Nơm Nti 6:6 - Nau Brah Ndu Ngơi 2023

⁶ Ntĭt lah bunuyh ri rêh tât bar rbăn năm ƀiălah mâu dơi dơn đê̆ nau ueh maak mâm dơi geh nau khlay? Mâu di lĕ rngôch bunuyh sĭt ndrel du ntŭk da dê hĕ?

Nơm Nti 6:6 Iomraidhean Croise

Nau Ntơm 5:5

Pôri Y-Ađam dơi rêh sĭn rhiăng pe jât năm, jêh nây păng khĭt.

Ndrom Samƀŭt bơh Yôp 1:21

jêh ri lah: “Gâp rah rhôk luh bơh ndŭl me Gâp mra plơ̆ sĭt rah rhôk tay đŏng; Brah Yêhôva hŏ ăn jêh, Brah Yêhôva plơ̆ sŏk sĭt tay; Khư tâm rnê amoh Brah Yêhôva!”

Ndrom Samƀŭt bơh Yôp 30:23

Gâp gĭt Kôranh Brah mra njŭn leo gâp lăp nau khĭt, Jêng ntŭk tâm nal ăn ma lĕ rngôch bunuyh rêh.

Ndrom Samƀŭt bơh Yôp 7:7

Ơ Kôranh Brah, dăn May kah gĭt ma nau rêh gâp knŏng jêng n'hâm nsôr! Măt gâp mâu mra hôm uănh saơ nau ueh maak đŏng ôh.

Nau Mprơ Ơm 34:12

Mbu nơm rŏng ma nau rêh, Jêh ri ŭch gŭ rêh jŏ năm geh nau ueh maak?

Nơm Nti 12:7

Jêh ri ndruyh neh plơ̆ sĭt tâm neh nâm bu kơt saơm, Bi huêng plơ̆ sĭt ndrel Brah Ndu jêng Nơm hŏ ăn păng.

Nơm Nti 2:14

Bunuyh blau mĭn geh trôm măt tâm bôk păng, Bi phung rluk chuat hăn tâm nau ngo. Ƀiălah, gâp saơ jêh lĕ bar hê mra hăn ndrel ma du ntŭk tâm nal.

Nơm Nti 3:20

Lĕ rngôch nsum du ntŭk da dê; lĕ rngôch luh bơh ndruyh neh, lĕ rngôch mra plơ̆ sĭt ma ndruyh neh.

Nơm Nti 6:3

Tơlah geh du huê bunuyh deh du rhiăng kon sau jêh ri rêh jŏ du rhiăng năm, ƀiălah nuih n'hâm mâu mpay nau ŭch ma nau ueh lăng, jêh ri khĭt mâu lĕ geh tâp, gâp dơi lah du huê kon se jê̆ khĭt nôk mhe deh hôm e geh nau ueh lăng rlau bunuyh nây.

Nơm Nti 6:5

Păng mâu prot saơ, ăt mâu prot gĭt tât ma nar; ƀiălah, păng geh nau rlu lơn ma bunuyh ri.

Nơm Nti 7:2

Hăn tât ngih ndrê klâng Ueh lơn tât ma ngih nhêt sa, Yorlah nau nây jêng ntŭk nglĕ dŭt ma lĕ rngôch bunuyh, Jêh ri bunuyh rêh ăn nuih n'hâm klâng rvê.

Nơm Nti 9:2

Ăp nau kan geh tât ăn ma lĕ rngôch bunuyh du ai tâm ban, nsum du mrô tâm nal: Bunuyh sŏng srăng tâm ban ma phung djơh mhĭk, Bunuyh ueh tâm ban ma phung mhĭk, Bunuyh geh nau kloh tâm ban ma phung ƀơ̆ ƀơch, Bunuyh nhhơr mpa ƀư brah tâm ban phung mâu nhhơr, Bunuyh sŏng tâm ban ma phung nau tih, Bunuyh tâm ton tâm ban phung mâu nănh tâm ton.

Êsai 65:20

Ta nây mâu mra geh ôh phung kon se khĭt gơnh, Mâu lĕ geh phung bu ranh mâu rĭng năm; Yorlah khĭt nôk du rhiăng năm, kơp jêng khĭt mom, Jêh ri nơm knŏng rêh tât du rhiăng năm bu mra kơp jêng nơm geh nau rak rtăp.

Êsai 65:22

Khân păng mâu mra ndâk ngih ăn nơm êng gŭ ôh, Mâu lĕ tăm đang krăk ƀâu ăn nơm êng sa. Yorlah nar phung ƀon lan Gâp gŭ rêh mra jêng tâm ban ma nar tơm si gŭ rêh; Phung Gâp săch mra dơn ndơ tă bơh kan ti khân păng nơm ƀư.

Yêrêmi 17:6

Bunuyh nây nâm bu rlô pôm tâm bri rdah, Mâu saơ ôh nau ueh maak tât. Mra rêh ntŭk ndrêch rdah kro đang, Ta klơ neh chiăt boh mâu geh bunuyh gŭ ôh.

ហេឞ្រើ 9:27

Tĭng nâm bu hŏ nal jêh ma kon bunuyh mra khĭt du tơ̆, jêh nây dơn nau phat dôih.