Nơm Nti 7:19 - Nau Brah Ndu Ngơi 2023

¹⁹ Nau blau mĭn ƀư ăn bunuyh blau geh nau dăng ktang Rlau lơn lĕ rngôch jât nuyh kôranh chiă uănh tâm ƀon.

Nơm Nti 7:19 Iomraidhean Croise

Nau Hôr 21:22

Bunuyh blau mĭn rduh lơh ƀon toyh phung janh ktang Jêh ri ƀư rai pôih nâp khân păng rnơm nsing.

Nau Hôr 24:5

Bunuyh blau geh nau dăng n'hâm suan, Jêh ri bunuyh geh nau gĭt mĭn hao lơ hô âk lơn.

Nau Hôr 8:14

Nau blau nchră jêh ri nau gĭt rbăng tâm gâp da dê, Gâp jêng nau gĭt mĭn; nau ktang tă tâm gâp.

Nơm Nti 4:13

Du huê mom ndăm o ach ƀiălah blau mĭn, ueh lơn ma du huê hađăch ranh ƀiălah rluk, mâu hôm gĭt iăt ôh nau nkah buay.

Nơm Nti 7:12

Yorlah krap tâm dâng gui nau blau mĭn ăt nâm bu krap tâm dâng gui prăk rêl; Ƀiălah nau khlay gĭt rbăng dơi jêng nau blau mĭn mât njrăng nau rêh mbu nơm dơi geh păng.