra jêng nâm bu Brah Ndu, gĭt nau ueh jêh ri nau mhĭk.”

Nơm Nti 1:17

Gâp nsrôih nti gĭt nau blau mĭn, nti gĭt nau rluk jêh ri nau brŭt ndrăng. Gâp dơn saơ nau nây knŏng jêng tĭng rlong sial khôm.

Nơm Nti 3:11

Lĕ rngôch kan Brah Ndu hŏ ƀư jêng ueh da dê tâm rnôk păng. Nđâp tơlah Brah Ndu n'gân nau n'ho ro tâm nuih n'hâm kon bunuyh, ƀiălah khân păng ăt mâu dơi gĭt rbăng nau kan Păng ƀư ntơm bơh saơm tât nglĕ dŭt.

Nơm Nti 7:22

Yorlah nuih n'hâm may gĭt jêh pô aơ: May nơm hŏ âk tơ̆ rak rtăp bu êng.

Nơm Nti 8:17

Gâp sek uănh lĕ rngôch nau kan Brah Ndu jêh ri dơn gĭt pô aơ kon bunuyh mâu dơi joi gĭt rbăng lĕ kan tât geh tâm dâng nar. Nđâp tơlah kon bunuyh hŏt r'ah tĭng joi ăt mâu dơi joi gĭt rbăng đŏng ôh. Nđâp lĕ bunuyh blau mĭn ntôn lah pô aơ păng mra dơi gĭt ăt mâu dơi joi gĭt rbăng.

Samƀŭt Pôl Njuăl Ăn Ma Phung Nsing Ta Ƀon Rôm 1:22

Khân păng êng mbơh khân păng nơm jêng blau mĭn, ƀiălah plơ̆ jêng brŭt rluk.

I Kôrintô 1:20

Bunuyh blau mĭn mbah ntŭk? Phung kôranh nchih samƀŭt mbah ntŭk? Nơm blau tâm rlăch nchră tâm rnôk aơ mbah ntŭk? Mâu di hĕ Brah Ndu hŏ ƀư jêh nau blau mĭn tâm neh ntu jêng nau brŭt moih?