Nơm Nti 5:8 - Nau Brah Ndu Ngơi 2023

⁸ Dôl may saơ tâm du n'gor geh phung o ach bu tŭn jot, nau sŏng jêh ri nau di bu jot rchal, lơi ta hih rhâl ôh ma nau nây; yorlah du hê kôranh toyh geh kôranh toyh lơn nking n'gang jêh ri ta klơ khân păng hôm e geh kôranh toyh lơn đŏng.

Nơm Nti 5:8 Iomraidhean Croise

II Nau Rêh Jêng 26:10

Păng ndâk đŏng lĕ ngih tŭm tâm bri rdah, kuyh âk ntu dak, yorlah păng geh âk mpô mpa rong ta nkual Sêphêla nđâp tâm ntŭk nkual prêh. Hađăch geh đŏng phung ƀư mir, phung tăm krăk ƀâu ta klơ dor yôk jêh ri ta Karmel, yorlah păng ŭch nau tuch tăm.

Ndrom Samƀŭt bơh Yôp 24:23

Brah Ndu ăn khân păng rêh ueh mpăn, nâp, Ƀiălah măt Păng tĭng rmiăng tâm lĕ trong khân păng.

Nau Mprơ Ơm 12:5

Yorlah bu tŭn jot phung rêh ni jêh ri phung pưt kƀah rđêng nđor, Yor ri Brah Yêhôva lah: “Aƀaơ Gâp mra dâk, Dơm khân păng ta ntŭk đăp mpăn ntŭk khân păng gŭ kâp.”

Nau Mprơ Ơm 55:9

Ơ Kôranh Brah, rvăn lơi khân păng, ƀư tâm rlŭk nau ngơi khân păng, Yorlah gâp saơ nau ktang jêh ri tâm djrel tâm ƀon.

Nau Mprơ Ơm 82:1

Brah Ndu gŭ tâm nau phung Păng tâm rƀŭn; Păng phat dôih ta nklang phung brah:

Nau Mprơ Ơm 83:18

Gay ma khân păng gĭt pô aơ jêng knŏng du huê May Nơm yơh, Amoh May jêng Brah Yêhôva, Jêng Nơm Dŭt Prêh chiă uănh tâm lam neh ntu.

Nau Mprơ Ơm 95:3

Yorlah Brah Yêhôva jêng Brah Ndu dŭt toyh, Jêng Hađăch dŭt prêh ta klơ lơn ma lĕ rngôch brah.

Nau Hôr 22:16

Phung tŭn jot bunuyh o ach gay ƀư ndrŏng ăn păng nơm, Nâm bu drăp blŏl ăn ma bunuyh ndrŏng, Njŭn leo nau ndĭt trơi da dê.

Nau Hôr 24:12

Tơlah may lah: “Ri, hên mâu gĭt ôh nau aơ,” Pôri Nơm njing nuih n'hâm may mâu di hĕ sek uănh lĕ nau nây? Jêh ri Nơm mât mray huêng may mâm dĭng mâu gĭt? Păng mra mplơ̆ ma ăp nơm tĭng nâm moh kan khân păng ƀư?

Nau Hôr 8:17

Gâp rŏng ma phung rŏng ma gâp, Phung tĭng joi gâp ma lĕ nuih n'hâm mra mâp gâp.

Nơm Nti 3:16

Gâp hôm saơ tay tâm dâng nar: Ntŭk phat dôih geh nau djơh mhĭk, Ntŭk nau di geh nau mâu sŏng.

Nơm Nti 4:1

Gâp plơ̆ sek uănh tay lĕ rngôch nau tŭn jot nau tât geh tâm dâng nar: Ri, phung bu tŭn jot hoch hor dak măt Mâu geh nơm bonh leng khân păng! Phung tŭn jot mƀin nsing ma nau dơi, Ƀiălah phung bu tŭn jot mâu geh nơm bonh leng!

Nơm Nti 5:9

Ƀiălah tâm lĕ rngôch nau geh, lĕ rngôch bunuyh sŏk play tă bơh mir, jêh ri hađăch tâm ban lĕ sŏk play nây đŏng.

Nơm Nti 7:7

Nau tŭn jot ƀư bunuyh blau jêng rluk, Ndơ bu blŏl ƀư djơh nuih n'hâm bunuyh.

Nơm Nti 8:9

Gâp hŏ saơ lĕ rngôch nau nây dôl nuih n'hâm ŭch mĭn đah lĕ nau kan tât geh tâm dâng nar. Geh tơ̆ bunuyh aơ chiă uănh ta klơ bunuyh ri, jêh ri ƀư ăn bunuyh nây geh nau mhĭk.

