Nơm Nti 7:2 - Nau Brah Ndu Ngơi 2023

² Hăn tât ngih ndrê klâng Ueh lơn tât ma ngih nhêt sa, Yorlah nau nây jêng ntŭk nglĕ dŭt ma lĕ rngôch bunuyh, Jêh ri bunuyh rêh ăn nuih n'hâm klâng rvê.

Nơm Nti 7:2 Iomraidhean Croise

Nau Mprơ Ơm 90:12

Dăn May sâm nti hom hên blau kơp lĕ nar hên Gay ma nuih n'hâm hên geh nau blau mĭn.

Nơm Nti 2:14

Bunuyh blau mĭn geh trôm măt tâm bôk păng, Bi phung rluk chuat hăn tâm nau ngo. Ƀiălah, gâp saơ jêh lĕ bar hê mra hăn ndrel ma du ntŭk tâm nal.

Nơm Nti 2:16

Bu mâu hôm kah gĭt mro bunuyh blau mĭn tâm ban phung rluk; yorlah tâm lĕ nar mra dăch tât, lĕ rngôch chuêl da dê. Di yơh, bunuyh blau mĭn tâm ban phung rluk mra khĭt da dê!

Nơm Nti 3:19

Yorlah nau mra tât ăn ma kon bunuyh jêh ri ma mpô mpa tâm ban da dê; mpô mpa aơ khĭt, mpô mpa ri ăt khĭt đŏng. Lĕ rngôch bar ntil aơ nsôr nsum du ntil n'hâm nsôr; kon bunuyh mâu rlau nâm bu mpô mpa, yorlah lĕ rngôch dơm dam da dê.

Nơm Nti 3:20

Lĕ rngôch nsum du ntŭk da dê; lĕ rngôch luh bơh ndruyh neh, lĕ rngôch mra plơ̆ sĭt ma ndruyh neh.

Nơm Nti 6:6

Ntĭt lah bunuyh ri rêh tât bar rbăn năm ƀiălah mâu dơi dơn đê̆ nau ueh maak mâm dơi geh nau khlay? Mâu di lĕ rngôch bunuyh sĭt ndrel du ntŭk da dê hĕ?

Nơm Nti 9:2

Ăp nau kan geh tât ăn ma lĕ rngôch bunuyh du ai tâm ban, nsum du mrô tâm nal: Bunuyh sŏng srăng tâm ban ma phung djơh mhĭk, Bunuyh ueh tâm ban ma phung mhĭk, Bunuyh geh nau kloh tâm ban ma phung ƀơ̆ ƀơch, Bunuyh nhhơr mpa ƀư brah tâm ban phung mâu nhhơr, Bunuyh sŏng tâm ban ma phung nau tih, Bunuyh tâm ton tâm ban phung mâu nănh tâm ton.

Nơm Nti 9:3

Aơ jêng nau mhĭk tât tâm lĕ rngôch moh nau geh tât tâm dâng nar: Yorlah ăp bunuyh dơn nsum du mrô tâm nal yor ri nuih n'hâm kon bunuyh bêng ma nau janh ƀai, jêh ri nau brŭt ndrăng chiă uănh nau mĭn khân păng du bông nau rêh, gay nglĕ dŭt mra hăn lăp tâm ma nau khĭt.

Nơm Nti 9:5

Bunuyh rêh gĭt ma nau păng nơm mra khĭt, Ƀiălah phung khĭt mâu mra gĭt du ntil ôh; Mâu hôm geh nau nkhôm ăn ma khân păng, Yorlah nau ndray ma khân păng hŏ tŭp tâm nau chuêl jêh.

Êsai 47:7

Ay mĭn pô aơ: “Gâp mra jêng hađăch bu ur n'ho ro.” Ay mâu mâp mĭn ma lĕ nau aơ, Mâu lĕ ay mĭn ma nau mra tât ta kêng dŭt.

Yêrêmi 16:8

May mâu đŏng lăp ôh ngih geh nkra nhêt sa gay gŭ sông sa nhêt ndrel khân păng.

Ndrom Samƀŭt bơh Agê 1:5

Pôri aƀaơ aơ, Brah Yêhôva ma phung tahan lah pô aơ: ‘Mêt uănh hom trong khân may ŭch ƀư.

Malachi 2:2

Tơlah khân may mâu iăt ôh, jêh ri mâu mĭn ôh nhhơr nau chrêk ma lơp ma amoh Gâp pôri Gâp mra rak rtăp khân may, jêh ri mra rgâl nau ueh uĭn khân may jêng nau rak rtăp. Ngăn ro, Gâp hŏ rak rtăp jêh, yorlah khân may mâu mĭn ôh nau yơk ma Gâp.” Brah Yêhôva ma phung tahan lah kơt nây.

Nau Kơp Bunuyh 23:10

Mbu dơi kơp ndruyh choih Y-Yakôb? Mbu dơi kơp du kô̆ tâm puăn Israel? Ăn gâp dơi khĭt ma đah nau khĭt nơm sŏng srăng; Ăn gâp rai lôch tâm ban ma khân păng!”

Mathay 5:4

Ueh maak ngăn ma phung nhĭm rngot, Yorlah mra dơn nau bonh leng!

Nau Vay Nkah Tay 32:29

Tơlah nau blau mĭn khân păng mra gĭt rbăng nau aơ, Jêh ri gĭt vât tât dăch dŭt mâm khân păng mra jêng pakơi taơ.

Nau Vay Nkah Tay 32:46

Y-Môis ntĭnh ma khân păng: “Djôt prăp hom tâm nuih n'hâm lĕ rngôch nau ngơi gâp mbơh jêh ma khân may nar aơ, jêh ri ntuh tay ma phung kon sau khân may gay ma khân păng dơi njrăng tĭng kơt lĕ rngôch nau ngơi tâm nau vay aơ.

Philip 3:19

Nau nglĕ dŭt khân păng jêng nau rai roh. Khân păng sŏk ndŭl khân păng nơm jêng kôranh brah khân păng nơm, sŏk nau đit prêng jêng nau chrêk rmah, jêh ri knŏng mĭn ma lĕ nau kan tâm neh ntu.

ហេឞ្រើ 9:27

Tĭng nâm bu hŏ nal jêh ma kon bunuyh mra khĭt du tơ̆, jêh nây dơn nau phat dôih.