Êsai 10:12

Ƀiălah dôl Kôranh Brah hŏ ƀư jêh lĕ kan Păng ta klơ yôk Siôn jêh ri ta ƀon Yêrusalem, Păng lah: “Gâp mra tâm rmal lĕ nau kan nuih n'hâm n'hao êng jêh ri măt nau hưn n'hao êng nơm hađăch Asiri.

Êsai 3:15

Mâm dĭng khân may janh jot plên phung ƀon lan Gâp, Jot rchal lơi muh măt phung o ach?” Kôranh Brah jêng Brah Yêhôva ma phung tahan lah.

Êsai 37:36

Aƀaơ, du huê tông mpăr Brah Yêhôva hăn lăp tâm pôih tahan phung Asiri, jêh ri nkhĭt du rsen pham rmưn prăm rbăn bunuyh. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh!

Êsai 5:7

Đang play Brah Yêhôva ma phung tahan Jêng ngih Israel, Bi ma phung Yuđa Jêng lĕ tơm si Păng răm maak tăm. Păng kâp gân gay saơ nau sŏng, Ƀiălah knŏng saơ nau mhĭk; Păng kâp gân ma nau sŏng srăng, Ƀiălah knŏng geh nau nter nđêng!

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsêkiêl 18:18

Bi tơlah ma mbơ̆ păng hŏ dŏng nau ƀai tŭn jot, ntŭng ndơ oh nâu păng, jêh ri ƀư nau mâu ueh ta nklang phung ƀon lan păng, pôri mbơ̆ păng mra khĭt yor nau tih păng nơm.

Amôt 5:12

Yorlah Gâp gĭt nau ƀư tih khân may âk ir, Nau tih khân may mâu hôm dơi kơp; Khân may tŭn jot phung sŏng srăng, Dơn sŏk drăp bu blŏl, Jêh ri mâu koh dŏng nau di ma phung o ach tâm ntŭk mpông ƀon.

Amôt 6:12

Geh lĕ bu ăn seh nchuăt ta klơ? Geh đŏng bu leo ndrôk kai lŭ nây? Ƀiălah khân may hŏ rgâl nau sŏng rlơ̆ jêng nkhơng dak si kăch, Jêh ri rgâl play sŏng srăng jêng nau rngot ngăn ngên.

Mika 2:9

Khân may mprơh du lơi phung bu ur ƀon lan Gâp Tă bơh ngih ueh maak khân păng Sŏk lơi nau chrêk rmah Gâp Tă bơh phung kon khân păng n'ho ro.

Sakari 8:6

Brah Yêhôva ma phung tahan lah: “Tâm nar nây, nđâp lah phung ƀon lan hôm e klen aơ, uănh ma nau nây nâm bu hih rhâl, ƀiălah ma măt Gâp uănh mâu geh hih rhâl ôh?” Brah Yêhôva ma phung tahan lah.

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Luka 1:32

Kon bu klâu nây mra dơi yơk, dơi kuăl jêng Kon Nơm Dŭt Prêh, Kôranh Brah jêng Brah Ndu mra ăn ma Păng sưng hađăch Y-Đavit, chô yau Păng.

Luka 1:35

Tông mpăr plơ̆ lah: “Brah Huêng Ueh mra gŭ ta klơ ay, jêh ri nau brah tă bơh Nơm Dŭt Prêh mra nkŭm nkâm ay; yor nây nau jŭr deh kon kloh ueh bu mra kuăl jêng Kon Brah Ndu.

Luka 1:76

Hơi kon se jê̆, bu mra kuăl ma may jêng nơm mbơh lor ma Nơm Dŭt Prêh; May mra hăn tanăp Kôranh Brah, nkra trong ma Păng,

Kôranh Oh Mon 12:23

Ƀât lât, geh du huê tông mpăr Kôranh Brah dong hađăch Hêrôt yorlah hađăch mâu ăn nau chrêk rmah ma Brah Ndu. Hađăch khĭt yor ma rhai sa.

Samƀŭt Pôl Njuăl Ăn Ma Phung Nsing Ta Ƀon Rôm 11:33

Ơ! Nau ndrŏng, blau mĭn jêh ri nau gĭt rbăng Brah Ndu khlay ndâp âk ngăn! Nau Păng phat dôih, mbu nơm mâu dơi gĭt, trong Păng mbu nơm mâu dơi gĭt rbăng!

Yakơ 2:13

Yorlah mbu nơm mâu tâm mpơl nuih n'hâm yô̆ nđach mra geh nau phat dôih tâm nau mâu yô̆ nđach; ƀiălah nau yô̆ dơi đah nau phat dôih.

I Pêtrôs 4:12

Hơi phung gâp rŏng, tơlah ŭnh nau rlong uănh tât gay rlong uănh khân may, lơi dĭng hih rhâl nâm bu khân may nơm mâp du ntil nau êng ang.

I Yôhan 3:13

Hơi phung oh nâu, tơlah neh ntu tâm rmot ma khân may, lơi hih rhâl.